1 Corintios 7:34 - Nuevo Testamento Tzeltal de Amatenango

³⁴ Jich cheb te tut ya xnitot yuꞌune. Jaꞌ nax jich te ants te ma nujpunemuke y sok te soltera aꞌchetike, jaꞌ baem ta yoꞌtanik te tutik skuenta te Kajwaltike, yuꞌun jich yuꞌun Dios ya xkꞌot te stiꞌbalule y sok te xchꞌulele. Pero te ants nujpuneme, jaꞌ nax baem ta yoꞌtan te tutik skuenta te balmilale sok te tut lek yoꞌtan yuꞌune te smamlale.

Bible in Tzeltal Bachajón

³⁴ Ha nix hich ma pajaluc te mach'a nuhpunem soc te ach'ixe. Te ach'ix ya yo'tantay spasel te bintic yu'un te Cajwaltic, ha te bin ut'il ch'ultesbil ya xc'oht te yo'tan soc sbaq'uetal; yan te mach'a nuhpunem, ha ya xbaht ta yo'tan spasel te bintic scuenta bahlumilal, te bin ut'il lec yo'tan yu'un te smamalale.

Bible in Tzeltal de Oxchuc y Tenejapa

³⁴ Ja' nanix jich te ants te nujbineme, ma spaj te jtec'tojom ach'ixe. Melel te mach'a ma'yuc smamlale, ja' ay ta yo'tan te bila swenta te Cajwaltique, swenta yu'un jich me ch'ultesbil ya xc'ot soc sbaq'uetal soc xch'ulel. Yan te ants te nujbineme, ja' ay ta yo'tan te bila ya xtuun yu'un ta balumilale, soc ja' nax ya xbajt' ta yo'tan spasel te bila lec yo'tan yu'un te smamlale.

1 Corintios 7:34 ပူးပေါင်းရင်းမြစ်များ

San Juan 10:13

Te machꞌa jle-aꞌtel naxe ya xlokꞌ ta anel, porke jle-aꞌtel nax, yuꞌun ma yocheluk te karneraetike.

Romanos 6:13

Maꞌ awakꞌik entregal te atiꞌbalulik yuꞌun te mulile yuꞌun ta spasel te tut ma lekuke. Jaꞌ lek akꞌa abaik entregal ta stojol Dios, jich tutꞌil jtul gente te chame y te chaꞌkuxe. Sok akꞌaik entregal te atiꞌbalulik te ya xtuun yuꞌun ta spasel te tut leke.

1 Corintios 6:20

porke Dios toyol a stojtalan. Jaꞌ yuꞌun ya skꞌan ya awakꞌik ta jkuenta a te Dios sok te atiꞌbalulike.

1 Corintios 7:33

Pero te machꞌa nujpuneme jaꞌ ya xbajt ta yoꞌtan te tutik skuenta te balmilale y sok te tutꞌ lek yoꞌtan yuꞌun te yiname.

1 Corintios 7:35

Te tutꞌil jich a kalbeyex to, yuꞌun alekilik a te jaꞌexe, ma yuꞌunuk ay tut wokol ya kakꞌ ta akuentaik. Yuꞌun ya jkꞌan te lek ya xkuxuyinex a, sok te jun awoꞌtanik ya awakꞌ abaik ta abatinel ta stojol te Kajwaltike.

2 Corintios 11:28

Ma jipuk nax a to, y ay to xan yan: Jujun kꞌaal lom al ya kaꞌiy yuꞌun te yajtal koꞌtan yuꞌun ta spisil te juju-tijkꞌ hermanoetike.

2 Corintios 8:16

Pero kola yal Dios te la yaꞌbe ta yoꞌtan te jTitoe mismo te tutꞌ yajtal koꞌtanex te jaꞌexe.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

1 Tesalonicenses 5:23

Jaꞌ mismo te Dios yuꞌun te bujtsꞌan kꞌinale, jaꞌ me ya stojutesex te lek ya xꞌoex yuꞌune, y ya me skanantayex ta steklejal sok achꞌulelik sok awoꞌtanik sok atiꞌbalulik, skuenta ma me ayuk amulik a kꞌalal ya xtal te Kajwaltik Jesucristoe.

1 Timoteo 3:5

Porke teme ay jtuluk te ma snaꞌ xmantalaj ta snae, ¿tutꞌil kꞌan juꞌuk yuꞌun skanantayel te hermanoetik yuꞌun te Diose?

1 Timoteo 5:5

Yan te meꞌba ants te yal stukel xanix aye, jaꞌ yipinej yoꞌtan te Diose, y ma skom sba ta yalulanbeyel y skꞌoponel Dios ta kꞌajkꞌal ajkꞌubal.

Tito 3:8

Jaꞌ to batsꞌi lom jich. Sok ya jkꞌan te jaꞌ ya awaꞌtelin yalel sil tiempo, skuenta yuꞌun jich ya me yoꞌtanin spasel te tut lek te machꞌatik ya xchꞌuunik te Diose. Lek ta spasel spisil to, sok jaꞌ ya xlekub yuꞌun ta spisilik.