1 Corintios 15:6 - Nuevo Testamento Tzeltal de Amatenango

⁶ Sok ta patil la yakꞌ sba ta ilel yuꞌun te kꞌaxem kinientos ta jtul hermanoetik te stsoboj sbaike ae. Chꞌin ma spisiluk kuxulik to te ora to, aunke ay machꞌa chamenix.

Bible in Tzeltal Bachajón

⁶ Patil la yac' sba ta ilel yu'un c'axem ta ho'winic scha'bahc' (500) ta tuhl quermanotactic ta junax buelta; ay to tsobol cuxulic ta ora ini, pero ay wayemix sbaq'uetalic.

Bible in Tzeltal de Oxchuc y Tenejapa

⁶ Soc patil la yac' sba ta ilel ta stojol c'axem ta jo'winic xcha'bajc' (500) ta jtul te quermanotactic te stsoboj sbaique. Col spisiluc cuxulic to ta ora to, soc ay wayemix sbaq'uetalic.

1 Corintios 15:6 ပူးပေါင်းရင်းမြစ်များ

San Mateo 28:10

Te Jesuse jich a yaltalanbe: —Ma me xiꞌanik. Baanik, albeyaik te kermanotaktike aꞌ me bajtikuk te ba Galileae. Teꞌ me ya xkꞌo yilikon a —xchi te Jesuse.

San Marcos 16:7

Baan, albeyaik te jnopojeletik sok euk te Pedroe te ya xnailaj bael awuꞌunik te ba Galilea te Jesuse. Teꞌ me ya xkꞌo awilik a, jich te tutꞌil la yalbeyexe —xchi.

Hechos 13:36

Jich te jDavide la yakꞌ sba ta mantaltesel ta stojol te machꞌatik pajal a kꞌax sok ta balmilale, jich te tutꞌil yaloj ta primero te Diose. Y ta patil cham, ba mukek te ba mukul te smeꞌ-state y te stiꞌbalule te kꞌaꞌ a.

Hechos 7:60

Te nax a la skejan sba y tulan a kꞌopoj: —Kajwal, ma me awaꞌbe ta skuentaik te mulil to —xchi. Te kꞌalal jich a yal, cham te jꞌEstebane.

1 Corintios 15:18

Jich euk te machꞌatik chamenikix ta skuenta Cristoe jich chꞌayemik euk teme jich aye.

1 Corintios 15:20

Pero batsꞌi jich te Cristo te chaꞌkuxeme. Stukel primero sba sit te kosechae, y stukel primero te chaꞌkux tale.

1 Tesalonicenses 4:13

Kermanotak, ya jkꞌantik te ya anaꞌik te tut ya xkꞌot ta pasel yuꞌun te machꞌatik chamenike, skuenta yuꞌun ma me lom tristeukex te jaꞌexe, jich tutꞌil te yanetik te maꞌyuk tut smukꞌulinej yoꞌtanike.

1 Tesalonicenses 4:15

Jaꞌ yuꞌun la kalbetikex te jaꞌexe jich tutꞌil la yakꞌ ta nopel te Kajwaltike: Te joꞌotik, te machꞌatik kuxulotik to jilele jaꞌ to teme tal te Kajwaltike, ma joꞌukotik ya xnalajotik yuꞌun te machꞌatik chamenike.

2 Pedro 3:4

Ya me yalik: “¿Baꞌay te tut albilex te ya xchaꞌtal xan te Cristoe? Laj chamix bael te jmeꞌ-jtatike, y sigue jich ay bael spisil pajal sok te kꞌalal pas te balmilale”, xchiik me.