1 Corintios 6:7 - Nuevo Testamento Tzeltal de Amatenango

⁷ Te tutꞌil jich ya xlijk kꞌop awuꞌunike, teꞌ ya xchiknaj a te ataojik tsalele. ¿Me ma jaꞌuk lek te yauk xkujch awuꞌunik te kꞌope? ¿Sok me ma jaꞌuk lek te ay tut ya yelkꞌanbeyex baele?

Bible in Tzeltal Bachajón

⁷ Melel, tsalbil c'ohemex te bin ut'il yac acontrahimbel abahic. ¿Ma bal ha'uc lec xan te ya xcuhch awu'unic te bin ma stojiluc ta pasel ta atojolic? ¿Ma bal ha'uc lec xan te ya xcuhch awu'unic te yac awich'ic lo'loyel?

Bible in Tzeltal de Oxchuc y Tenejapa

⁷ Te bit'il ya xjajch' c'op awu'unique, tey chican a te bit'il ay bayal to sc'an awu'unique. ¿Ma bal ja'uc lec te yacuc sts'ijc' awu'unic te c'ope? ¿Ma bal ja'uc lec te yacuc sts'ijc' awu'unic teme ay mach'a ay bila ya spojbate?

1 Corintios 6:7 ပူးပေါင်းရင်းမြစ်များ

San Lucas 19:8

Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

San Lucas 6:29

Teme ay machꞌa ya smajbeyat te jmejch achoe, aꞌbeya smaj te jmejch xane. Sok teme ay machꞌa ya spojbeyat te akotone, a me yichꞌ bael euk ta akamixe, ma me tuti awal yuꞌun.

1 Tesalonicenses 5:15

Ila me abaik, ma me ayuk ni jtuluk te ya awaꞌbe stoj te tut ma lekuk te la spasbeyate. Sil tiempo jaꞌ me xꞌawoꞌtantayik te ya apasbey abaik te tut leke. Sok jich me xꞌapasbeyik ta spisil te yanetike.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.