1 Corintios 14:3 - Nuevo Testamento Tzeltal de Amatenango

³ Yan te machꞌa ya xꞌaꞌbot ta skuenta yalel te tut ya yal te Diose, jaꞌ ya yalbe te machꞌa stsoboj sba soke. Jich ya xmukꞌubik xan ta stojol Dios te yanetike, y ya xꞌaꞌbot spuersa yoꞌtanik sok ya xjunutesbot yoꞌtanik.

Bible in Tzeltal Bachajón

³ Yan te mach'a ya yal te sc'op-jalwanej, ha ya sc'opon te ants-winiquetic scuenta yu'un ya sta yip yo'tanic, scuenta tsitsel soc smuc'ubtesel q'uinal ya'iyic.

Bible in Tzeltal de Oxchuc y Tenejapa

³ Yan te mach'a ya yaiy j'alwaneje, ja' ya sc'opon a te ants-winiquetique, swenta yu'un jich ya sta xan yip yo'tanic a, soc ya sta stac'uyelic a, soc ya xmuc'ubtesbot q'uinal yaiyic yu'un a.

1 Corintios 14:3 ပူးပေါင်းရင်းမြစ်များ

San Lucas 3:18

Jich a yal ta stojol te genteetike, sok ay to xan bayal te tuti yalbe ta stojolik ta skuenta te lek yachꞌil kꞌope.

Hechos 13:15

Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee: —Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Hechos 15:32

Te Judas sok te Silase ay smajtanik yuꞌun yalel skꞌop Dios. Jich a sjunutesbe yoꞌtanik y la yaꞌbe spuersa yoꞌtan te hermanoetik yuꞌun te tutiꞌ yalike.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

Romanos 12:8

Te machꞌa yichꞌoj te majtanil yuꞌun te ya yaꞌbe spuersa yoꞌtan te yane, a me yaꞌbe xan spuersa yoꞌtan. Te machꞌa ay tut ya skꞌebene, junuk me yoꞌtan a yakꞌ. Te machꞌa ay ta skuenta tsobawe, junuk me yoꞌtan a tsobawanuk. Te machꞌa ya skoltay te meꞌbaetike, junuk me yoꞌtan awak spas.

Romanos 14:19

Jich yuꞌun, a me jlejtik spisil te tut bujtsꞌan ya kaꞌitik yuꞌune, jich talel bael ya jkoltay bajtik ta xchꞌuunel xan te Diose.

Romanos 15:2

Joꞌotik ta jpisiltik jaꞌ ya skꞌan te lek ayotik sok te joytik ta genteile, y aꞌ pasbetik te tut leke skuenta ya xjuꞌ ya xmukꞌub xan ta xchꞌuunel a te Diose.

1 Corintios 10:23

Ay ya yalik: “Ayotik ta libre yuꞌun spasel te tutꞌ ya jkꞌantike”, xchiik. Jich. Pero ma spisilik ya xlokꞌ jkuenta kuꞌuntik a. Ayotik ta libre yuꞌun spasel te tut ya jkꞌan jpastike, pero ma spisiluk te ya skoltayotik ta skuenta Diose.

1 Corintios 14:12

Jaꞌ yuꞌun, te jaꞌexe te ben jun awoꞌtanik ya akꞌanik te majtaniletik yuꞌun te Espiritue, oꞌtaninaik ta mas te majtaniletik te ya skoltayik ta smukꞌutesel ta skuenta espíritu te juju-tijkꞌ hermanoetike.

1 Corintios 14:17

Te tut ya awalbe kola yale, manchuk me ben tsaꞌam, pero ma sta skoltayel a te yane te ya xmukꞌub ta stojol Dios.

1 Corintios 14:26

Jaꞌ yuꞌun, kermanotak, te kꞌalal ya atsob abaik te jaꞌexe, ay yan ya xjuꞌ yuꞌun skꞌayojinel kꞌayojetik, sok ay yan ya snojpeswan, sok ay yan ya yal te tut ya xꞌaꞌbot snaꞌ yuꞌun Dios, sok ay yan ya xkꞌopoj ta yanetik kꞌopiletik, sok ay yan ya skꞌases te yanetik kꞌopiletike. Pero ta spisiluk me, jaꞌuk me yuꞌun te ya xmukꞌubik ta stojol Dios ta spisilik a.

1 Corintios 14:31

Jich ya xjuꞌ ya xkꞌopoj ta juju-tul te machꞌa skꞌan ya yal te skꞌop Diose. Yuꞌun jich me ya snopik ta spisilik a sok ya yichꞌ spuersa yoꞌtanik a.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

2 Corintios 1:4

Jaꞌ ya yaꞌbotik spuersa koꞌtantik ta spisil te kꞌalal ayotik ta wokole, yuꞌun te joꞌotike jich me ya kaꞌbetik spuersa yoꞌtanik ekꞌa te yan te ay swokolike. Jaꞌ mismo ya kaꞌbetik spuersa yoꞌtanik jich tutꞌil te la yaꞌbotik spuersa koꞌtantike.

2 Corintios 2:7

Te ora to ya skꞌan ya apasbeyik perdon y ya ajunutesbeyayik yoꞌtan. Ma lek teme lom bayal yajtal yoꞌtan ya yichꞌ te ma xjuꞌ yuꞌune.

Efesios 4:29

Ma me awalik te ma tsaꞌamuk kꞌopetik, jaꞌ nax me xꞌawalik te lekil kꞌopetike te snujp ta alele, te ya skoltay ta smukꞌutesel te machꞌatik ya yaꞌiyike, skuenta jich me ya staik bendision.

Efesios 6:22

Jaꞌ yuꞌun la jtikonbeyex bael te jaꞌexe. Yuꞌun me ya yalbeyex te tut ayotike, yuꞌun jich ya yaꞌbeyex spuersa awoꞌtanik.

