1 Corintios 4:20 - Nuevo Testamento Tzeltal de Amatenango

²⁰ Porke te tutꞌil ya skꞌan kajwalintik te Diose, ma me jipuk a te ya kaltike. Jaꞌ ya skꞌan te ay tut ya xjuꞌ kuꞌuntik spasele.

Bible in Tzeltal Bachajón

²⁰ como te cuentahinel yu'un Dios ma ha'uc sc'oblal c'opetic, ha sc'oblal yip ta spasel.

Bible in Tzeltal de Oxchuc y Tenejapa

²⁰ Melel te bit'il ay ta ajwalinel te Diose, ma ta swentauc nax c'op aiyej. Ja' ta swenta yu'el te Diose.

1 Corintios 4:20 ပူးပေါင်းရင်းမြစ်များ

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

1 Corintios 1:24

Pero te machꞌatik ikꞌbilik yuꞌun te Diose, me juriyoetik o griegoetik, jaꞌ kꞌoem ta yoꞌtanik te jaꞌ spoder Dios sok jaꞌ spꞌijil Dios te Cristoe.

1 Corintios 2:4

Y te kꞌalal la jkꞌoponex y sok te la kalbeyex te skꞌop Diose, ma jaꞌuk a tuun kuꞌun te spꞌijil jkꞌop yuꞌun te ya jtsalex aye. Ma jichuk. Jaꞌ a kaꞌbeyex achꞌuunik ta skuenta te Espíritu y sok ta spoder te Diose.

2 Corintios 10:8

Y aunke ya jtoy jba ta kꞌop chꞌinuk yuꞌun te tutꞌil ay kꞌatele, maꞌyuk tut ya xkꞌexawon yuꞌun. Yuꞌun jaꞌ a yaꞌbotik kaꞌteltik te Kajwaltike yuꞌun jich ya jpastik te ya xmukꞌubex ta stojol Dios y ma yuꞌunuk ya jimtikex.

1 Tesalonicenses 1:5

Yuꞌun te kꞌalal la kalbetikex te skꞌoplal kolele, ma tojol kꞌopetikuk nax te kꞌo kaltike, sino ke sok ta spoder te Chꞌul Espiritue, yuꞌun la jnaꞌtik te batsꞌi jich te tut la kalbeyex awaꞌiyike. Anaꞌojik lek te tutꞌil a atꞌejotik ta akuentaik skuenta alekuteselik.