1 Corintios 13:5 - Nuevo Testamento Tzeltal de Amatenango

⁵ ni ma toybauk, ma stukeluk nax ya sle te tut skꞌane, ni ma xꞌilin, sok ma xtijtunetuk ta kꞌop.

Bible in Tzeltal Bachajón

⁵ ma xjelaw ta stojol yan, mayuc st'ut'il, ma x'ilin, ma xyac' ta yo'tan te bin chopol ya xpasbot;

Bible in Tzeltal de Oxchuc y Tenejapa

⁵ Ma spas te bila ma lecuque, soc ma stuqueluc nax ya sle te bila ya sc'an yo'tane. Ma x'ilin, soc ma xcupetuc slab yo'tan.

1 Corintios 13:5 ပူးပေါင်းရင်းမြစ်များ

San Mateo 5:22

Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

San Mateo 9:4

Te Jesuse la snaꞌ te tut ya yal ta yoꞌtanike. Jich a yalbe: —¿Tut yuꞌun te ma tsaꞌamuk te tut ay ta awoꞌtanike?

San Marcos 3:5

Te Jesuse la skꞌelulanbe sit te machꞌatik joybil yuꞌune. Ilin yoꞌtan sok ay yajtal yoꞌtan yuꞌun te tutꞌil ben tulan yoꞌtanike. La yalbe tsꞌin te winike: —Jacha te akꞌabe —la yut. Te winike la xjach te skꞌabe y lek a jil.

San Lucas 7:39

Te fariseoe te ikꞌawan ta weꞌele la yil te tuti spas te antse. Jich a yal ta yoꞌtan: “Te jaꞌuk jꞌalwanej yuꞌun Dios te winik to, ya snaꞌ te jichuke te tutꞌil jmulawil-ants te tal pikbek yok yuꞌune”, xchi ta yoꞌtan.

1 Corintios 10:24

Ma me ayuk machꞌa ya sle te stukel nax slekil aye. Jaꞌ ya skꞌan te ya jlebetik slekil euk te yane.

1 Corintios 10:33

Te tut ya jpas te joꞌone, jaꞌ te tut lek yoꞌtanik yuꞌun ta spisilik. Ma jaꞌuk ya jle te joꞌon nax jlekilal aye. Jaꞌ ya jlebey slekilalik euk te yane yuꞌun jich me ya staik skolelik ekꞌa.

1 Corintios 11:18

Te primero ma lekuk ya kaꞌiye, jaꞌ te ay albilon te kꞌalal ya atsob abaik ta kultoe te juju-tijkꞌ ayexe. Y ay jchꞌuunej te jicha nix ayex aye.

1 Corintios 12:25

Yuꞌun maꞌyuk tut ya skontrain sbaik a te tutik ay ta tiꞌbalulile. Jich talel bael ya xkꞌuxutay sbaik.

1 Corintios 7:36

Teme ay machꞌa ya snop te ya yakꞌ nujpunukix te yachꞌix te kꞌanbilixe, yuꞌun la staix yaꞌbilal te ya xnujpune, a me spas teme jich ya skꞌane. Nujpunanik me, yuꞌun ma muliluk te nujpunele.

2 Corintios 5:19

Jaꞌ bi, ta skuenta Cristo, Dios yipal ta yakꞌel te ya xjunaj yoꞌtan sok te machꞌatik ayik ta balmilale. Ni ma jaꞌuk ya snaꞌbe smulik te genteetike. Y joꞌotik a yaꞌbotik kaꞌteltik te ya kakꞌtalanbetik snaꞌ te skꞌoplal to.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Filipenses 2:21

Spisilik jaꞌ nax ya sleik te tut ya skꞌan yoꞌtanike, y ma jaꞌuk te tut ya skꞌan yoꞌtan te Jesucristoe.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

2 Tesalonicenses 3:7

Yuꞌun te jaꞌexe anaꞌojik tutꞌil ya skꞌan xkuxuyinex, jich tutꞌil la kakꞌtik awilike. Te joꞌotike ma yuꞌunuk ma aꞌtejotik te kꞌalal ayanotik te ba ayexe.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

2 Timoteo 4:16

Te primero a stejkꞌanelon ta sit jꞌuꞌeletike, maꞌyuk machꞌa a skoltayon. Spisilik a sjilesikon. Manchuk jaꞌuk ya xꞌaꞌbot smulinik yuꞌun Dios.

Santiago 1:19

Naꞌaik me to kermanotak te ben kꞌuxex ta koꞌtane, ta apisilik te jaꞌexe chapalukex me yuꞌun ta yaꞌiyel te tut ya yichꞌ alele. Ma me kꞌopojanik ta ora, y ma me orauk ya xꞌilinex.