1 Corintios 15:8 - Nuevo Testamento Tzeltal de Amatenango

⁸ Y ta último la yakꞌ sba ta ilel ta jtojol euk, manchuk teme jich a kꞌoon te tutꞌil alal te ma to yorauk ya xꞌayine.

Bible in Tzeltal Bachajón

⁸ Ta slajibal la yac' sba ta ilel ta jtojol, ho'on te hichon bin ut'il alal ma ba stahoj yayinab a te ayine.

Bible in Tzeltal de Oxchuc y Tenejapa

⁸ Ta slajibal la yac' sba ta ilel ta jtojol uuc te jo'one, manchuc teme jichon te bit'il c'axem alal te ma to staojuc yuil te ya x'ayine.

1 Corintios 15:8 ပူးပေါင်းရင်းမြစ်များ

Hechos 18:9

Ay jun ajkꞌubal a wayuchej te jPabloe, albot yuꞌun te Kajwaltike: —Ma me xiꞌan. Akꞌa me puersa yalel te jkꞌope. Ma me akom aba.

Hechos 22:14

Te nax a la yalbon xan: “Te Dios yuꞌun te jmeꞌ-jtatike, la stꞌujat yuꞌun ya yakꞌ anaꞌ te tut snopoj ta yoꞌtane, yuꞌun jich me ya awil te Machꞌa toj yoꞌtane y ya awaꞌibe skꞌop te ya xlok ta stie.

Hechos 22:18

Jaꞌ a kil te Kajwaltike, y la yalbon: “Sabajan lokꞌan bael ta ora liꞌ ba Jerusalene, porke ma xyaꞌbelat ta jkuenta te jkꞌoplal te yipalat ta yalele”, xyuton.

Hechos 22:6

“Pero te kꞌalal ayon kꞌael ta be ae, te nopol ya xkꞌoonix ta Damasco ae, ol wan kꞌaal a, ora nax a chiknaj xojob ta chꞌulchan, xlememet julel jul sjoyon.

Hechos 26:12

“Te tutꞌil jich jnopoje, boon ta jtejklum Damasco. Aꞌbilon kaꞌtel y tikonbilon bael yuꞌun te stataletik yuꞌun te saserdoteetike.

Hechos 26:16

Pero jajchan, tekꞌlan. Porke la kakꞌ jba ta ilel ta atojol yuꞌun ya xtuunat kuꞌun. Yuꞌun jaꞌat testigo ya xkꞌoat te tut la awil te ora to y sok te tut ya awil xan ta jkuentae.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.

1 Corintios 9:1

¿Me yuꞌun ma apostolukon? ¿Me yuꞌun ma libreuk ayon? ¿Me yuꞌun ma kilojuk te Kajwaltik Jesuse? Y te jaꞌexe, ¿meꞌn ma kaꞌtelukex ta skuenta te Kajwaltike?