1 Corintios 5:5 - Nuevo Testamento Tzeltal de Amatenango

⁵ Jich te winik me to ya me awakꞌik entregal ta skꞌab pukuj, yuꞌun te stiꞌbalule ya me xlaj y te xchꞌulele ya me xkol te kꞌalal ya xtal te Kajwaltik Jesuse.

Bible in Tzeltal Bachajón

⁵ ac'a yich' aq'uel ta sc'ab Satanás te winic scuenta yu'un ya xc'ax swocol ta sbaq'uetal, scuenta yu'un hich ya xcol sch'uhlel a te c'alal ya xtal te Cajwaltic Jesús.

Bible in Tzeltal de Oxchuc y Tenejapa

⁵ Jich me ya awaq'uic ta sc'ab Satanás te winique, swenta yu'un ya me xc'ax swocol ta sbaq'uetal. Jich me ya xcol xch'ulel te c'alal ya xtal te Cajwaltique.

1 Corintios 5:5 ပူးပေါင်းရင်းမြစ်များ

San Mateo 4:10

La yal te Jesuse: —Baan, kꞌeja aba Satanas. Jich tsꞌibabil: “Jaꞌ nax me ya akejan aba ta stojol te Kajwaltik Dios awuꞌune sok jaꞌ nax me ya awakꞌ aba ta abatinel ta skuenta stukel”, xchi me —xchi.

San Lucas 22:31

La yal xan te Kajwaltike: —Simon, Simon, aꞌiya awaꞌi. Te pukuje la skꞌanix permiso te ya yikꞌayex jich tutꞌil te ya xꞌikꞌayot te triwue.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

1 Corintios 1:8

Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

1 Corintios 11:32

Aunke te Kajwaltike ay ya yaꞌbotik kastigo yuꞌun ya xpꞌijubotik a y yuꞌun ma chaꞌyeluk ya xbootik sok a te machꞌatik ayik ta skuenta te balmilale.

2 Corintios 10:6

Y jich ayix ta koꞌtantik te ya xtal kaꞌbeytik kastigo spisil te machꞌa ma xchꞌuunik mantale yuꞌun jich me jmel nax ya xtojobex ta xchꞌuunel a.

2 Corintios 12:7

Para ke makꞌ jtoy jba a yuꞌun te tut lom mukꞌ a yaꞌbelon jnaꞌe, la yaꞌbelon jun wokole, pajal sok jun chꞌix te tsꞌapal ta jtiꞌbalule, te jachik tutꞌil jun yaꞌtajib pukuj te tal yilbajinone.

2 Corintios 13:10

La jtsꞌibabeyex te karta to antes te ya xtal kilexe, yuꞌun te kꞌalal ya xtalone ma puersauk te tulan ya jkꞌoponex te tutꞌil ay kaꞌtel te yakꞌojbon te Kajwaltike. Ma yuꞌunuk ya jimex a, jaꞌ ya kaꞌbeyex spuersa awoꞌtanik.

Filipenses 1:6

Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

1 Timoteo 1:20

Jich a kꞌotix ta pasel ta skuenta te jHimeneo sok te jꞌAlejandroe, jaꞌ te machꞌatik la kakꞌix entregal ta skꞌab Satanas yuꞌun jich me ya xpꞌijubik a. Jich makꞌ yalikix te tutik ya stoyba-kꞌoptay a te Diose.

2 Timoteo 1:18

A me kꞌuxutayek yuꞌun Kajwaltik te tut kꞌaalil ya xtal xane. Te jaꞌate anaꞌojix lek te bayal la skoltayotik ta Efesoe.

2 Pedro 3:12

Maliyaik te tut kꞌaalil ya xtal te Diose, y pasaik me te tut ya yakꞌ te ya xtal yuꞌun ta orae. Te kꞌaal abi, te chꞌulchane ya me xlajinot ta kꞌajk, y te tutik pasbil ae ya me xꞌul ta kꞌajkꞌ.

1 Juan 5:16

Teme ay machꞌa ya yil te yermano te yipal ta sleel smule, teme ma jaꞌuk ta skuenta te lajele, kꞌoponbeya Dios. Jich Dios ya xꞌaꞌbot xkuxlejal yuꞌun te hermanoe, teme ma jaꞌuk te mulil skuenta te lajele. Ay mulil te ya xꞌakꞌawan bael ta lajele, y te mulil abi makꞌ ya kal te ya skꞌan kꞌoponbeyel Diose.