1 Corintios 4:9 - Nuevo Testamento Tzeltal de Amatenango

⁹ Yuꞌun jich ya kaꞌiy jbajtik te joꞌotik te apostoletike, te yakꞌojotik ta último luwar te Diose. Jich kꞌoemotikix te tutꞌil machꞌatik chapbilix skꞌoplal ta milele. Yuꞌun kichꞌojtikix kꞌeluyel ta komon sitil yuꞌun te machꞌatik ayik ta balmilal, jaꞌ te angeletike y sok te genteetike.

Bible in Tzeltal Bachajón

⁹ como, te ya cal ho'on, slajibal ac'otcotic yu'un Dios ho'otcotic te jpuc-c'opotcotique, hich bin ut'il mach'atic chapal sc'oblalic ta milel. ¡Ayotcotic ta ilel ta comonsitil yu'un te bahlumilal, yu'un ch'ul a'batetic soc yu'un ants-winiquetic!

Bible in Tzeltal de Oxchuc y Tenejapa

⁹ Jich c'oem ya caiy ta co'tan, te Diose ta slajibal to la yac'otic ta jpuc-c'op. Jich c'oemotiquix te bit'il mach'atic chajbajix sc'oplalic ta milele, yu'un jich c'oemotic te jchajp nax ya yilotic spisil te mach'atic ayic ta balumilale, ja' te ch'ul abatetic soc te ants-winiquetique.

1 Corintios 4:9 ပူးပေါင်းရင်းမြစ်များ

Hechos 19:29

Jicha lijkik ta kꞌop spisil te jtejklume. Te genteetike la stsakik te jGayo sok te jꞌAristarco te cheb winketik te talemik ta Macedonia te sjoyinejik te jPabloe, y la xjochik ochel kꞌalal ba ya stsob sbaik te jtejklume.

Hechos 19:31

Sok ay chaꞌoxtul juꞌeletik yuꞌun te Asia te amigo ay sok te jPabloe, la stikonik mantal ta albeyel te manchuk ya xꞌoch bael te ba ay te komon kꞌope.

Romanos 8:36

Jaꞌ jich te tut ya yal te Sjun Dios: “Jaꞌat ta akaj te sil tiempo ayotik ta milele; jich kuybilotik te tutꞌil karnera te ya xꞌikꞌot bael te ba ya xmilote”, xchi me.

1 Corintios 15:19

Teme jaꞌ nax liꞌ ta balmilal to te ay smukꞌul koꞌtantik ta skuenta te Cristoe, joꞌotik mas lom oꞌol jbajtik ta spisil teme jich aye.

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

2 Corintios 6:9

Jich ya yalbelotik te ma snaꞌbelotik jbajtike, pero lom lek ya snabelotik jbajtik. Jich chamenotikix ya kaꞌiy jbajtik, pero sigue kuxulotik bael. Ya yaꞌbelotik kastigo, pero makꞌ ya smilotik.

1 Tesalonicenses 3:3

Yuꞌun jich ni jtuluk te jaꞌexe ya xchebaj yoꞌtan yuꞌun te tutꞌil ayex ta ilbajinel a. Yuꞌun jaꞌex mismo ya anaꞌik te puersa ya xkꞌax jwokoltik,

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

Hebreos 10:33

Ay la awichꞌik pꞌajel y ilbajinel ta sitil komone, y ay la ajoyin abaik sok te machꞌatik kꞌax swokolike.

Hebreos 11:36

Ay yan te kꞌax swokolik ta ikꞌtinel y ta majel y ta chukel ta kadena y ta prexo.