1 Corintios 4:7 - Nuevo Testamento Tzeltal de Amatenango

⁷ ¿Machꞌa ya yakꞌ te jich ya apasike? ¿Me ay tut ay awuꞌunik te ma jaꞌuk yakꞌojbeyex te Diose? Y teme jaꞌ yakꞌojbeyex te Diose, ¿tuꞌun te ya atoy abaik yuꞌune? Ma jaꞌuk la aleik.

Bible in Tzeltal Bachajón

⁷ como ¿mach'a ya yac'at te toyol ayat yu'un te yane? ¿Bin ay awu'un te ma ba awich'oj? Teme ha la awich'e ¿bin yu'un te yac atoy aba yu'un te sjel te ma ba awich'oje?

Bible in Tzeltal de Oxchuc y Tenejapa

⁷ ¿Mach'a la yalbat te cajalat yu'un te yantique? ¿Ay bal bila ay awu'un te ma ac'bilucate? Soc teme ja' yac'ojbat spisil te Diose, ¿bistuc te toyol nax q'uinal ya awaiy yu'une? Melel ma atuqueluc te la awejt'ese.

1 Corintios 4:7 ပူးပေါင်းရင်းမြစ်များ

San Lucas 19:13

Te kꞌalal ya xbajtix aye, la yikꞌ tal ta stojol te lajuntul yaj-atꞌeletike. La yaꞌbe entregal lajuneb mina takꞌin te juju-tule, y la yaltalanbe: “Pasa chonbajelik sok te takꞌin to. Jolintesaik jaꞌ to teme sujton tale”, xyut.

San Juan 1:16

Jpisiltik kichꞌojbetik te bendision te ya xtal ta skuenta te slekil yoꞌtane.

San Juan 3:27

Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

Romanos 12:6

Dios la yaꞌbotik skajal skaj te majtaniletike, chikan te tut la skꞌan a yaꞌbotik ta juju-tule. Jaꞌ yuꞌun, teme Dios la yaꞌbotik jmajtantik ta yalel te skꞌop Diose, aꞌ jpastik chikan te xchꞌuunel koꞌtantik te ay kuꞌuntike.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

1 Corintios 5:6

Te jaꞌxe ma me lekuk teme ya atoy abaik yuꞌun te tut ya apasike. Anaꞌojikix te jich ay ta alel: “Te chꞌin nax te levadurae ya spajutes spisil te matsꞌe” —xchi me.

1 Corintios 7:7

Te ya kal joꞌone, jaꞌ lek te jichuk ay spisil winketik te tutꞌilone. Pero Dios jich a yakꞌ ta juju-tul skajal-skaj tutꞌ ay smajtan. Te yane ya xjuꞌ yuꞌun, y ay yan ma xjuꞌ yuꞌun.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.