1 Corintios 5:1 - Nuevo Testamento Tzeltal de Amatenango

¹ Pujkemix akꞌoplalik te ay jtulex te jaꞌexe te yinaminej te xchaꞌmeꞌe. Te mulil to lom tulan skꞌoplal. Ni maꞌyuk machꞌa jich spasoj te gente te ma snaꞌbeyik sba te Diose.

Bible in Tzeltal Bachajón

¹ Chican ac'oblalic te ay ta awohlilic mach'a yac ta antsiwej, ha antsiwej te ni mayuc hich ay ta pasel ta yohlil jyanlumetic; ay mach'atic yic'ojbe yihnam stat.

Bible in Tzeltal de Oxchuc y Tenejapa

¹ Melel pujq'uemix ac'oplalic te ay mach'a yal ta mulil ta awolilique, te yinaminej te xcha'me'e. Ja' in mulil to mero chujc'ul sc'oplal ta melel. Ni jtuluc ay jich spasoj te mach'atic ma ba xch'uunejic te Diose.

1 Corintios 5:1 ပူးပေါင်းရင်းမြစ်များ

Hechos 15:20

Jaꞌ nax a me jpasbeytik sjunik te ya kalbetik te ma me wakꞌ sweꞌik tiꞌbal te ma lekuke yuꞌun jaꞌ smajtaninej te lotil diosetike, sok a me sjilesik te antsiwejele, sok te makꞌ sweꞌbeyik stiꞌbalul chambalametik te tsꞌotbil nax snukꞌe sok te jich nax chamene, sok te makꞌ sweꞌeik te chꞌichꞌe.

Hechos 15:29

Jaꞌ te makꞌ me ya aweꞌbeyik stiꞌbalul chambalametik te ya xmilbot smajtanin te lotil diosetike, sok ma me aweꞌik chꞌichꞌ, ni te stiꞌbalul chambalametik te tsꞌotbil nax snukꞌe, y sok ma me antsiwejanik. Teme ya akom abaik ta spasel to, jich toj ayex bael abi. Ila me abaik kꞌael”, xchiik ta jun.

1 Corintios 1:11

Ya kalbeyex to kermanotak, porke la yalbelonix te machꞌatik ay yuꞌun te jCloee te lijkem kꞌop awuꞌunike.

1 Corintios 5:11

Te la jkꞌan la kalbeyexe jaꞌ te ma spas ya awakꞌ abaik sok ni jtuluk te hermano ya yal sbae teme jaꞌ te machꞌa ya xꞌantsiweje, o jaꞌ te jbikꞌtal-oꞌtane, o jaꞌ te xchꞌuunej lotil diose, o jaꞌ te ya xꞌixta-kꞌoptawane, o jaꞌ te jyakubele o jaꞌ te jꞌeleqꞌe. Te gente te jich aye, ni ma me ajoyinik ta weꞌel.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

1 Corintios 6:18

Jaꞌ yuꞌun, kꞌeja abaik me yuꞌun te antsiwejele. Tutikuk xan yan mulil te ya spas te jtul gentee makꞌ ya xkuch te stiꞌbalule. Pero te machꞌa ya spas te antsiwejele, ya xmulaw sok te stiꞌbalule.

1 Corintios 6:9

¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

2 Corintios 2:5

Y te machꞌa la yakꞌ te ajtal-oꞌtane, ma joꞌukon nax yakꞌojbon yajtal koꞌtan. Yuꞌun asta jich yakꞌojbeyex yajtal awoꞌtanik ta apisilik euk. Makꞌ ya kal te bayal a yaꞌbeyex yajtal awoꞌtanike, yuꞌun makꞌ xkꞌaxon ta mas ta akuentaik a.

2 Corintios 7:12

Jich yuꞌun te kꞌalal la jtsꞌibabeyex te kartae, ma jaꞌuk nax a jnaꞌ te machꞌa staoj smule, sok ni ma jaꞌuk te machꞌa kꞌax swokol yuꞌune. Yuꞌun jaꞌ mas lek yauk xchiknaj ta stojol Dios te ay yajtal awoꞌtanik yuꞌun te joꞌotike.

Gálatas 5:19

Ben chikan ta ilel te tut ya spasik te machꞌatik ya spasik te tutik ma tsaꞌamuk ya skꞌan te stiꞌbalulike. Ya xꞌantsiwejik, y ya spas mulil, y ya spasik tut skuenta balmilal, y sok tut ya skꞌupin yoꞌtanik.

Efesios 5:3

Jaꞌex te yuꞌunexix te Diose ma me spas ni ma xjuꞌ ya awalik te antsiwejele. Ni yanetik xan ta jkaj te tut ma lekuke sok te skꞌupin-oꞌtanile.

Colosenses 3:5

Lajinbeyaik skꞌoplal spisil te tutik skuenta te balmilal te ay ta atojolike. Ma me xꞌapasik antsiwejel ni ma me xꞌapasik te tut ma lekuke. Ni ma me xꞌapasik te tut ma tsaꞌamuk ya skꞌan atiꞌbalulike, ni jaꞌuk te ay tut ya skꞌupin awoꞌtanike, sok ma me yuꞌuninbeyex awoꞌtanik te kꞌulejalile, te jaꞌ pajal sok te xchꞌuunel lotil diose.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

Apocalipsis 2:21

La kaꞌbeyix bayal tiempo yuꞌun te ya sujtes yoꞌtan ta stojol Dios, pero ma skꞌan ya sujtes yoꞌtan y ma xyijkitay te kremiwejele.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.