1 Corintios 4:5 - Nuevo Testamento Tzeltal de Amatenango

⁵ Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

Bible in Tzeltal Bachajón

⁵ Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Bible in Tzeltal de Oxchuc y Tenejapa

⁵ Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

1 Corintios 4:5 ပူးပေါင်းရင်းမြစ်များ

San Mateo 10:26

“Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

San Mateo 24:30

Jich me ya xchiknaj ta chꞌulchan te seña te Nichꞌanile. Spisil ta jkaj te genteetik te ayik ta balmilale ya me xkꞌo yokꞌetay sbaik, y ya me yilik te Nichꞌanile. Ya me yilik te yipal ta talel ta tokal ta yolil te chꞌulchane sok jpoder sok bayal xojobil te stsaꞌamule.

San Mateo 24:46

Ben tsaꞌam te aj-aꞌtelil teme jich yipal ta spasel a te ya xjul taek yuꞌun te yajwale.

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

San Mateo 25:23

“Te yajwale la yal: “Lek ay. Jaꞌat lekil jꞌatelat, sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke ya me kaꞌbeyat akanantaybon mas bayal. Laꞌ me, ochan joyinaon ta lekilal”, xchi.

San Lucas 6:37

Ma me xꞌawichꞌbe jkuenta yaꞌtel te yane. Jich me makꞌ yichꞌbeyex jkuenta euk te Diose. Ma me xꞌalebe smul te yane. Jich me makꞌ stabeyat amul euk te Diose. Akꞌaik perdon. Jich me ya yaꞌbeyex perdon euk te Diose.

San Juan 21:22

Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

San Juan 21:23

Jich a pujk skꞌoplal ta yolil hermanoetik te makꞌ xcham stukel te jtul jnopojele. Pero te Jesuse ma jaꞌuk a yal te makꞌ xchame. Jaꞌ nax a yal: “Teme jich ya skꞌan koꞌtan te kuxul to a te kꞌalal ya xchaꞌtalone, ¿tuti wochel a te jaꞌate?” xchi nax.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

Romanos 14:4

¿Machꞌa ya akuy aba a te ya awalbe skꞌoplal te yaj-aꞌtel te yane? Te yajwale stukel ay ta skuenta ta yalel me lek o ma lek skꞌoplal yuꞌun. Pero lek ya xkꞌot. Porke te Kajwaltike ay spoder yuꞌun te lek ya xkꞌote.

Romanos 2:1

Jaꞌ yuꞌun ma spas ya amak aba ta kꞌop, jaꞌat te ya awichꞌ jkuenta te yane, maꞌ awocheluk machꞌauk a. Teme ya awichꞌ jkuenta te yane, jaꞌat nax mismo ya awakꞌ aba ta chꞌayel. Porke tut yipalat ta yichꞌel ta jkuentae, jich mismo yipalat ta spasel euk.

Romanos 2:16

Ya sta skꞌaalel yuꞌun Dios te ya yichꞌ jkuenta te Jesucristoe, sok te ya yal ta jamal te tut yilel te kaꞌteltike. Jich tutꞌil ya yal te lek achꞌ kꞌop te yipalon ta yalele.

Romanos 2:29

Te machꞌa batsꞌi juriyoe jich ay ta yoꞌtane sok te yichꞌoj sirkunsision ta yoꞌtane. Ma jaꞌuk ya xꞌaꞌtej te tut ya yal te tsꞌibabile. Jaꞌ ya xꞌaꞌtej stukel te Chꞌul Espiritue. Te machꞌa jich aye, lek ay skꞌoplal stukel. Ma jaꞌuk lek skꞌoplal yuꞌun te winketike, jaꞌ lek skꞌoplal yuꞌun te Diose.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

1 Corintios 1:7

Te tutꞌil jich aye maꞌyukix falta awuꞌunik te tutik ya yakꞌ te Diose. Jich me jun awoꞌtanik te yipalex ta smaliyel te tut kꞌaalil ya xchiknaj tal te Kajwaltik Jesucristoe.

1 Corintios 11:16

Pero teme ay machꞌa ma tsaꞌamuk ya yaꞌiy te tuti kale, a me snaꞌbe sluwaril te maꞌyuk yan tut ya jpastike te joꞌotik sok te yanetik te xchꞌuunejikix Diose.