Colosenses 4:8

Jaꞌ yuꞌun ya jtikonbeyex tal te jaꞌexe yuꞌun ya yalbeyex tutꞌil ayotik y ya yaꞌbeyex spuersa awoꞌtanik.

1 Tesalonicenses 2:11

Sok anaꞌojik te la kaꞌbetikex spuersa awoꞌtanik y la junutesbeyex awoꞌtanik ta juju-tulex te jaꞌexe, jich tutꞌil ya spas jtul tatil sok te yuntikile.

1 Tesalonicenses 2:3

Porke ma jowiluk nax te tut yipalotik ta yalele. Ni ma jaꞌuk a kaltik te tut ma lekuk, sok ma jaꞌuk jnopojtik te ay machꞌa ya jloꞌlaytik ae.

1 Tesalonicenses 3:2

y jaꞌ a jtikon te kermanotik jTimoteo, te jaꞌ jtul jꞌaꞌtel yuꞌun Dios te ay ta yalel te lek achꞌ kꞌop yuꞌun te Cristoe. La jtikon tal yuꞌun ya xtal yilex, y ya xtal yalbeyex xan lek te skꞌop Diose, y ya yaꞌbeyex spuersa te xchꞌuunel awoꞌtanike.

1 Tesalonicenses 4:1

Te ora to, kermanotak, awokolikuk ya kalbetikex ta skuenta te Kajwaltike, jich me ya apasik xan tutꞌil te yipalexix ta spasele. Ja te tutꞌil joꞌotik a jnopestikex te jich ya apasike, skuenta yuꞌun lek ya yilex a te Diose.

1 Tesalonicenses 4:18

Aꞌbeya abaik spuersa awoꞌtanik ta juju-tulex sok te kꞌopetik to.

2 Tesalonicenses 3:12

Te machꞌatik jich aye, ya jpastik ta mantal y ya kalbetik ta skuenta te Kajwaltik Jesucristoe: Junuk yoꞌtanik a aꞌtejukik yuꞌun jich me ay tut ya staik sweꞌelik a.

1 Timoteo 1:4

te manchuk jaꞌuk nax ya xbajt ta yoꞌtanik te jontol kuento naxe, sok te tutik skuentoal te antiboetike te ma xlaj ta alele. Te tutik jich aye, jaꞌ nax ya yikꞌotik bael ta tijtonbajel, y ma jaꞌuk ya skoltayotik ta spasel te aꞌtel yakꞌojbotik te Dios yuꞌun te jchꞌuunejtike.

1 Timoteo 4:13

Te jayeꞌ kꞌaal ma to xtalone, oꞌtantaya me yalel ta komon te Sjun Diose. Aꞌbeya me spuersa yoꞌtan te hermanoetike, tsitstalana me.

1 Timoteo 6:2

Teme ay te abatetik te xchꞌuunej Dios te yajwale, ma me xyijkitayik ta yakꞌel ta jkuenta te yajwale yuꞌun te yermano sba ta xchꞌuunel te Diose. Jaꞌ ya skꞌan te kꞌax jich ya yakꞌ sbaik ta mantaltesele. Porke te machꞌa ya xꞌabatinotik yuꞌune, jaꞌ xchꞌuunej Dios sok yermano sbaik te kꞌux ya yaꞌiy sbaike. Jich me xꞌawakꞌ ta nopel, sok jich me xꞌawalbey yaꞌiyik.

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Tito 1:9

Ya skꞌan te yakꞌoj ta yoꞌtan te skꞌoplal te batsꞌi jich a aꞌbot snope, yuꞌun jich me ya xjuꞌ ya yaꞌbe spuersa yoꞌtan ekꞌa te yanetik sok te lekil nojpesele, y jich me ya xjuꞌ yuꞌun skomel te machꞌatik ya xkontrainwan ta kꞌope.

Tito 2:15

Jaꞌ to jaꞌ te ya skꞌan ya awakꞌ ta nopele. Tsitsa y komatalana te tutꞌil ay awaꞌtele. Ma me ayuk machꞌa ya spꞌajat.

Tito 2:6

Jich mismo ya atsits te bikꞌtal kermetike te ayuk spꞌijilik euk yuꞌun stsael te tut leke.

Tito 2:9

Tsitsa te machꞌatik aj-aꞌtelil te yauk xchꞌuunbe spisil smantal te yajwalike. Lekuk ya xꞌiltalanot y ma me to xakꞌxunuk ta kꞌop.

Hebreos 10:25

Ma me jkom bajtik te ya jtsobilan bajtik, jich tutꞌil ya spasik te jtul chebe. Ya me skꞌan ya kaꞌbe bajtik spuersa koꞌtantik ta juju-tul. Y jaꞌuk to a te kꞌalal ya kiltik te xnopet ya xtal te skꞌaalel yuꞌun te Kajwaltike.

Hebreos 13:22

Kermanotak, awokolikuk junuk awoꞌtan xꞌawichꞌik te jaypꞌal kꞌopetik te atsitselik te la jtsꞌibabeyexe.

Hebreos 3:13

Jaꞌ ya skꞌan yoꞌtik to talel bael xꞌatsits abaik ta jujun kꞌaale, skuenta yuꞌun ni jtuluk a te jaꞌex te ya ataik loꞌlayel yuꞌun te mulile te ya yakꞌ xtulanub te awoꞌtanike.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

Judas 1:20

Pero te jaꞌexe, kermanotak te kꞌuxex ta koꞌtane, junuk me awoꞌtanik yuꞌun te chꞌul kꞌop achꞌuunejike. Kꞌoponaik Dios ta skuenta te Chꞌul Espiritue.