1 Corintios 4:6 - Nuevo Testamento Tzeltal de Amatenango

⁶ Kermanotak, la kalbeyex awaꞌiyik te tutꞌil ayone y sok te Apolose, skuenta jich ya anaꞌik te tutik lek ya xkꞌoex yuꞌune. La kalbeyex yuꞌun jich ya anopik a te makꞌ xkꞌaxex ta mas a te tutik tsꞌibabil jilele, y yuꞌun jich ma ba ya mukꞌutesbeyik skꞌoplal a te jtule y sok te ya apꞌajik te yane.

Bible in Tzeltal Bachajón

⁶ Quermanotac, ta scuenta sc'uxulex ta co'tan hich la jta ta halel bin u'til ayon soc te Apolos, scuenta yu'un hich yac anopic ta jcuentacotic te ma me xjelawex ta bin ts'ihbabil, te mayuc mach'a muc' xan ya xc'oht sc'oblal awu'unic a te bin ut'il sc'oblal te yane,

Bible in Tzeltal de Oxchuc y Tenejapa

⁶ Quermanotac, te bit'il la calix jba ta ejemplo soc te Apolose, ta swenta xc'uxul co'tan ta atojolic, swenta yu'un yacuc ana'ic a te ma xju' ya xjelawex yu'un te bila ts'ibubile. Yu'un jich ma ba ya atoyesbeyic sc'oplal te jtule soc ma ba ya ap'ajic te yane.

1 Corintios 4:6 ပူးပေါင်းရင်းမြစ်များ

Hechos 18:24

Te tiempo abi kꞌot ta Efeso jtul juriyo-winik te jꞌApolos sbiil te ay slumal ta jtejklum Alejandria. Ben lek xkꞌopoj y ben lek ya snaꞌ yilel te Sjun Diose.

Hechos 19:1

Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

1 Corintios 1:12

Jaꞌ te ay jtul-chebex te ya awalik: “Joꞌon ayon ta skuenta jPablo”, yan ya yal: “Joꞌon ayon ta skuenta Apolos”, yan ya yal: “Ayon ta skuenta jPedro”, yan ya yal: “Joꞌon ayon ta skuenta Cristo”, xchaex.

1 Corintios 1:19

Jich tutꞌil ya yal te Sjun Diose: “Ya me jimbey spꞌijil te machꞌatik pꞌijike, sok ya me jpꞌajbey te tut ya snaꞌik te machꞌatik bayal tut ya snaꞌike”, xchi me.

1 Corintios 1:31

Jaꞌ yuꞌun, jich ya yal te tsꞌbabil jilel ta Sjun te Diose: “Teme ay machꞌa ya skꞌan stulantes sbae, a me stulantes sba ta skuenta te Kajwaltike”, xchi me.

1 Corintios 13:4

Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

1 Corintios 3:19

Yuꞌun te pꞌijilil skuenta balmilale, puru jowil nax kꞌoem yuꞌun te Diose. Jich tutꞌil tsꞌibabil jilel te jich ya yale: “Te machꞌatik pꞌijike, jaꞌ me strampa ya xkꞌot te spꞌijilike —xchi me.

1 Corintios 3:21

Jaꞌ yuꞌun ma me ayuk machꞌa lom bujtsꞌan kꞌinal ya yaꞌiy yuꞌun ta skuenta jtul winik te jaꞌ ya stsꞌakliye. Yuꞌun spisil te tutik aye, jaꞌex awuꞌunik.

1 Corintios 5:2

Y te jaꞌexe ya atoy abaik te lek ayex ta akꞌopike. Jaꞌ lek te lauk awakꞌ yajtal awoꞌtanike. Te winik to te jich spasoje ya me skꞌan ya atenik lokꞌel ta awolilik.

1 Corintios 5:6

Te jaꞌxe ma me lekuk teme ya atoy abaik yuꞌun te tut ya apasike. Anaꞌojikix te jich ay ta alel: “Te chꞌin nax te levadurae ya spajutes spisil te matsꞌe” —xchi me.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

1 Corintios 9:23

Jich ya jpas ta spisil to ta skaj te lek achꞌ kꞌop yuꞌun te kolele, yuꞌun jich mismo pajal ya xkolon sok a.

2 Corintios 10:12

Ma yuꞌunuk jaꞌ ya jpaj jbatik sok te machꞌatik te stukel nax ya yakꞌ sba ta akꞌel ta jkuentae. Pero te stukelike maꞌyuk spꞌijilik. Stukel nax ya spaj sbaik, y ya spaj sba sok te yan xane.

2 Corintios 10:15

Ma yuꞌunuk mukꞌ ya kakꞌ jbajtik yuꞌun te ba aꞌtejemix te yane. Ma yauk xlokꞌotik bael te ba kꞌalal jmajkojtike. Jaꞌ ya jmalitik te max ya xjuꞌ xꞌaꞌtejotik ta awolilik chikan te tutꞌil yipal ta mukꞌubel te xchꞌuunel awoꞌtanike. Pero sil tiempo liꞌ ayotik ta ba kꞌalal jmakojtike.

2 Corintios 10:7

Te jaꞌexe jaꞌ nax ayex ta yilel te tut chikan ta ilel ya awilike. Teme ay machꞌa ya yal “Jaꞌ yuꞌunon te Cristoe”, teme xchie, ya skꞌan ya snaꞌ te jich yuꞌunotik euk te Cristoe.

2 Corintios 11:4

Porke teme ay machꞌa tal jtuluk te ya yalbey skꞌoplal yan Jesus te ma jichuk te tutꞌil la kalbetikex skꞌoplale, jun awoꞌtanik ya awaꞌiyik te skꞌope. O teme ya awikꞌik sok sbujtsꞌ awoꞌtanik te jun espíritu te ma pajaluk sok te Espíritu te awikꞌojikixe, y sok ya achꞌuunik jun skꞌoplal kolel te ma pajaluk sok te tutꞌil achꞌuunejikixe.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

2 Corintios 12:6

Pero yauk jkꞌan ya jtoy jbae, ma jowiluk nax, porke jaꞌ yipalon ta yalel te tut batsꞌi jiche. Pero ma jichuk ya jpas, skuenta yuꞌun maꞌyuk machꞌa kꞌax jich ya stoybon jkꞌoplal te tut yilel te kaꞌtele sok te tut yaꞌiyel te jkꞌope.

2 Corintios 4:15

Spisil to jicha kꞌotix ta jkuentatik yuꞌun alekilik a te jaꞌexe, yuꞌun jich me ay bayal te ya xꞌaꞌbot bendision yuꞌun te Diose. Sok ay me bayal te jich ya yalbeyik kola yal Dios. Jich me ya xchiknaj te slekilal Diose.

Colosenses 2:18

Ma me awakꞌik te ay machꞌa ya yaꞌbeyex yajtal awoꞌtanike, te skꞌayinej te chꞌin yakꞌoj sbaik y te ya skejan sbaik ta skuenta te angeletike. Lom nax ya yalik te ay tut yiloje, y jowiyel nax ya stoy sbaik ta skaj nax spensarik ta stiꞌbalulik nax.

1 Tesalonicenses 1:5

Yuꞌun te kꞌalal la kalbetikex te skꞌoplal kolele, ma tojol kꞌopetikuk nax te kꞌo kaltike, sino ke sok ta spoder te Chꞌul Espiritue, yuꞌun la jnaꞌtik te batsꞌi jich te tut la kalbeyex awaꞌiyike. Anaꞌojik lek te tutꞌil a atꞌejotik ta akuentaik skuenta alekuteselik.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.