1 Corintios 15:2 - Nuevo Testamento Tzeltal de Amatenango

² Sok jaꞌ me ya xkolex yuꞌun teme makꞌ ya achꞌay ta awoꞌtanik te skꞌoplal te la kalbeyexe, sok teme ma jowiluk nax te la achꞌuunike.

Bible in Tzeltal Bachajón

² Ta scuenta te lec yach'il c'op ini te colemexix, teme jc'axel yac awac' ta awo'tanic te c'op la jcalbeyexe; teme ma'uque tojol ach'uhunejic.

Bible in Tzeltal de Oxchuc y Tenejapa

² Ta swenta in lec yach'il c'op to, ja' me ya xcolex yu'un teme jc'axel ya awac' ta awo'tanique, jich te bit'il la calbeyexe. Yu'un teme ma jichuque, tojol nax te la ach'uunique.

1 Corintios 15:2 ပူးပေါင်းရင်းမြစ်များ

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Hechos 8:13

Y jich euk te Simone la xchꞌuun y la yichꞌ jaꞌ y lijk sjoyin ta beel te Felipee. Lom yajtal yoꞌtan yuꞌun te la yil mukꞌul señatik y milagroetike.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

Romanos 11:22

Aꞌiya awaꞌiyik. Yuꞌun ben lek te Diose, pero tulan ya yakꞌ skastigo euk. Jich a yaꞌbeyix kastigo te machꞌatik a yalik ta mulile. Yan te jaꞌexe ayix slekil yoꞌtan ta atojolik. Pero puersa ya skꞌan xkuxuyinex sok sil tiempo te tutꞌil ay te slekil yoꞌtane. Yuꞌun teme ma jichuk ya apasike, jich me ya awichꞌik bojel lokꞌel euk.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 11:2

Kermanotak, ben jun koꞌtan awuꞌunik te ma xchꞌayon ta awoꞌtanike. Sok te tutꞌil ay ta awoꞌtanik te nojpesel a kaꞌbeyex jilele.

1 Corintios 15:14

Y teme ma chaꞌkuxemuk te Cristoe, te skꞌoplal te yipalotik ta yalele ni ma baleuk ya xkꞌot. Ni ma baleuk te xchꞌuunel awoꞌtanike.

2 Corintios 2:15

Porke te joꞌotike yuꞌun jachik kꞌoemotik tutꞌ ben tsaꞌam kikꞌtik te ya yakꞌ ta stojol Dios te Cristoe, te pajal xkꞌepet yikꞌ sok te machꞌatik ya xkolik sok te machꞌatik ya xbajtik ta chꞌayele.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Gálatas 3:4

¿Me jowil nax te bayalix ta jkaj te kꞌax awokolik yuꞌune? Ma jowiluk.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

2 Tesalonicenses 2:15

Jich yuꞌun, kermanotak, junuk me awoꞌtanik sil tiempo. Y ma me achꞌay ta awoꞌtanik te nojpesel te la kaꞌbetikex ta jteklejaltike o ta kartae.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.

Santiago 2:14

Kermanotak, ¿Tut ya xlokꞌ awuꞌunik a teme ay machꞌa ya yal te ay xchꞌuunel yoꞌtane, teme ma xchiknaj a ta skuenta te tut ya spase? ¿Me xjuꞌ wan ya xkol teme jich a te xchꞌuunel yoꞌtane?

Santiago 2:17

Jich ya xkꞌot ta pasel teme jaꞌ nax ya awal te ay xchꞌuunel awoꞌtane. Teme ma chikanuk ta skuenta te tut ya apase, chamen kꞌoem te xchꞌuunel awoꞌtane.

Santiago 2:26

Jich tutꞌil chamen ay jun tiꞌbalulil teme maꞌyuk xchꞌulele, jich euk chamen te xchꞌuunel-oꞌtanile teme maꞌyuk te tut juꞌem yuꞌun spasele.