1 Corintios 16:2 - Nuevo Testamento Tzeltal de Amatenango

² Ta primero kꞌaal yuꞌun te semanae ta juju-tulex ya me apitik chꞌinuk te jayeb ya ataike, y kꞌejaik me. Yuꞌun te kꞌalal ya xkꞌoone, maꞌyukix ya atsobik a te majtanile.

Bible in Tzeltal Bachajón

² Ta jujun sba c'ahc'alil semana, ta tuhlutuhl parte me xawaq'uic jtebuc, ha chican jayeb la atahic, q'uejahic, scuenta yu'un ma ha'uc to yac atsobic a te c'alal ya xtalone.

Bible in Tzeltal de Oxchuc y Tenejapa

² Ta jujun domingo juju-jtulex ya me awaq'uic jtebuc, ja' chican te jich yipal te bila ya ataique. Ya me aq'uejic swenta yu'un ma me ayuc taq'uin quechel ta tsobel xan awu'unic a te c'alal ya xtalone.

1 Corintios 16:2 ပူးပေါင်းရင်းမြစ်များ

San Marcos 14:8

Jal ants to la spas tutꞌil a juꞌ yuꞌune. La yaꞌbe perfume te jtiꞌbalule skuenta xmujkone.

San Lucas 16:10

“Te machꞌa ben jun yoꞌtan ya skanantay te tut aꞌbil chꞌinuke, jich me ben jun yoꞌtan ya skanantay teme ay bayal tut xkꞌot ta skuentae. Yan te machꞌa ma junuk yoꞌtan ya skanantay te tut ya xꞌaꞌbot chꞌinuke, jich ma junuk yoꞌtan ya skanantay teme ay bayal tut ya xꞌaꞌbote.

San Lucas 24:1

Te primero kꞌaal yuꞌun te semanae, te antstike ben sab a laj bajtik te ba chꞌene. Yichꞌojik kꞌael te pox te xchapojike. Sok ay yan antstik te sjoyinejik kꞌale.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

Hechos 20:7

Te primero kꞌaal yuꞌun te semanae la jtsob bajtik sok te hermanoetik ta sweꞌel waj ta skꞌuenta te Kajwaltike. Te jPabloe lijk spꞌijutes te hermanoetike. La snaꞌ te pajel xanix ya xlokꞌ baele, jaꞌ yuꞌun jalaj ta kꞌop asta la sta olil ajkꞌubal.

2 Corintios 8:10

Te tutꞌil jich aye ya kalbeyex tutꞌ ya yal te koꞌtan yuꞌune. Te tutꞌil la apasik te jaꞌbil a kꞌaxe, ma jaꞌuk nax te la alijkesik spasele, te ben jun awoꞌtanik la apasike.

Apocalipsis 1:10

Y kꞌot ta pasel jun kꞌaal yuꞌun te Kajwaltike la sjapuyon ta spoder te Espiritue, y la kaꞌiy a kꞌopoj tal ta jpat jun tulan kꞌop, jachik tutꞌil ya xꞌokꞌ korneta,