1 Corintios 6:9 - Nuevo Testamento Tzeltal de Amatenango

^9-10 ¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

Bible in Tzeltal Bachajón

⁹ ¿Ma bal ana'ojic te ma ba ya x'a'bot yich'ic te cuentahinel yu'un Dios te mach'atic chopolique? Ma me slo'loybeyex awo'tanic: te jpas-muliletic, te mach'atic sch'uhunejic lotil diosetic, j'antsiwejetic, mach'atic smohlol sba ta winiquil o ta antsil te ya sjoquin sbahic,

Bible in Tzeltal de Oxchuc y Tenejapa

^9-10 ¿Yu'un bal ma x'ana'ic stojol te mach'atic ma tojuc yo'tanic ma xju' ya yajwalinic te Diose? Ma me slo'layex te awo'tanique, melel ma xju' ya xc'otic tey a te mach'atic ya xyalic ta mulile, te mach'atic ya xch'uunic loc'ombaetique, te mach'atic ya yaiyic mulweje, te mach'atic sc'atp'unej sbaic ta antse, te mach'atic sjoy sbaic ta winiquil te ay bi ya spasbey sbaic ta sbaq'uetalique, te j'eleq'uetique, te mach'atic biq'uit nax yo'tanic yu'un stsobel te sc'ulejale, te jyacubeletique, te j'ixta-c'opetique soc te mach'atic jlo'layej-taq'uinetique. Spisil in to, ma xju' ya xc'o ainuquic tey a ta banti ay ta ajwalinel te Diose.

1 Corintios 6:9 ပူးပေါင်းရင်းမြစ်များ

San Mateo 19:29

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Lucas 21:8

Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

Hechos 20:32

“Te ora to, kermanotak, ya kakꞌex ta kanantayel yuꞌun te Diose sok yuꞌun te skꞌop te kꞌuxutaybilotik yuꞌune. Ay spoder stukel te ya yakꞌ xchꞌiex ta skuenta Espíritu sok ya me yaꞌbeyex spisil te tut yaloj ta stojol te jtejklum tꞌujbil yuꞌune.

Hechos 24:25

Pero kꞌalal la yaꞌbiyanbe te jPablo tutꞌil ya skꞌan te toj ya xkuxuyinotik ta balmilale, sok te tutꞌil ya skꞌan ya jnaꞌtik skomel juju-tulotik te jtiꞌbalultike, sok te tutꞌil ya yilbotik kaꞌteltik ta patil te Diose, te Felixe la yakꞌ yajtal yoꞌtan yuꞌun. Jaꞌ yuꞌun la yalbe: —Lek ay, baanix. Ya jtikonat xan ta ikꞌel te kꞌalal ay tiempo kuꞌune —xchi.

Romanos 1:18

Yuꞌun ya kiltik te tulan kastigo ya yakꞌ tal Dios kꞌalal chꞌulchan ta skuenta spisil te gente te ma tsaꞌamuk sok te ma tojikuke. Jaꞌ sok te ma tsaꞌamikuke skomojik a te tut batsꞌi jiche.

1 Corintios 15:33

Ma me achꞌuunik loꞌlayel. Yuꞌun ay machꞌa ya yal: “Te joꞌtaktik te ma lekikuke ya xchꞌaytalan te tut lek ta pasele”, te xchiike.

1 Corintios 15:50

Ya jkꞌan ya kalbeyex, kermanotak, te tut skuenta tiꞌbal sok te bake ma spas te ya xꞌoch kꞌoel te ba ay ta ajwalilnel te Diose. Y te tut ya xkꞌaꞌe ma spas ya xkꞌot te ba ma xꞌkꞌae.

1 Corintios 3:16

¿Tuꞌun me yuꞌun maꞌ anaꞌojikuk te jaꞌex stemploex te Diose, y te Espíritu yuꞌun te Diose teꞌey ba ayexe?

