1 Corintios 3:13 - Nuevo Testamento Tzeltal de Amatenango

¹³ Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

Bible in Tzeltal Bachajón

¹³ ya me xchicnaj bin yilel ya'tel ta jujutuhl, como ya me xchicnaj ta yorahil, ta scuenta c'ahc' ya xchicnaj; ya me yich' tsajel ta c'ahc' te ya'tel jujutuhl.

Bible in Tzeltal de Oxchuc y Tenejapa

¹³ Te yat'el juju-jtule ya me xchicnaj te bi yilele, melel ya me sta sc'aalelal te ya yich' tsajel ta c'ajc' te yat'el ta juju-jtule.

1 Corintios 3:13 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 16:27

Jich te Nichꞌanile ya me xtal sok slekilal te jTate sok te xchꞌul angeletik yuꞌune. Ya me xtal kaꞌbe stojol juju-tul chikan te tut spasojike.

San Lucas 2:35

Ya mex chiknaj te tut ay ta yoꞌtanik te jujutule. Y te jaꞌate ya me xkꞌax awokol ta ajtal-oꞌtan yuꞌun. Jaꞌ me pajal kꞌoem sok ya awaꞌi te lowel ta puñale —xchi te mam Simeone.

Romanos 2:16

Ya sta skꞌaalel yuꞌun Dios te ya yichꞌ jkuenta te Jesucristoe, sok te ya yal ta jamal te tut yilel te kaꞌteltike. Jich tutꞌil ya yal te lek achꞌ kꞌop te yipalon ta yalele.

Romanos 2:5

Pero te jaꞌate, lom tulan awoꞌtan, y ma xꞌakꞌan ya asujtes awoꞌtan ta stojol Dios. Jaꞌat mismo yipalat ta sleel mas kastigo ta atojol te ya sta skꞌaalel te kastigoe, te kꞌalal ya xchiknaj te Diose, ya xtal yalbe ta jamal te machꞌa ya yichꞌ kastigoe,

1 Corintios 1:8

Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

1 Corintios 3:12

Te tutik ya yichꞌ tsꞌakel moel ae, ay jtul ya xlijk spas ta oro, ta plata y ta ben tsaꞌam ton, o ta teꞌ, o ta ak, o ta kꞌajben.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

2 Timoteo 1:18

A me kꞌuxutayek yuꞌun Kajwaltik te tut kꞌaalil ya xtal xane. Te jaꞌate anaꞌojix lek te bayal la skoltayotik ta Efesoe.

2 Timoteo 3:9

Pero ma xjuꞌ yuꞌunik ta mas, porke ta sitil komon ya xchiknaj te maꞌyuk tut ya snaꞌike. Pajal sok te tutiꞌ spasik te chaꞌtul te la spaj sba sok te jMoisese.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Hebreos 10:25

Ma me jkom bajtik te ya jtsobilan bajtik, jich tutꞌil ya spasik te jtul chebe. Ya me skꞌan ya kaꞌbe bajtik spuersa koꞌtantik ta juju-tul. Y jaꞌuk to a te kꞌalal ya kiltik te xnopet ya xtal te skꞌaalel yuꞌun te Kajwaltike.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

1 Pedro 4:12

Kermanotak te kꞌuxex ta koꞌtane, ma me lom yanuk ya awaꞌiyik yuꞌun te ayex ta prewa te jachik tutꞌ kꞌajkꞌ te lom kꞌuxe. Ma me xꞌakuyik te ay tut lom yan ya xkꞌot ta akuentaike.

2 Pedro 3:10

Pero te tut kꞌaalil ya xtal te Kajwaltike, ya xtal jichuk jꞌelekꞌ ta ajkꞌubal. Jich ora ya xlaj te chꞌulchane, te xiꞌxiꞌtik ta aꞌiyele. Te tutik pasbile ya me xlaj ta kꞌajkꞌ, y te balmilale sok spisil te tutik ay ae ya me xlaj ta chikꞌel.

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

Apocalipsis 20:12

Y la kil te animaetike, chꞌin ta mukꞌ, tekꞌajtik ta sit te mukꞌul naktajibale. Y la yichꞌ jamel te libroetike, y sok te jun xan libro jaꞌ te slibroil te kuxlejale. Te animaetike ichꞌtalanot jkuenta chikan te tut spasojike y sok te tut tsꞌibabil te ba libroetike.