1 Corintios 3:12 - Nuevo Testamento Tzeltal de Amatenango

¹² Te tutik ya yichꞌ tsꞌakel moel ae, ay jtul ya xlijk spas ta oro, ta plata y ta ben tsaꞌam ton, o ta teꞌ, o ta ak, o ta kꞌajben.

Bible in Tzeltal Bachajón

¹² Teme ay mach'a ya sts'ahcuy mohel ta oro, plata, t'ujbil ton, o ta te', ac o c'ajben ta sba te yich'o-ip,

Bible in Tzeltal de Oxchuc y Tenejapa

¹² Ja'uc me to, ya xju' ta ts'ajc'uyel moel soc oro, plata, t'ujbil tonetic, te', ac, o c'ajben.

1 Corintios 3:12 ပူးပေါင်းရင်းမြစ်များ

Hechos 20:30

Y ta awolilik ya xlijk te machꞌatik ya yakꞌik ta nopel lotil kꞌop yuꞌun jich me ya stsꞌakliyot bael yuꞌun te hermanoetike.

Romanos 16:17

Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.

1 Corintios 3:11

Yuꞌun maꞌyuk yan machꞌa yiptajib kꞌoem, jaꞌ úniko te Jesucristoe.

1 Corintios 3:13

Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

2 Corintios 2:17

Te joꞌotike ma jachikukotik tutꞌil yanetik te jaꞌ xchonbajelik te skꞌop Diose. Ma jichuk. Te joꞌotik tikonbilotik yuꞌun te Diose, jaꞌ yuꞌun jamal koꞌtantik ya xkꞌopojotik ta skuenta Dios, yuꞌun jun nax ayotik sok te Cristoe.

2 Corintios 4:2

La jpꞌatikix jilel te tutik kꞌexlaltik sba ay ta pasel ta mukule. Ma jloꞌlawanejukotik ni makꞌ jyanutestik te skꞌop Diose. Jaꞌ nax ya kaltik te tut batsꞌi jiche. Y te jich aye, jich ya kaꞌbetik yilik te yanetik te jun koꞌtantik ta sit te Diose.

Colosenses 2:8

Ila me abaik yuꞌun te machꞌatik ya skꞌan sloꞌlayex yuꞌun te tut snopoj te jowil naxe. Yuꞌun te stukelike ma yakꞌojuk ta jkuenta te Cristoe. Jaꞌ nax yakꞌojik ta jkuenta te skostumbre gentee y sok te jowil pꞌijutesel yuꞌun te balmilale te ma jaꞌuk ta skuenta Cristoe.

1 Timoteo 6:3

Teme ay machꞌa yan tut ya snojpeswane y teme ma pajaluk sok te lekil nojpesel yuꞌun te Kajwaltik Jesucristoe, sok teme ma jaꞌuk te tutꞌil jchꞌuunejtike,

2 Timoteo 2:20

Te ba ay jun mukꞌul nae, ma jaꞌuk nax ay teꞌa te tutik pasbil ta oroe sok ta platae. Ay pasbil ekꞌa ta teꞌe sok ta lume. Ay te tutik lek ta tuunel, y ay yanetik te makꞌ ya xtuun leke.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

2 Timoteo 3:7

Sil tiempo yipalik ta snopel, pero maꞌyuk tut ora ya snopik te tut batsꞌi jiche.

2 Timoteo 4:3

Porke ya sta stiempo te genteetike ma me skꞌan xyaꞌiyik te lekil nojpesele. Yuꞌun te tut ya skꞌan yoꞌtanike, ya sleik bayal maestroetik te jaꞌ nax ya snojpeslanot te tut ya skꞌan yaꞌiyik stukelike.

Hebreos 13:9

Ma me awakꞌ abaik ta loꞌlayel yuꞌun yanetik nojpesel te ma jaꞌuk yuꞌun te Diose. Jaꞌ lek te ayuk spuersa te koꞌtantike ta skuenta xkꞌuxul yoꞌtan te Diose. Ma me jaꞌuk nax xbajt ta awoꞌtanik te mantal yuꞌun te tutik weꞌeliletike, yuꞌun maꞌyuk tutiꞌ staik a te machꞌa jich ay ta pasele.

1 Pedro 1:7

Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

Apocalipsis 2:14

“Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.

Apocalipsis 21:18

Te smakteꞌale pasbil ta jaspe-ton, y te mukꞌul jtejklume pasbil ta puro oro, jachik tutꞌil espejo te ben limpioe.

Apocalipsis 3:18

“Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.