1 Corintios 15:9 - Nuevo Testamento Tzeltal de Amatenango

⁹ Yuꞌun te joꞌone jaꞌ mas pekꞌ ayon yuꞌun te apostoletike. Y ni ma spas te apostol ya yalbelone, porke la jtentalan te hermanoeitk ta stojol Diose.

Bible in Tzeltal Bachajón

⁹ Te ho'one peq'uel ayon yu'un te yantic jpuc-c'opetic, ma snuhp'uc te jbihilinej jpuc-c'op, yu'un la jcuts'inlan te iglesia yu'un Dios.

Bible in Tzeltal de Oxchuc y Tenejapa

⁹ Te jo'one peq'uel ayon yu'un te yantic jpuc-c'opetique. Soc ma snujp'in ya caiy te jbiilinej jpuc-c'ope, yu'un la cuts'in te jch'uunjeletic yu'un te Diose.

1 Corintios 15:9 ပူးပေါင်းရင်းမြစ်များ

Hechos 8:3

Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

2 Corintios 11:5

Te ya kale, te joꞌone maꞌyuk ba chꞌin kꞌoemon yuꞌun te mukꞌul apostoletik awuꞌunik te jaꞌex a tsꞌakliyejike.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

Gálatas 1:13

Te jaꞌexe awaꞌiyejikix te tut kilel te nail toe te kꞌalal jun ayon sok a te juriyoetike. La jtentalan sok la kilbajinlan te hermanoetik yuꞌun Dios y jnopoj ya jtupꞌbe skꞌoplal.

Gálatas 1:23

Jaꞌ nax te la yaꞌiyik te ya xꞌalote: “Jaꞌ te machꞌa la stenotik ta nail toe, te ora to yipalix ta yalel te tutꞌil ay skꞌoplal ta chꞌuunel te Cristoe, te nail to kꞌan stupꞌbe skꞌoplale”, xchi te jkꞌoplale.

Filipenses 3:6

Sok te tutꞌil tulan skꞌoplal kꞌoem ta koꞌtane, jich a jtentalan te hermanoetike. Te tutꞌil juꞌem kuꞌun xchꞌuunel te mantaliletike, maꞌyuk machꞌa ya xjuꞌ ya stabon palta.