1 Corintios 13:7 - Nuevo Testamento Tzeltal de Amatenango

⁷ Te xkꞌuxul-oꞌtanile spisil ya xkujch yuꞌun, spisil ya xchꞌuun, spisil ya smaliy, sok ya stsꞌijk yuꞌun spisil.

Bible in Tzeltal Bachajón

⁷ Spisil wocol ya xc'ax yu'un, spisil ya sch'uhun, spisil ya smahliy, spisil ya xcuhch yu'un.

Bible in Tzeltal de Oxchuc y Tenejapa

⁷ Spisil ya xcujch' yu'un, spisil ya xch'uun, spisil ya smaliy, soc spisil ya sts'ijc' yu'un.

1 Corintios 13:7 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Marcos 9:23

La yal te Jesuse: —¿Tut a te ma xjuꞌ kuꞌune? Te machꞌa ya xchꞌuune spisil ya xjuꞌ ta pasel —xchi.

Romanos 15:1

Te joꞌotik te tulanotik sok te xchꞌuunel koꞌtantike jichukotik me te ya jnaꞌbetik yoꞌolil sbaik te machꞌatik ma tulanuk xchꞌuunel yoꞌtanike. Y ma jaꞌuk ya jletik te joꞌotik nax lek ya kaꞌiy jbajtike.

Romanos 8:24

Jnaꞌojtik te kolemotikixe, pero ay to te tut ayotik ta smaliyele. Teme ay machꞌa ya yilix te tut yipal ta smaliyele, jich ma jaꞌuk ya smaliy xan. Yuꞌun teme ay machꞌa ya sta ta ilele, ¿tuꞌun xan ya smaliy tem jichte?

1 Corintios 13:4

Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

1 Corintios 9:12

Teme ay yanetik te ya awaꞌbeyike, mas to ay rason te ya awaꞌbotike. Pero maꞌyuk a jkꞌantik te jich ya kichꞌtik pasbeyel awuꞌunike, y jich kujchem tal kuꞌuntik spisil te jwokoltike, yuꞌun jich maꞌyuk tut ya smak a te ya kaltik te lek achꞌ kꞌop yuꞌun te Cristoe.

Gálatas 6:2

Koltaya abaik ta xkuchel te ijkatsile, jich me ya xjuꞌ awuꞌunik spasel a te smantal te Cristoe.

2 Tesalonicenses 1:4

Jaꞌ yuꞌun te joꞌotike ben sniꞌ xkaꞌitik te ya kaltik akꞌoplalik ta stojol te juju-tijkꞌ hermanoetik yuꞌun Diose, te kujchem awuꞌunik spisil te tenele sok te ilbajinele ta skuenta te xchꞌuunel awoꞌtanike.

2 Timoteo 2:24

Y te jtul jꞌatel yuꞌun te Kajwaltike ma spas teme lom nax ya slijkes pletoe. Jaꞌ ya skꞌan te lek skꞌanojlan ta spisil te yanetike. Ya skꞌan te ay spꞌijil yoꞌtan ta nojpeswanej, sok ya skꞌan te ya stsꞌijk yuꞌune.

2 Timoteo 3:11

sok te ikꞌtinele y sok te wokoletike. Anaꞌoj spisil te tutiꞌ spasbelon ta Antioquia, ta Iconio y ta Listra sok te ikꞌtinel te kꞌax jwokol yuꞌune. Pero te Kajwaltike la yakꞌon ta libre ta spisil.

2 Timoteo 4:5

Pero te jaꞌate, pꞌij me xꞌanat sil tiempo. Kujchuk me awuꞌun te wokoletike. Aꞌtelina me yalel te skꞌoplal kolele. Juꞌutesa me lek te awꞌatele.

Hebreos 13:13

Konik euk sok te Jesuse ta stiꞌil te jtejklume, y kꞌaxuk jwokoltik jich mismo te ma akꞌot ta jkuenta sok te kꞌax swokol stukele.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.