1 Corintios 5:7 - Nuevo Testamento Tzeltal de Amatenango

⁷ Jich yuꞌun lokꞌesaik me te kꞌaꞌ levadura te ya yixlanexe. Yuꞌun jich me ya xkꞌoex te tutꞌil pan te pasbil ta achꞌ harina te maꞌyuk yichꞌoj levadura te ya xweꞌot ta kꞌin yuꞌun Pascuae. Yuꞌun jich me ayex te jaꞌexe. Porke te Cristo jaꞌ te chꞌin karnera a kꞌot yuꞌun te Pascuae, te stukel a cham te la yakꞌ sba ta majtanil kuꞌuntike.

Bible in Tzeltal Bachajón

⁷ Loq'uesa te poco' levadura scuenta yu'un yach'il harina ya xc'ohex te mayuc levadura yich'oj, hich te bin ut'il ayexe. Como te Pascua cu'untic, ha te Cristo, yich'ojix milel ta jcuentatic.

Bible in Tzeltal de Oxchuc y Tenejapa

⁷ Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

1 Corintios 5:7 ပူးပေါင်းရင်းမြစ်များ

San Mateo 13:33

Ay yan seña-kꞌop te la yal te Jesuse: —Te tutꞌil ya xkꞌot ta ajwalinel te Diose, ja pajal sok te levadurae te la skap sok oxpꞌis jarina te antse, jaꞌ to te sijtꞌ ta swolol te matsꞌe —xchi te Jesuse.

San Marcos 14:12

Jaꞌ te primero kꞌaal yuꞌun te kꞌine te ya sweꞌik te waj te maꞌyuk lebadura yichꞌoje, sok te tut ora ya yichꞌ milel te alal-karnera te skuenta kꞌin Pascua, te jnopojeletike la sjojkꞌobeyik te Jesuse: —¿Ba ya skꞌan awoꞌtan te ya xba jchaptik te weꞌelil skuenta kꞌin Pascua te ya aweꞌe? —xchiik.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 1:36

Kꞌalal la yil a kꞌax bael te Jesuse, te Juane la yal: —Ila awilik me to. Jaꞌ me te mera karnera yuꞌun te Diose —xchi.

San Juan 19:14

Nopolix ol kꞌaal a, te tut kꞌaalil ya xchap sbaik yuꞌun te kꞌin Pascuae. Te jPilato la yalbe te juriyoetike: —¡Awilik te Rey awuꞌunike! —xchi.

Romanos 3:25

Dios la yakꞌ te jaꞌ jPas-perdon kuꞌuntik te Cristoe, te la smal te xchꞌichꞌele. Te perdon to ya jtatik ta skuenta te xchꞌuunel koꞌtantike. Jaꞌ ya yakꞌ ta naꞌel a te toj stukel te Diose, te la yakꞌ kꞌaxuk te muliletik te nameye,

1 Corintios 10:17

Aunke lom bayalotik, jpisiltik jun nax te waj ya jweꞌtike yuꞌun jun nax kꞌoemotik sok a.

Efesios 4:22

Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Apocalipsis 5:12

Lom tulan yipalik ta yalel: “Te Chꞌin Karnera te la yichꞌ milele, stukel ya xjuꞌ ya yichꞌ te poder, te skꞌulejal, te spꞌijil, te spuersa, te akꞌel ta jkuenta, te slekilal, y te albeyel slekilale”, xchiik ta aw.