1 Corintios 8:11 - Nuevo Testamento Tzeltal de Amatenango

¹¹ Jich te jaꞌate, yuꞌun te anaꞌojbeyix sluware, jich ya awakꞌ bael te chꞌayel te awermano te ma to ayuk spuersa yoꞌtane, te jaꞌ chamen Cristo yuꞌune.

Bible in Tzeltal Bachajón

¹¹ Hich ta scuenta te bin yac ana' ha'at, yac awac' ch'ayuc awermano te mayuc yip yo'tan, te cham Cristo yu'une.

Bible in Tzeltal de Oxchuc y Tenejapa

¹¹ Jich ta swenta nax te bila ana'oje, te ya awac' ch'ayuc te awermano te ma'yuc yip te yo'tane, te ja' lajem Cristo yu'une.

1 Corintios 8:11 ပူးပေါင်းရင်းမြစ်များ

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

Romanos 14:15

Pero teme ta skaj te aweꞌel te ya yakꞌ yajtal yoꞌtan te awermanoe, yuꞌun maꞌyuk slekil awoꞌtan te tutꞌ ayate. Ma me ta skajuk te aweꞌele te chꞌayel ya xbajt te yane, te jaꞌ a cham Cristo yuꞌune.

1 Corintios 10:33

Te tut ya jpas te joꞌone, jaꞌ te tut lek yoꞌtanik yuꞌun ta spisilik. Ma jaꞌuk ya jle te joꞌon nax jlekilal aye. Jaꞌ ya jlebey slekilalik euk te yane yuꞌun jich me ya staik skolelik ekꞌa.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.