1 Corintios 7:21 - Nuevo Testamento Tzeltal de Amatenango

²¹ Teme la yikꞌelat te ayat ta jmosoil aye, maꞌ me awakꞌ yajtal awoꞌtan yuꞌun. Teme ya ata te tutꞌil ya xjuꞌ ya xjilat ta libree, akꞌa me aba ta libre abi.

Bible in Tzeltal Bachajón

²¹ ¿Ayat bal ta mosohil a te la awich' iq'uel? Ma me xamel awo'tan yu'un. Pero teme ay bin ut'il ya xhu' ya xhilat ta libre, coltaya aba.

Bible in Tzeltal de Oxchuc y Tenejapa

²¹ Teme moso ayat a te c'alal la awich' iq'uele, ma me xamel awo'tan yu'un. Ja'uc me to, teme ya xju' awu'un te ya awac' aba ta libree, ac'a me aba ta libre jiche.

1 Corintios 7:21 ပူးပေါင်းရင်းမြစ်များ

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

San Lucas 12:29

Jaꞌ yuꞌun te jaꞌexe ma me xꞌawakꞌ yajtal awoꞌtanik sleel te tut ya aweꞌ sok ya awuchꞌike.

1 Pedro 5:7

Aꞌbeyaik ta skuenta stukel te yajtal awoꞌtanike, porke stukel skanantayejex.

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

Filipenses 4:11

Ma yuꞌunuk ya kal te ay jwokol ta meꞌbale, yuꞌun la jnopix te junuk koꞌtan a te tut ay kuꞌune.

Filipenses 4:6

Ma me tut ya yakꞌ yajtal awoꞌtanik yuꞌun. Jaꞌ ya skꞌan ya akꞌoponik Dios yuꞌun ta spisil te tut ya xtuun awuꞌun, y albeyaik kolayal ekꞌa.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

San Lucas 21:34

“Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

1 Corintios 7:20

Ta juju-tul jich ya skꞌan xꞌanotik te tutꞌil ayotik a te kꞌalal la yikꞌotik te Diose.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.