1 Corintios 4:12 - Nuevo Testamento Tzeltal de Amatenango

¹² Y sok lubenotik ta aꞌtel sok jkꞌabtik. Te tut ma lek ya yalbelotike, lek ya jakꞌbetik te joꞌotike. Bayal jwokoltik ta ilbajinel, pero juꞌem kuꞌuntik.

Bible in Tzeltal Bachajón

¹² Luhbenotcotic ta a'tel ta jc'abcotic; ya yalbotcotic chopol jc'oblalcotic, ya calbecotic lec sc'oblalic; c'alal ayotcotic ta uts'inel, ya xcuhch cu'uncotic.

Bible in Tzeltal de Oxchuc y Tenejapa

¹² Soc lubenotiquix ta at'el ta jc'abtic. Ayotic ta bolc'optayel, ja'uc me to, ya jc'anbeytic bendición ta stojolic. Bayal jwocoltic ta uts'inel yu'unic, ja'uc me to, cujch'em cu'untic.

1 Corintios 4:12 ပူးပေါင်းရင်းမြစ်များ

San Mateo 5:11

“Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

San Mateo 5:44

Pero joꞌon ya kalbeyex: Kꞌuxuk me ta awoꞌtanik te machꞌatik ya skontrainexe. Lekuk me skꞌoplal ya awalbeyik te machꞌatik ma lekuk akꞌoplalik ya yalbeyexe. Pasbeyaik te tut lek te machꞌatik ya spꞌajexe. Kꞌoponbeyaik Dios ta stojol te machꞌatik ya yixtakꞌoptayexe sok te ya yilbajinexe.

San Lucas 23:34

Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

San Lucas 6:28

Sok lek skꞌoplal xꞌawalbeyik te machꞌatik ma tsaꞌamuk akꞌoplal ya yalbeyexe. Sok kꞌoponbeyaik Dios te machꞌatik ya sbolkꞌoptayexe.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

Hechos 18:3

Pajal ya snaꞌ spasel nail pakꞌ sok te jꞌAquilae, jaꞌ yuꞌun la sjoyin sbaik y jun nax a aꞌtej sok.

Hechos 20:34

Te jaꞌexe anaꞌojik te aꞌtejon ta jkꞌab ta sleel te tuti tuun kuꞌun sok te joꞌtake.

Hechos 7:60

Te nax a la skejan sba y tulan a kꞌopoj: —Kajwal, ma me awaꞌbe ta skuentaik te mulil to —xchi. Te kꞌalal jich a yal, cham te jꞌEstebane.

Romanos 12:14

Kꞌanbeyaik bendision te machꞌatik ya stenexe. Kꞌanbeyaik bendision y ma me awixtaꞌkꞌoptayik.

Romanos 12:20

Sok jich ay xan: “Teme ya xwiꞌnaj te akontrae, aꞌbeya me sweꞌel. Y teme takin yoꞌtane aꞌbeya me yuchꞌ jaꞌ. Teme jich ya apase, ya me xtal skꞌajkꞌal sit yuꞌun te kꞌexlale”, xchi me.

Romanos 8:35

¿Machꞌa kꞌan juꞌuk yuꞌun te ya spitotik a te slekil yoꞌtan te Cristoe? Maꞌyukix. Ni jaꞌ te wokole, ni jaꞌ te oꞌol jbajtike, ni jaꞌ te tenele, ni jaꞌ te wiꞌnale, ni jaꞌ te maꞌyuk lek jkꞌuꞌ-jpakꞌtike, ni jaꞌ te milele, ni jaꞌ te lajele.

1 Corintios 9:6

¿Me yuꞌun akuyojik te joꞌon nax sok te jBernabe te ma xjuꞌ te ya kichꞌtik makꞌlinel te ba ay ya xkꞌaxotik ta aꞌtele?

2 Corintios 11:8

Ay la kichꞌbe tal stakꞌin yan hermanoetik, la kichꞌ tal ta jkꞌab te koltayel a yaꞌbikone. Pero teꞌ jlajin a te kꞌalal la kakꞌ jba ta abatinel ta akuentaike.

Efesios 4:28

Te machꞌa ya xꞌelkꞌaje, a me sjiles te elekꞌe, sok a me aꞌtejuk ta skꞌab ta spasel te tut leke. Yuꞌun jich me ay tut ya xjuꞌ ya yaꞌbe chꞌinuk te machꞌatik ay nesesidad yuꞌune.

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

2 Tesalonicenses 3:8

Ni maꞌyuk a weꞌotik ta majtanil nax. Aꞌtejotik y la jpastik puersa ta kꞌaal y ajkꞌubal yuꞌun jich maꞌyuk a kakꞌtik awokolik a te jaꞌexe.

1 Timoteo 4:10

Jaꞌ yuꞌun ya xꞌaꞌtejotik sok ya jpastik puersa, porke jaꞌ ayotik ta smaliyel te kuxul Diose te jaꞌ jKoltawanej yuꞌun ta spisil, pero ja mero ya xkoltayot yuꞌun te machꞌatik ya xchꞌuunike.

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.

1 Pedro 3:14

Pero teme jaꞌ ya xkꞌax awokolik yuꞌun te tut stojil ya apasike, ben me tsaꞌam alekilik yuꞌun. Ma me machꞌa axiꞌik, ni ma me tut xyal awoꞌtanik.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.

1 Pedro 4:19

Jich yuꞌun te machꞌatik ya xkꞌax swokolike, jich tutꞌil ya skꞌan yoꞌtan te Diose, ya skꞌan sigue jaꞌ ya spasik te tut leke y te ya yaꞌbeyik xchꞌulelik ta skuenta Dios te jaꞌ la spasotike, yuꞌun jun yoꞌtan stukel ta jtojoltik.

Judas 1:9

Mismo te statal ángel Miguel, te kꞌalal tulan akꞌopoj te la yut sba sok pukuj ta skuenta te stiꞌbalul jMoisese, maꞌ kꞌax skꞌop te Miguele, sok ma la yalbe te chꞌayel ya xbajt te pukuje. Sino ke jaꞌ nax te la yalbe: “Te Kajwaltik ya yaꞌbat kastigo”, te xchie.