1 Corintios 7:18 - Nuevo Testamento Tzeltal de Amatenango

¹⁸ Teme ma machꞌa ya xꞌikꞌot yuꞌun Dios te yichꞌoj sirkunsisione, jich me a anuk abi. O teme jaꞌ ya xꞌikꞌot te machꞌa ma yichꞌojuk sirkunsisione, ma me spasix ya yichꞌ sirkunsision.

Bible in Tzeltal Bachajón

¹⁸ ¿Ay bal mach'a yich'oj circuncisión a te ic'ot yu'un Dios? Hich ac'a ayinuc. ¿Ay bal mach'a ma ba yich'oj circuncisión a te ic'ot yu'un Dios? Ma me xyac' sba ta a'beyel circuncisión.

Bible in Tzeltal de Oxchuc y Tenejapa

¹⁸ Teme awich'oj circuncisión a te c'alal la yic'at te Diose, jichuc me abi. Teme ma ba awich'oj te circuncisione, ma me xawac' aba ta yich'el.

1 Corintios 7:18 ပူးပေါင်းရင်းမြစ်များ

Hechos 15:19

“Jaꞌ sluwaril te ya kal te ma me xꞌawaꞌbeyik yijkatsinik te smantal te machꞌatik ma juriyouke. Aꞌ sjilesik te tut antibo xchꞌuunejike, sok aꞌ sujtes yoꞌtanik ta stojol te Diose.

Hechos 15:24

“La kaꞌibetik sluwar te ay chaꞌoxtul te liꞌ lijkemik baele te ma jtikonejtikuke te la yaꞌbeyex yajtal awoꞌtanik yuꞌun te tuti yalike sok te la yakꞌ aꞌbiyanuk awoꞌtanike. Jaꞌ te la yalbeyex te puersa ya skꞌan ya awichꞌik sirkunsision sok te ya achꞌuunik te mantaliletik yuꞌun te jMoisese.

Hechos 15:28

Yuꞌun jaꞌ lek ya yaꞌi te Chꞌul Espiritue sok lek a kaꞌitik euk te maꞌyuk yan mantal te ya kakꞌtik achꞌuunike, jaꞌ nax te tut ben tulan skꞌoplale.

Hechos 15:5

Pero ay chaꞌoxtul fariseoetik te xchꞌuunejikix te Jesuse la stejkꞌan sbaik jajchel, y la yalik: —Puersa me ya kaꞌbeytik yichꞌ sirkunsision te hermanoetik te ma juriyouke, y ya me kalbetik te ya xchꞌuunik te mantaliletik yuꞌun te jMoisese —xchiik.

Hechos 21:21

Sok yaꞌiyojbeyik sluwar spisil te juriyoetik te aylan ta yanetik luware te ya anojpes te ma puersauk ya xchꞌuunik te tut yaloj te jMoisese, y ya awaltalanbe te makꞌ yaꞌbeyik sirkunsision te yuntikilike, sok te ma puersauk ya xchꞌuunik te kostumbre kuꞌuntike.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.