1 Corintios 11:26

Jich yuꞌun ta juju-chꞌoj te ya aweꞌik te waj to sok te ya awuchꞌik te tut ay ta basoe, jaꞌ ya awalik ta jamal a te tutꞌil a cham te Kajwaltike, jaꞌ to te kꞌalal ya xchꞌatal xane.

1 Corintios 15:23

Pero chikan tutꞌil ya xkꞌot ta skuenta juju-tul: Jaꞌ nail te Cristoe, ta patil te kꞌalal ya sujt tal te Cristoe ya xchaꞌkux te machꞌatik yuꞌune.

1 Corintios 3:13

Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

1 Corintios 3:14

Teme ay machꞌa la stejkꞌan jun na, teme maꞌ stsak kꞌajkꞌe, ya me yichꞌ stojol.

1 Corintios 3:8

Te machꞌatik ya yawe y sok machꞌatik ya yaꞌbe yaꞌlele, pajalik nax. Dios ya xtojtalanot yuꞌun ta juju-tul chikan te yaꞌtele.

2 Corintios 10:18

Porke ma jaꞌuk lek ya xꞌilot yuꞌun Dios te machꞌa stukel mismo lek skꞌoplal ya yal sbae. Yuꞌun jaꞌ lek skꞌoplal te machꞌa lek ya xꞌalbot skꞌoplal yuꞌun te Kajwaltike.

2 Corintios 10:9

Ma jkꞌan te ya akuyik te jich ya sitꞌesex yuꞌun te jkartaetike.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

2 Corintios 5:10

Porke jpisiltik puersa me ya xkꞌo jtejkꞌan jbajtik ta sit te ba ya xchapawan te Cristoe, yuꞌun ta juju-tul ya yichꞌ te tut ya xkꞌot ta skuentae, chikan me lek o me ma lekuk te tutiꞌ spas te kꞌalal ay to sok stiꞌbalul ae.

1 Tesalonicenses 5:2

Te jaꞌexe anaꞌojikix lek te tut kꞌaalil ya sujt tal te Kajwaltike, jich ya xtal tutꞌil jꞌelekꞌ te ya xtal ta ajkꞌubale.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

Santiago 4:11

Kermanotak, ma me awalbeyik ma lekuk skꞌoplal te yanetike. Te machꞌa ma lekuk ya yalbe skꞌoplal te yermanoe o teme ya yichꞌ jkuentae, jaꞌ ma lekuk skꞌoplal ya yalbe te mantaliletike. Y teme kajal ya awakꞌ aba yuꞌun te mantaliletike, jich ya awakꞌ aba tutꞌil alkal en bes te la achꞌuun spasele.

Santiago 5:7

Pero te jaꞌexe, kermanotak, juꞌuk awuꞌunik smaliyel jaꞌto te ya xtal te Kajwaltike. Jich tutꞌil te jꞌatꞌel ta kꞌaltike ya smaliy te ya skaj te stsaꞌamul skosechae, puersa jun yoꞌtan ya smaliy te ya yakꞌ jaꞌale.

Santiago 5:9

Kermanotak, ma me tutiꞌ awalbey abaik ta juju-tul. Yuꞌun jich me mak ya yichꞌelex jkuenta ekꞌa, y te machꞌa ya xꞌichꞌawan jkuentae ayix ta tiꞌ puerta.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

2 Pedro 3:12

Maliyaik te tut kꞌaalil ya xtal te Diose, y pasaik me te tut ya yakꞌ te ya xtal yuꞌun ta orae. Te kꞌaal abi, te chꞌulchane ya me xlajinot ta kꞌajk, y te tutik pasbil ae ya me xꞌul ta kꞌajkꞌ.

2 Pedro 3:4

Ya me yalik: “¿Baꞌay te tut albilex te ya xchaꞌtal xan te Cristoe? Laj chamix bael te jmeꞌ-jtatike, y sigue jich ay bael spisil pajal sok te kꞌalal pas te balmilale”, xchiik me.

Judas 1:14

Sok euk te jꞌEnoke, te ja sjukkajal stsꞌumbal ta patil te jAdane, la yal ta skuenta Dios te skꞌoplal te gente abi: “La kil te Kajwaltike te sjoyinej tal ta jmil y ta jmil te angeletik yuꞌune.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.