1 Corintios 16:1 - Nuevo Testamento Tzeltal de Amatenango

¹ Te tutꞌil ya yichꞌ tsobel majtanil yuꞌun hermanoetik te xchꞌuunejik Diose, jich me xꞌapasik te tutꞌil la kaltalanbe te hermanoetik te ayik ta estado yuꞌun Galacia.

Bible in Tzeltal Bachajón

¹ Te bin ut'il ay sc'oblal te mahtanil ya yich'ic te mach'atic ch'uhltesbilic, hich me xapasic te bin ut'il la jpas hilel ta mandar te iglesiahetic ta sq'uinal Galacia.

Bible in Tzeltal de Oxchuc y Tenejapa

¹ Te smajt'an Dios ya atsobic ta swenta scoltayel te mach'atic ch'ul lum yu'un te Diose, jich me x'atsobic te bit'il la jpas ta mandal te jch'uunjeletic te ayic ta sq'uinal Galacia.

1 Corintios 16:1 ပူးပေါင်းရင်းမြစ်များ

Hechos 11:28

Ay jtul te Agabo sbiile, la stejkꞌan sba ta skuenta te Chꞌul Espíritu, sok la yal te ya xtal bayal wiꞌnal ta spisil te balmilale. Jaꞌ kꞌot ta pasel a te kꞌalal ochem ta mukꞌul rey a te jClaudioe.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Hechos 16:6

Beenik kꞌaxel ta estado Frigia sok ta estado Galacia, porke komot yuꞌun te Chꞌul Espíritu te ya xkꞌa yal skꞌop Dios te ba estado Asiae.

Hechos 18:23

Teꞌ anin cheꞌoxeb kꞌaal a, y chaꞌlok xan bael. Kꞌa yiltalan te juju-tijkꞌ hermanoetik te ayik ta estado Galacia sok ta estado Frigiae. La yaꞌbe jilel spuersa yoꞌtan te hermanoetike.

Hechos 24:17

“Cheb oxeb jaꞌbil xjoyeton ta yan luware, ta patil sujton tal ta jlumal, yuꞌun tal kakꞌ takꞌin y sok smajtan Dios ta templo.

Hechos 9:13

Kꞌalal la yaꞌi te jicha albote, te jꞌAnaniase la yal: —Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene.

Hechos 9:41

Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase.

Romanos 12:13

Koltayaik me te machꞌatik ayix ta skuenta te Diose teme maꞌyuk tut ay yuꞌune. Junuk me awoꞌtanik ya awikꞌik ochel te machꞌa ya xtal yuluꞌtayexe.

1 Corintios 11:34

Y teme ay machꞌa ay ta wiꞌnale, a me weꞌuk ta sna. Yuꞌun te Diose makꞌ ya yaꞌbeyex kastigo a teme jich ya atsob abaike. Y te yan xan kꞌopetike, jaꞌ ya jchaptalan jilel a te kꞌalal ya xtal kilexe.

1 Corintios 16:15

Kermanotak, te jaꞌexe anaꞌojik te machꞌatik ay yuꞌun te Estéfanase te jaꞌ nail a xchꞌuunik Dios te ayik ta estado yuꞌun Acaya. Stukelik te lek yakꞌoj sbaik ta mantaltesel yuꞌun te hermanoetik te xchꞌuunejik Diose.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

Gálatas 1:2

Joꞌon sok spisil te hermanoetik te joyinej jbaj soke, ya jtsꞌibay te karta to, te jaꞌ yuꞌun te jayebex te achꞌuunejik Dios te ayex ta estado Galaciae.

Gálatas 2:10

Jaꞌ nax a yalbotik bael te ya me jnaꞌtik tutꞌil ay te meꞌbaetike, te jaꞌ koꞌtaninej spasel sil tiempoe.

Filemón 1:5

Porke la kaꞌiy akꞌoplal, jaꞌ te skꞌuxul awoꞌtan y sok te xchꞌuunel awoꞌtan ta skuenta te Kajwaltik Jesuse, sok kaꞌiyoj skꞌoplal te xkꞌuxul awoꞌtan ta stojol spisil te machꞌatik jtejklumix yuꞌun te Diose.

Filemón 1:7

Ben kontento ayon y ay spuersa koꞌtan yuꞌun te ay slekil awoꞌtane, porke jaꞌat ta akuenta, hermano, te mukꞌuben yoꞌtanik te hermanoetike.

Hebreos 6:10

Porke te Diose ben toj yoꞌtan y ma xchꞌay ta yoꞌtan te tut ya apasik te jaꞌexe, y te slekil awoꞌtanik te la awakꞌik ta ilel te la akoltayik te hermanoetik te xchꞌuunejike, jich tutꞌil te yipalex ta spasele.

1 Juan 3:17

Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?