1 Corintios 5:1

Pujkemix akꞌoplalik te ay jtulex te jaꞌexe te yinaminej te xchaꞌmeꞌe. Te mulil to lom tulan skꞌoplal. Ni maꞌyuk machꞌa jich spasoj te gente te ma snaꞌbeyik sba te Diose.

1 Corintios 5:10

Y ma yuꞌunuk ya kal te jkꞌaxel ya apit abaik sok spisil te machꞌatik ayik ta skuenta te balmilale: te jmulawiletike, sok te jbikꞌtal-oꞌtanetike, sok te jꞌeleketike, sok te ya xchꞌuunik lotil diosetike. Yuꞌun jaꞌ to ya xjuꞌ awuꞌunik a te ya xlokꞌex bael liꞌ ba balmilale.

1 Corintios 5:11

Te la jkꞌan la kalbeyexe jaꞌ te ma spas ya awakꞌ abaik sok ni jtuluk te hermano ya yal sbae teme jaꞌ te machꞌa ya xꞌantsiweje, o jaꞌ te jbikꞌtal-oꞌtane, o jaꞌ te xchꞌuunej lotil diose, o jaꞌ te ya xꞌixta-kꞌoptawane, o jaꞌ te jyakubele o jaꞌ te jꞌeleqꞌe. Te gente te jich aye, ni ma me ajoyinik ta weꞌel.

1 Corintios 6:18

Jaꞌ yuꞌun, kꞌeja abaik me yuꞌun te antsiwejele. Tutikuk xan yan mulil te ya spas te jtul gentee makꞌ ya xkuch te stiꞌbalule. Pero te machꞌa ya spas te antsiwejele, ya xmulaw sok te stiꞌbalule.

1 Corintios 6:19

¿Meꞌn ma xꞌanaꞌik te jaꞌexe te jaꞌ templo yuꞌun te Chꞌul Espíritu te atiꞌbalulike? Te Chꞌul Espiritue ay ta atojolik, yuꞌun te Dios a yaꞌbeyexe. Te jaꞌexe maꞌ awuꞌuninej abaikuk,

1 Corintios 9:24

Te jaꞌexe anaꞌojik teme ay jun jꞌalawe spisilik ya xꞌanimajik. Pero úniko jtul nax te ya yichꞌ smajtan yuꞌun ya yaꞌiy tsalawe. Lek ay, animajanik me ta apisilik, jich me ya xkꞌo ata te amajtanike.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

Gálatas 6:7

Ma me aloꞌlay abaik. Maꞌyuk machꞌa xjuꞌ ya yikꞌtin te Diose. Te tut ya atsꞌune jich mismo ya xlokꞌ awuꞌun.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

Hebreos 12:14

Oꞌtaninaik te jun bujtsꞌan kꞌinal ya awaꞌiyik ta apisilike sok te lekuk ay bael te akuxlejalike. Teme ma lekuk te yoꞌtane, maꞌyuk machꞌa ya yilbey sit te Kajwaltike.

Hebreos 12:16

Ma me ayuk jtuluk te jaꞌexe te ya apasik antsiwejele, sok ma me apꞌajik te tut yuꞌun Dios. Yuꞌun jich tutꞌil la spas te jꞌEsau te ta jun nax weꞌelil la xchon te tut ay yuꞌun te tutꞌil ba alal stukel.

Hebreos 13:4

Ta apisilik akꞌaik me ta jkuenta te nujpunele. Y ma me akapik ta mulil te jun nax awayibike, porke Dios ya yichꞌ jkuenta te machꞌatik ya xꞌantsiweje y te machꞌatik ya xkremiweje.

Santiago 1:16

Kermanotak te ben kꞌuxex ta koꞌtane, ma me awakꞌ abaik ta loꞌlayel.

1 Juan 3:7

Kuntikil, ma me ayuk machꞌa ya sloꞌlayex. Toj ay te machꞌa ya yaꞌtelin te tut leke, jich tutꞌil te Jesucristo te toj stukele.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.