1 Corintios 2:10 - Nuevo Testamento Tzeltal de Amatenango

¹⁰ Dios la yaꞌbotikix jnaꞌtik te tutik ta skuenta te Espiritue. Yuꞌun te Espiritue ya xjuꞌ yuꞌun te ya yakꞌ ta naꞌel spisil, manchuk me jaꞌ te tut mukꞌul ay yuꞌun stukel te Diose.

Bible in Tzeltal Bachajón

¹⁰ Pero Dios la ya'botiquix jna'tic ta scuenta te Espíritu, como te Espíritu ya stsahtay spisil, ha nix hich te bin muquen ay yu'un Dios.

Bible in Tzeltal de Oxchuc y Tenejapa

¹⁰ Dios la yac'botiquix jna'tic stojol spisil in to, ta swenta te Espíritu yu'une. Melel te Ch'ul Espiritue, ya xju' yu'un te ya yac' ta na'el stojol spisile, manchuc teme ja' te bila muquen ay ta yo'tan stuquel te Diose.

1 Corintios 2:10 ပူးပေါင်းရင်းမြစ်များ

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Mateo 16:17

La yal te Jesuse: —Ben me tsaꞌam alekil jaꞌat Simon te xnichꞌanat te Jonase. Porke ni jtuluk winik te la yaꞌbeyat anaꞌbe sluwar. Jaꞌ a yaꞌbeyat anaꞌ sluwar te jTat te ay ta chꞌulchane.

San Lucas 10:21

Mismo tiempo a te Jesuse ben kontento kꞌajta yuꞌun te Chꞌul Espiritue. Jich a yal: —Kola awal Jtat, te yajwalat chꞌulchan sok te balmilale, ben bayal te slekil awoꞌtane. Porke jaꞌ la awakꞌtalanbe snaꞌ sluwaril spisil te machꞌatik chꞌin yakꞌoj sbaike. Ma jaꞌuk la awaꞌbe snaꞌ te machꞌatik pꞌijike, sok te machꞌatik ben pꞌij skuyoj sbaike. Jich Jtat, yuꞌun jich a skꞌan awoꞌtan atukel —xchi.

San Lucas 2:26

Aꞌbot snaꞌbe sluwar yuꞌun te ma to xcham a te ya yilbe sit te Cristo te ya xtikonot tal yuꞌun te Kajwaltike.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 16:13

Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

1 Corintios 14:30

Pero teme ay tut ya xꞌaꞌbot snaꞌ yuꞌun Dios te jtul gente te teꞌ nakal ae, jich te machꞌa nail yipal ta kꞌope a me skom sba.

1 Corintios 2:11

Porke ¿machꞌa winketikil te ya xjuꞌ yuꞌun snaꞌel te tut ay ta yoꞌtan te winike? Yuꞌun jaꞌ nax stukel te winike te ya snaꞌ te tut ay ta yoꞌtane. Jaꞌ nax jich te Diose, úniko te Espíritu yuꞌune te ya snaꞌ tutꞌil ay te Diose.

Gálatas 1:12

Ma teyuk a jta a ni ma teyuk jnopoj a te ta skuenta nax jtul winike, yuꞌun jaꞌ ta skuenta te Jesucristoe stukel mismo a yaꞌbon jnaꞌ.

Efesios 3:3

Dios la yaꞌbon kil te tut mukul ta yoꞌtane, y la yaꞌbonix jnaꞌ jich tutꞌil la jtsꞌibabeyex chaꞌoxpꞌaluke.

Efesios 3:5

te tut mukul ay te maꞌyuk machꞌa aꞌbot snaꞌ te ay tal kꞌaale. Pero te ora to Dios la yakꞌix ta naꞌel ta skuenta te chꞌul apostoletike y sok te jꞌalwanejetike ta skuenta te Espíritu yuꞌune.

1 Timoteo 4:1

Pero jamal ya yal te Espiritue: Ta slajibal kꞌaal ay machꞌa ya sjilesik ta chꞌuunel te Diose. Jaꞌ ya xbajt ta yoꞌtanik te skꞌopik jloꞌlawanejetike y te nojpesel yuꞌun te pukujetike.

1 Pedro 1:12

Pero akꞌtalanbot snaꞌ yuꞌun Dios te ma stukelikuk yuꞌunik te tut ya yaltalanike. Sino ke jaꞌ ya xkꞌot ta akuentaik te jaꞌexe. Jaꞌix te skꞌoplal kolel te la yalbeyex awaꞌiyik te machꞌatik la yalik te lekil achꞌ kꞌop ta skuenta spoder te Chꞌul Espiritue te tikonbil tal ta chꞌulchane. Spisil to yoꞌtanik euk te chꞌul angeletik te ya skꞌan xꞌaꞌbot yilik ekꞌae.

1 Juan 2:20

Te Cristoe jaꞌ a yaꞌbeyex te Chꞌul Espiritue, y ta apisilik te jaꞌexe jich ay ta awoꞌtanik te tut batsꞌi jiche.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

Apocalipsis 1:1

Jaꞌ to jaꞌ te la yakꞌ ta ilel Dios ta stojol te Jesucristoe, yuꞌun jaꞌ ya yaꞌbe snaꞌik te yaj-aꞌteltak te tutik ya xkꞌot ta pasel ta ora nax. Te Jesucristo la stikon bael te ángel, yuꞌun ya yaꞌbe snaꞌ te yaj-aꞌtele, jaꞌ te Juane.

Apocalipsis 2:24

“Pero te jaꞌex te aylan ta Tiatirae te ma xꞌanaꞌik te tut ya yakꞌ ta nopele, sok te ma jaꞌuk bajt ta awoꞌtanik snopel te tutik mukul nax ya yalik te jaꞌ yuꞌun te pukuje, ya kalbeyex te maꞌyuk yan mantal ya kaꞌbeyex achꞌuunike.