1 Corintios 8:10 - Nuevo Testamento Tzeltal de Amatenango

¹⁰ Porke te jaꞌate, te ya anaꞌbeyix te jich ay sluware, teme ba anajkan aba ta weꞌel, te baꞌ ay sna te lotil diosetike, pero teme la yilat jtul hermano te ma to ayuk spuersa yoꞌtane, ay me jich ya xkꞌot ta pasel ekꞌa te ya xba sweꞌbey te tut aꞌbil smajtanin te jtul lotil diose.

Bible in Tzeltal Bachajón

¹⁰ como te mach'a mayuc yip yo'tan teme ya yilat te yacat ta we'el ta mesa yu'un loc'ombahetic ha'at te ana'beyej scuentahil, ¿ma bal yacuc snop te ha nix hich ya swe' te bin ac'bil ta stojol te loc'ombahetique?

Bible in Tzeltal de Oxchuc y Tenejapa

¹⁰ Melel teme ay mach'a la yilat te nacalat ta we'el ta smesa te loc'ombaetique, te mach'a ma'yuc yip yo'tane jich me ya sc'ain sti'el uuc te milbil smajt'an te loc'ombaetique.

1 Corintios 8:10 ပူးပေါင်းရင်းမြစ်များ

Hechos 15:20

Jaꞌ nax a me jpasbeytik sjunik te ya kalbetik te ma me wakꞌ sweꞌik tiꞌbal te ma lekuke yuꞌun jaꞌ smajtaninej te lotil diosetike, sok a me sjilesik te antsiwejele, sok te makꞌ sweꞌbeyik stiꞌbalul chambalametik te tsꞌotbil nax snukꞌe sok te jich nax chamene, sok te makꞌ sweꞌeik te chꞌichꞌe.

Romanos 14:14

Te joꞌone jnaꞌojbe sluwar te maꞌyuk tut ya xjuꞌ te ya xꞌixtaꞌ a jkꞌoplaltik ta skuenta Dios. Te tutꞌil jchꞌuunej te Kajwaltik Jesuse, seguro ayon te jich aye. Yan teme ay machꞌa ya snop te ay tut te ma tsaꞌamuk ta pasele, yuꞌun nanix ma tsaꞌamuk teme jich ya spase.

Romanos 14:23

Pero te machꞌa ma to kꞌoemuk ta yoꞌtan teme lek o ma lek ya sweꞌ chꞌinuke, teme la sweꞌe, jich me a staix smul a. Porke ya sweꞌ te tutꞌil xchꞌuunej te ma lekuk ta weꞌele. Y spisil te tutik la spas te ma jichuk xchꞌuunej yoꞌtane, jich la staix smul abi.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.

1 Corintios 8:7

Pero ma spisiluk te jich snaꞌojik to. Ay jtul-cheb te jich kꞌayemik ta xchꞌuunel te lotil diosetike. Jaꞌ yuꞌun teme ya sweꞌ te weꞌeliletike, ya to snaꞌ te jaꞌ aꞌbil ta smajtan te lotil diosetike. Skaj te ma to ayuk spuersa yoꞌtanike, jaꞌ ya yalik te teꞌ ya xmulawik a te ya sweꞌelinik te sobrail weꞌelil yuꞌun te lotil diose.

1 Corintios 8:9

Pero koma me abaik te tutꞌil ayex ta libree yuꞌun te tutꞌ ya xweꞌexe. Ma me teyuk ya sta smul a te machꞌatik ma to ayuk spuersa sok te xchꞌuunel yoꞌtane.