1 Corintios 7:17 - Nuevo Testamento Tzeltal de Amatenango

¹⁷ Pero chikan tutꞌil ayotik ta juju-tul te tut majtanil yakꞌojbotik te Kajwaltike. Y jich ya skꞌan xꞌanotik te tutꞌil ayotik kꞌalal la yikꞌotik te Diose. Jaꞌ to jaꞌ mantal te jich a kalbey ta spisil te juju-tijkꞌ hermanoetike.

Bible in Tzeltal Bachajón

¹⁷ Jujutuhl hich ac'a ayinuc te bin ut'il ay te mahtaniletic a'bibilic yu'un te Cajwaltic soc bin yilel c'alal ic'ot yu'un Dios; hich ya cal mandar ta stojol spisil te iglesiahetique.

Bible in Tzeltal de Oxchuc y Tenejapa

¹⁷ Jich yu'un, chican bit'il la spucbeyex amajt'anic juju-jtulex te Cajwaltique. Ja' lec te jichuc ya x'ainex te bit'il la yiq'uex ta stojol te Diose. Jich ya calbey mandal spisil te jch'uunjeletique.

1 Corintios 7:17 ပူးပေါင်းရင်းမြစ်များ

San Mateo 19:12

Ay te winketik te ma xjuꞌ xnujpunike yuꞌun jich a ayin sok stiꞌbalulik. Ay yanetik te jicha pasbot te stiꞌbalulik yuꞌun te winketike. Sok ay yan te makꞌ xnujpunike yuꞌun jich ay ta yoꞌtanik te ya xjuꞌ yuꞌunik te ya yajwalinik te Diose. Aꞌ spas jich te machꞌa ya xjuꞌ yuꞌun te jich ya xkꞌot ta yoꞌtane —xchi te Jesuse.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

1 Corintios 11:16

Pero teme ay machꞌa ma tsaꞌamuk ya yaꞌiy te tuti kale, a me snaꞌbe sluwaril te maꞌyuk yan tut ya jpastike te joꞌotik sok te yanetik te xchꞌuunejikix Diose.

1 Corintios 11:34

Y teme ay machꞌa ay ta wiꞌnale, a me weꞌuk ta sna. Yuꞌun te Diose makꞌ ya yaꞌbeyex kastigo a teme jich ya atsob abaike. Y te yan xan kꞌopetike, jaꞌ ya jchaptalan jilel a te kꞌalal ya xtal kilexe.

1 Corintios 14:33

Porke te Diose jaꞌ Dios yuꞌun te butsꞌan kꞌinale, ma jaꞌuk yuꞌun te kꞌexlaltik sba ta aꞌiyele. Ya skꞌan ya anopik spasel tutꞌil ya spasik spisil te hermanoetik ta stojol Diose.

1 Corintios 16:1

Te tutꞌil ya yichꞌ tsobel majtanil yuꞌun hermanoetik te xchꞌuunejik Diose, jich me xꞌapasik te tutꞌil la kaltalanbe te hermanoetik te ayik ta estado yuꞌun Galacia.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

1 Corintios 7:18

Teme ma machꞌa ya xꞌikꞌot yuꞌun Dios te yichꞌoj sirkunsisione, jich me a anuk abi. O teme jaꞌ ya xꞌikꞌot te machꞌa ma yichꞌojuk sirkunsisione, ma me spasix ya yichꞌ sirkunsision.

1 Corintios 7:24

Jich yuꞌun, kermanotak, ta juju-tul jich me xꞌawakꞌ abaik ta stojol Dios jich tutꞌil ayex te kꞌalal la yikꞌexe.

1 Corintios 7:7

Te ya kal joꞌone, jaꞌ lek te jichuk ay spisil winketik te tutꞌilone. Pero Dios jich a yakꞌ ta juju-tul skajal-skaj tutꞌ ay smajtan. Te yane ya xjuꞌ yuꞌun, y ay yan ma xjuꞌ yuꞌun.

2 Corintios 11:28

Ma jipuk nax a to, y ay to xan yan: Jujun kꞌaal lom al ya kaꞌiy yuꞌun te yajtal koꞌtan yuꞌun ta spisil te juju-tijkꞌ hermanoetike.

2 Corintios 8:18

Pajal ya jtikontik sok jTito te jtul hermano te ben lek skꞌoplal yuꞌun spisil te juju-tijkꞌ hermanoetike, te tutꞌil lek aꞌtejemix ta spukel skꞌoplal te lek achꞌ kꞌop yuꞌun kolele.

Gálatas 1:22

Y maꞌ snaꞌbikon jba ta sitik te hermanoetik ta skuenta Cristo te aylan ta Judea.

1 Tesalonicenses 2:14

Kermanotak, kꞌalal kꞌax awokolik yuꞌun tenel ta skꞌab te alumalike, jich mismo a kꞌot ta pasel ta stojol te hermanoetik yuꞌun Dios te aylan ta Judea te jaꞌ yuꞌunix te Cristo Jesuse. Yuꞌun jich a yichꞌik tenel euk yuꞌun te slumal juriyoetike.

2 Tesalonicenses 1:4

Jaꞌ yuꞌun te joꞌotike ben sniꞌ xkaꞌitik te ya kaltik akꞌoplalik ta stojol te juju-tijkꞌ hermanoetik yuꞌun Diose, te kujchem awuꞌunik spisil te tenele sok te ilbajinele ta skuenta te xchꞌuunel awoꞌtanike.