1 Corintios 2:9 - Nuevo Testamento Tzeltal de Amatenango

⁹ Pero komo jich tsꞌibabil jilel ta Sjun te Diose: “Te Diose xchapoj yuꞌun te machꞌatik kꞌanbil yuꞌune te tut maꞌyuk machꞌa yiloje sok maꞌyuk yaꞌiyeje sok te ma snopojuke”, xchi me.

Bible in Tzeltal Bachajón

⁹ Hich te bin ut'il ts'ihbabil: Mayuc sitil yiloj, mayuc chiquinil ya'iyej, mayuc mach'a sna'oj ta yo'tan te bintic chahpambil yu'un Dios te ya ya'be te mach'atic c'ux ta yo'tanic te Diose, xchi.

Bible in Tzeltal de Oxchuc y Tenejapa

⁹ Melel jich ts'ibubil jilel sc'oplal ta Sjun te Diose: “Ma'yuc mach'a yiloj ta sit, soc ma'yuc mach'a yaiyoj stojol ta xchiquin, soc ma'yuc ta yo'tanic ants-winiquetic te bila chajbanbil yu'un Dios te ya yac'bey te mach'atic c'ux ya yaiy ta yo'tanique”, te xie.

1 Corintios 2:9 ပူးပေါင်းရင်းမြစ်များ

San Mateo 20:23

Te Jesuse la sjakꞌtalanbe: —Jich te jaꞌexe ya yaꞌbelex euk te wokole sok te ilbajinele jich tutꞌil ya kichꞌ te joꞌone. Pero tutꞌil ya akꞌan xnajkajex ta jbatsꞌil sok ta jkꞌexome, ma joꞌukon ay ta jkuenta. Ja chikan stukel te jTate te machꞌatik xchajpoj te ya yakꞌ najkajuk teꞌae —xchi te Jesuse.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

Hebreos 11:16

Pero stukelike la skꞌan yoꞌtanik te ben tsaꞌam slumalike, jaꞌ bi, la skꞌan slumalin te chꞌulchane. Jaꞌ yuꞌun Dios mak xkꞌexaw te jaꞌ Dios yuꞌunike, yuꞌun chapojlanbe jun mukꞌul jtejklum.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

Santiago 2:5

Kermanotak, te kꞌuxex ta koꞌtane, aꞌiya awaꞌiyik to: Te Dios la stsa te machꞌatik meꞌbaik liꞌ ba balmilale, yuꞌun jaꞌ me skꞌulejalik ya xkꞌot te xchꞌuunejik Diose sok te ya xba yichꞌik smajtanik te ba ay ta ajwalinel te Diose, te stukel yaloj ta skuenta te machꞌatik lek skꞌanojik te Diose.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

1 Juan 4:19

Te joꞌotike kꞌux ya kaꞌiy jbajtik, porke nail a xkꞌuxutayotik te Diose.