1 Corintios 3:5 - Nuevo Testamento Tzeltal de Amatenango

⁵ Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

Bible in Tzeltal Bachajón

⁵ ¿Mach'a a te Pablo, soc mach'a a te Apolos? Ha a'batetic te ha ta scuentahic te la ach'uhunique; soc ha chican te bin a'bot spas jujutuhl yu'un te Cajwaltique.

Bible in Tzeltal de Oxchuc y Tenejapa

⁵ ¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

1 Corintios 3:5 ပူးပေါင်းရင်းမြစ်များ

San Mateo 25:15

Te jtule la yaꞌbey jilel joꞌeb talento-takꞌin, te yane la yaꞌbe cheb talento-takꞌin, sok te yane la yaꞌbe jun talento-takꞌin. Jaꞌ chikan te tut yilel ya xjuꞌ yuꞌun skanantayel te jujutule. Bajt tsꞌiin.

San Lucas 1:2

La stsꞌibayikix jilel te tuti yalbelotik kaꞌitik ta jpisiltik yuꞌun te machꞌatik la yilik ta sitik ta slijkibale te la yichꞌik yaꞌtelik ta yalel ta bayuk te tuti kꞌot ta pasel ta slijkibal tale.

San Juan 3:27

Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

Hechos 18:24

Te tiempo abi kꞌot ta Efeso jtul juriyo-winik te jꞌApolos sbiil te ay slumal ta jtejklum Alejandria. Ben lek xkꞌopoj y ben lek ya snaꞌ yilel te Sjun Diose.

Hechos 19:1

Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

1 Corintios 12:28

Dios jicha skꞌan ta juju-tijkꞌ hermanoetik te jaꞌ nail ay te apostoletike; y ta xchebal, jꞌalwanejetik; y ta yoxebal, maestroetik. Teꞌ nax ay ekꞌa te machꞌatik ya xꞌaꞌbot spas milagroetik, y ay yan te ya slekutes jchameletik, o ya xkoltawanik, o ya stsobawanik, o ya xkꞌopojik ta yanetik kꞌop.

1 Corintios 16:12

Y te kermanotik Apolose, bayal a jkꞌanbeyix pawor te yauk xtal yilex sok te hermanoetike, pero maꞌ skꞌan te ora ya xtale. Ya me xtal ta kꞌalal ay stiempoe.

1 Corintios 3:10

Te joꞌone jich kꞌoemon yuꞌun Dios tutꞌil statal alwanil te la yaꞌbon ta jkuenta te ya jlijkes te yiptajib nae, y yan machꞌa ya stsꞌak moel. Pero ta juju-tul a me yil tut yilel ya stsꞌak moel.

1 Corintios 3:22

Me jaꞌ jPablo, o Apolos, o jPedro, o balmilal, o kuxlejal, o lajel, o jaꞌ te tut ay te ora to, o jaꞌ te tut ay ta patil baele. Spisil jaꞌex awuꞌunik.

1 Corintios 3:7

Maꞌyukik ta kuenta te machꞌa la yawe sok te machꞌa la yaꞌbe yaꞌlele. Jaꞌ nax ay ta kuenta te Dios te ya stsꞌijtes te tutꞌ tsꞌunbile.

1 Corintios 9:17

Jaꞌ yuꞌun, teme jaꞌ nax ya jpas te tut ya skꞌan koꞌtane, ya xjuꞌ ya jkꞌan jtojol a te jichuke. Pero te tutꞌil albilon mantal te jich ya skꞌan jpase, junuk me koꞌtan ya jpas te tut ya yalbon te Diose.

2 Corintios 11:23

Teme jaꞌ jꞌaꞌteletik yuꞌun te Cristoe, joꞌon kꞌaxemon xan a ke te yanetike, aunke jich ya xkꞌopojon tutꞌil jtul jowiyel. Joꞌon mas aꞌtejemon ke te yanetike. Bayal buelta ochemon ta prexo, mas ke te yanetike, y ma ajtabiluk kichꞌoj majel, mas ke te yanetike. Bayal buelta ayon ta peligro yuꞌun lajel.

2 Corintios 3:3

Y jamal chikan ta ilel te jaꞌex jun karta kꞌoemex te stsꞌibaye Cristo, te joꞌotik ya stikonotik ta yakꞌele. Ma tsꞌibabiluk ta tinta; jaꞌ tsꞌibabil yuꞌun te Espíritu yuꞌun te kuxul Diose. Ma ta lecheche tonuk; sino ke yichꞌoj jtsꞌibayel ta oꞌtanil yuꞌun tiꞌbalulil.

2 Corintios 3:6

yuꞌun stukel snojpesejotik yuꞌun te ya xtuunotik yuꞌun te achꞌ tratee. Jaꞌ trate to ma tsꞌibabiluk ta letra, jaꞌ nax ta Espíritu. Te mantal tsꞌibabile ya xꞌakꞌawan bael ta lajel. Pero te Espíritu yuꞌun Diose ya yakꞌ kuxlejal.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

2 Corintios 4:7

Pero te kꞌulejalil to kichꞌojtik ta jtiꞌbalultik, jachꞌik kꞌoemotik tutꞌ jpꞌej pꞌin te pasbil ta lume, yuꞌun jich me ya xchiknaj te ta skuenta te bayal spoder te Diose te ay tut ya xjuꞌ kuꞌuntike.

2 Corintios 5:18

Spisil lito jaꞌ yaꞌtel te Diose, te la yakꞌ junajuk koꞌtantik sok ta skuenta te Cristoe. Y la yaꞌbotikix kaꞌteltik te ya kaꞌbetik te ya xjunaj yoꞌtan sbaik sok Dios spisil te genteetike.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

Efesios 3:7

Jaꞌ jmajtan yuꞌun Dios te jich ayon te aꞌtel ta yalel skꞌoplal te kꞌop to ta skuenta spoder te Diose.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:25

Te Diose la yakꞌonix ta abatinel yuꞌun te hermanoetike, te jaꞌ a yaꞌbon ta jkuenta yuꞌun jaꞌex alekilik a, yuꞌun jich tsꞌakal ya kalbey a te skꞌoplal kolele,

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

1 Pedro 4:10

Talel baeluk me xꞌamantaltes abaik chikan te amajtanik aꞌbilex yuꞌun te Diose. Lekil jꞌaꞌtelukex me te tutꞌil bayal aꞌbilex te bendisionetik yuꞌun te Diose.