1 Corintios 4:14 - Nuevo Testamento Tzeltal de Amatenango

¹⁴ Ma yuꞌunuk la jtsꞌibabeyex te ya kakꞌex ta kꞌexlal yuꞌune. Yuꞌun jich ya kakꞌ anaꞌik jich tutꞌil batsꞌi jnichꞌan, yuꞌun ben jkꞌanojex.

Bible in Tzeltal Bachajón

¹⁴ Ma ba hich ya jts'ihbay yu'un ya jq'uexlaltesex, pero yu'un hich ya jtojobtesex te bin ut'il cal-jnich'anex te c'uxex ta co'tane.

Bible in Tzeltal de Oxchuc y Tenejapa

¹⁴ Te bit'il jich la jts'ibubeyexe, ma yu'unuc ya jq'uexlaltesex. Yu'un ya jtac'uyex te jichex ta co'tan te bit'il cal-jnich'an te bayal c'ux ta co'tane.

1 Corintios 4:14 ပူးပေါင်းရင်းမြစ်များ

Hechos 20:31

Jaꞌ yuꞌun, kuxa me awoꞌtanik. Naꞌulanaik me, sil tiempo te oxeb jabꞌil te kꞌajkꞌal y ajkꞌubal ma jkom jba te la jtsitsulanexe, sok la kokꞌetay jba te yauk xkꞌot ta awoꞌtanike.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

1 Corintios 6:5

Jicha kalbeyex to yuꞌun jich ya xkꞌexawex a. ¿Me yuꞌun maꞌyuk ta awolilik ni tuluk te ay spꞌijil yoꞌtan ta xchapel te tutik ay ta stojol te yermanotake?

1 Corintios 9:15

Pero te joꞌone maꞌyuk ba jich a jkꞌan a kichꞌ te tut ay ta ichꞌele. Ni te jich a jtsꞌibabeyexe yuꞌun ay tut ya jkꞌanbeyex chꞌinuk. Jaꞌ lek chamukon nail yuꞌun ma jkꞌan ya xchꞌay te tut lom bujtsꞌan kꞌinal ya kaꞌiy yuꞌune.

2 Corintios 11:11

¿Tuꞌun te jich ya kale? ¿Me yuꞌun ma jkꞌanojukex te jaꞌexe? Dios snaꞌoj te bayal jkꞌanojexe.

2 Corintios 12:19

¿Meꞌn jich akuyotik te ya nax jmak jbajtik ta kꞌop ta atojolike? Pero ma jichuk. Ta stojol Dios ya xkꞌopojotik, sok jich tutꞌil te machꞌatik ay ta skuenta te Cristoe. Y spisil to, kermanotak te ben kꞌuxex ta koꞌtane, yuꞌun jich te jaꞌexe ya me xmukꞌubex ta stojol Dios.

2 Corintios 7:3

Ma yuꞌunuk ya kalbeyex te ay amulike. Ay kalojbeyexix te ayex ta koꞌtane. Yuꞌun jun nax kuxulotik y jun nax ya xchamotik.

Colosenses 1:28

Te joꞌotike ya kalbetik skꞌoplal te Cristoe, ya jtsitstik y ya jnojpestik ta spisilik ta spꞌejel pꞌijilil, yuꞌun jich me tojobenikix ya xlaj kꞌot ta skuenta a te Cristoe.

1 Tesalonicenses 2:11

Sok anaꞌojik te la kaꞌbetikex spuersa awoꞌtanik y la junutesbeyex awoꞌtanik ta juju-tulex te jaꞌexe, jich tutꞌil ya spas jtul tatil sok te yuntikile.

1 Tesalonicenses 5:14

Sok ya kalbeyex, kermanotak, ya me atsitsik te machꞌatik ma skꞌan xꞌaꞌtejike. Aꞌbeyaik yip yoꞌtanik te machꞌatik maꞌyuk yip yoꞌtanike. Koltayaik me te machꞌatik lom xcheben yoꞌtanike. Sok ayuk apasensia ta stojol spisilik.

2 Tesalonicenses 3:14

Teme ay machꞌa ma xyakꞌ ta jkuenta te tutiꞌ kaltik ta karta to, ilaik me machꞌa a, y ma me junuk nax ya xꞌanex sok, yuꞌun jich me ya xkꞌexaw a.

Filemón 1:10

ya jkꞌanbeyat pawor yuꞌun te jꞌOnésimoe, te jnichꞌan kꞌoem ta skuenta Dios te liꞌ ayon sok ta prexoe.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

3 Juan 1:4

Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.