1 Corintios 2:14 - Nuevo Testamento Tzeltal de Amatenango

¹⁴ Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

Bible in Tzeltal Bachajón

¹⁴ Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

Bible in Tzeltal de Oxchuc y Tenejapa

¹⁴ Te ants-winic te ma ba yic'ojic te Espiritue, ma xc'ot ta yo'tanic te p'ijubtesel ta swenta te Espíritu yu'un te Diose, te melel jowil c'op nax c'oem ta yo'tanique. Soc ma xju' yu'unic sna'el stojol, yu'un ma ba ya yich'ic coltayel yu'un te Espiritue.

1 Corintios 2:14 ပူးပေါင်းရင်းမြစ်များ

San Mateo 16:23

Te Jesuse la sujtes sba, la yalbe te Pedroe: —Kꞌeja aba ta jtojol, Satanas. Ma me xꞌamakon. Maꞌyuk ta awoꞌtan te tut ya skꞌan yoꞌtan te Diose. Jaꞌ nax ay ta awoꞌtan te tut ya skꞌan yoꞌtan te genteetike —xyut.

San Juan 10:20

Ay bayal te jich a yalike: —¿Tuꞌun te ya awakꞌik ta jkuentae? Porke ya xjowiy, yuꞌun ay pukuj ta yoꞌtan —xchiik.

San Juan 12:37

Manchuk me bayal señaetik smilagro a akꞌtalanbot yilik, pero ma xchꞌuunik te Jesuse,

San Juan 14:17

jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

San Juan 8:43

¿Tut yuꞌun te ma xkꞌot ta awoꞌtanik te tut ya kalbeyexe? Yuꞌun ma xꞌakꞌanik ya awaꞌibikon sluwar te jkꞌope.

Hechos 16:14

Ay jtul ants te teꞌey ae, xLidia sbiil, te lijkem tal ta jtejklum Tiatirae. Jaꞌ yaꞌtelinej xchonel te ben tsaꞌam tsajal ijkꞌsukantik pakꞌ te ben toyol stojole. Te ants to ben lek xchꞌuunej te Diose, yipal ta yaꞌiyel te tut ya yal te jPabloe te nikbot yoꞌtan yuꞌun te Kajwaltike.

Hechos 17:18

Ay maestroetik yuꞌun te epikureoetike sok te estoikoetike lijk sjojokꞌobe sba sok te jPabloe. Ay la yalik: —¿Tut a te ya yal chawchꞌunetel to? —xchiik. Te yane la yalik: —Yuꞌun wan yipal ta yalbeyel skꞌoplal achꞌ diosetik —xchiik. Jich a yalik, yuꞌun te jPabloe yipal ta yaltalanbeyel te lekil achꞌ kꞌop yuꞌun te Jesuse sok te chaꞌkuxele.

Hechos 17:32

Te kꞌalal jich a yaꞌiyik te chaꞌkux tal te ba ay animaetike, ay lijk ta ikꞌtinwanej yuꞌun. Y te yane la yalik: —Yan to buelta ya kaꞌitik xan te tut la awale, xchiik.

Hechos 18:15

Pero komo kꞌop nax, y sok biililetik, sok mantaliletik awuꞌunik, chapa atukelik. Porke ma jkꞌan jchꞌik jba a te kꞌopetik to —xchi.

Hechos 25:19

Jaꞌ nax a yalik te jaꞌ smulinej yuꞌunik te tutꞌil ay sreligion yuꞌunike. Sok ay jtul te Jesus sbiil te chame, y te jPabloe ya yal te kuxulixe.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

1 Corintios 1:25

Yuꞌun te tutꞌil snopoj Dios te kuybil ta jowil naxe, jaꞌ mas ben pꞌij ke te spꞌijil gente naxe. Y te tutꞌil lom pekꞌ ya spas te Diose, jaꞌ mas tulan ke te spisil spuersa gentee.

1 Corintios 15:44

Te tut ya xmujke batsꞌi stiꞌbalul; te tut ya xchaꞌkuxe jun tiꞌbalulil ta skuenta Espíritu. Ay tiꞌbalulil nax, y jich ay tiꞌbalulil ta skuenta Espíritu.

1 Corintios 15:46

Pero te tut skuenta Espiritue ma jaꞌuk nail. Jaꞌ nail te tiꞌbal naxe y patil jaꞌ te skuenta Espiritue.

1 Corintios 2:12

Y te joꞌotike ma jaꞌuk kichꞌojtik te spꞌijil te balmilale. Jaꞌ kikꞌojtik te Espíritu te tikonbil tal yuꞌun te Diose, yuꞌun jich me ya jnaꞌbeytik sluwar a te tutik yakꞌojbotik te Diose ta skuenta slekil yoꞌtan.

1 Corintios 3:1

Te joꞌone, kermanotak, ma juꞌ kuꞌun jkꞌoponex jich tutꞌil gente te tojutesbil yuꞌun te Espiritue, yuꞌun ya kil te jich to ayex ta skuenta atiꞌbalulik. Jich tutꞌil untik ayex ta stojol te Cristoe.

Santiago 3:15

Porke te pꞌijilil to ma jaꞌuk te ya xtal ta stojol te Diose, sino ke jaꞌ te pꞌijilil yuꞌun te liꞌ ba balmilale. Jaꞌ nax spensar te gentee, y jaꞌ yuꞌun mismo te pukuje.

1 Juan 2:20

Te Cristoe jaꞌ a yaꞌbeyex te Chꞌul Espiritue, y ta apisilik te jaꞌexe jich ay ta awoꞌtanik te tut batsꞌi jiche.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Judas 1:19

Jaꞌ bi jaꞌ te machꞌatik ya yakꞌik dibisione. Jaꞌ nax ya sleik te tut ya skꞌan stiꞌbalulike, y maꞌyuk yikꞌojik te Espíritu yuꞌun te Diose.