1 Corintios 2:7 - Nuevo Testamento Tzeltal de Amatenango

⁷ Jaꞌ ya kaltik te spꞌijil skꞌop Dios te mukꞌul aye. Jaꞌ bi, jaꞌ te la snop ta yoꞌtan te kꞌalal ma to spas a te balmilale te ya slebotik jlekilaltik sbajtel kꞌinale.

Bible in Tzeltal Bachajón

⁷ Ha ya xc'opojotic te ta sp'ijil yo'tan Dios te muquen ay, ha te p'ijil-c'op te muquen ay, te ta shahchibal to tal chapal yu'un Dios te ha cutsilaltic ya xc'oht.

Bible in Tzeltal de Oxchuc y Tenejapa

⁷ Ja' ya caltic te sp'ijil sc'op Dios te ma'yuc ta na'el ta nameye, ja' te namey jich chapal sc'oplal yu'un te Dios te c'alal ma to pasbiluc a te balumilale, ta swenta cutsilaltic sbajt'el q'uinal.

1 Corintios 2:7 ပူးပေါင်းရင်းမြစ်များ

San Mateo 11:25

Jich yorail a te la yal te Jesuse: —Tat te yajwalat te chꞌulchan sok te balmilale, ben bayal slekil awoꞌtan te jaꞌ la awaꞌbe snaꞌik sluwaril spisil te machꞌatik chꞌin ayike, te ma jaꞌuk la awakꞌbe snaꞌik sluwaril te machꞌatik ay spꞌijilike sok te ya snaꞌik kꞌinale.

San Mateo 13:35

Te tutꞌil jich a yal te Jesuse, jaꞌ akꞌot ta pasel te tut yaloj te antibo jꞌalwanej yuꞌun te Diose te jich a yale: “Ya me kal ta seña-kꞌopetik te tut ma naꞌbot sluwaril jaꞌ to te la spas balmilal te Diose”, xchi me.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

1 Corintios 2:1

Pero kermanotak, te kꞌalal tal kalbeyex awaꞌiyik te tutꞌ batsꞌi jich snopoj te Diose, ma jaꞌuk a kal te spꞌijil jkꞌop naxe sok ma yuꞌunuk mukꞌ a kakꞌ jba.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 3:10

Jich kꞌot ta pasel yuꞌun te ora to ta skuenta te juju-tijkꞌ hermanoetike, ta spisil te machꞌatik ay spoderik y ay yaꞌtelik ta chꞌulchan ya xkꞌo snaꞌik te tutꞌil ay bayal ta jkaj spꞌijil te Diose.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Hebreos 11:3

Ta skuenta te xchꞌuunel koꞌtantike te ya jnaꞌtik te Dios a spas te balmilale ta skuenta te skꞌope, jich te tut ya kiltik te ora to. Jaꞌ la yichꞌ pasel yuꞌun te tut maꞌyuk ta ilele.

1 Pedro 1:11

Te Espíritu yuꞌun te Cristoe la yaꞌbe snaꞌ ta nail te jꞌalwanejetik te ya xkꞌax swokol te Cristoe, y te ya xtal te lekilal ta patile. Yoꞌtanuk kꞌan snaꞌbeyik sluwar machꞌa genteil a y tut kꞌaalil ya xkꞌot ta pasel te tut albot ta yoꞌtanik yuꞌun te Espíritu te ay ta stojolike.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

2 Pedro 1:3

Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.