1 Corintios 8:12 - Nuevo Testamento Tzeltal de Amatenango

¹² Te tutꞌil ya awakꞌ ejchꞌenajuk yoꞌtanik te hermanoetik te maꞌ to ayuk spuersa yoꞌtanik ta xchꞌuunel te Diose, jich mismo la ata amulik ta stojol te Cristoe.

Bible in Tzeltal Bachajón

¹² Te bin ut'il hich yac ata amulic ta stojol te awermanotac soc yac awehchentesbe yo'tan te mayuc yip, ha yac ata amulic ta stojol Cristo yu'un.

Bible in Tzeltal de Oxchuc y Tenejapa

¹² Te bit'il ya awac' ejch'enajuc yo'tanic te quermanotactic te ma'yuc yip yo'tanic ta xch'uunel te Diose, jich la ataix amulic ta stojol a te Cristoe.

1 Corintios 8:12 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 18:21

Te jPedroe tal sjojkꞌobe te Jesuse: —¿Kajwal, jayeb buelta ya skꞌan ya jpasbe perdon teme ay tut ma tsaꞌamuk ya spasbon te kermanoe? ¿Me tey a te jukeb bueltae? —xchi.

San Mateo 18:6

“Machꞌauk a te ya yakꞌ yaluk ta mulil jtuluk te machꞌatik chꞌin ayik te xchꞌuunejikone, jaꞌ lek te yauk yichꞌ chukel mukꞌul chaꞌton ta snukꞌ te ya xchꞌojot ochel ta stoylejal te mare.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Marcos 9:42

Jich a yal xan te Jesuse: —Machꞌauk a te ya yakꞌ yaluk ta mulil tuluk te machꞌa pekꞌ ayik te xchꞌuunejikone, jaꞌ lek yauk yichꞌ chꞌojel ta mar sok junuk mukꞌul chaꞌ ton chukul ta snukꞌ.

San Lucas 17:2

Te machꞌa ya syales ta mulil jtuluk te machꞌatik chꞌin yakꞌoj sbaike, jaꞌ lek te yauk yichꞌ chukel ta snukꞌ junuk chaꞌ, ya xchꞌojot ochel ta mar.

Romanos 14:20

Ma me xꞌajimbey yaꞌtel Dios ta skaj te weꞌele. Ma yuꞌunuk ma lekuk ta weꞌel spisil ta jkaj te weꞌele. Jaꞌ ma lekuk teme ay tut ya jweꞌtik te ya xꞌixlanbot yoꞌtan yuꞌun te yane.

1 Corintios 12:12

Te Cristoe jich ay tutꞌil te jtiꞌbalultike. Aunke ben bayal tut lokꞌem a, pero jun nax ay.