1 Corintios 13:4 - Nuevo Testamento Tzeltal de Amatenango

⁴ Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

Bible in Tzeltal Bachajón

⁴ Te c'uxul-o'tanil spisil ya xcuhch yu'un, bayel yutsil yo'tan; mayuc sbic'tal yo'tan, ma stoy sba;

Bible in Tzeltal de Oxchuc y Tenejapa

⁴ Te mach'a ay xc'uxul yo'tane, spisil ya xcujch' yu'un, soc ay yutsil yo'tan, soc ma spas jex-o'tanil. Ma xyac' sba ta ich'el ta muc', soc ma stoy sba.

1 Corintios 13:4 ပူးပေါင်းရင်းမြစ်များ

San Mateo 27:18

Jicha sjojkꞌolanbe yuꞌun snaꞌojbe sluwar te tutꞌil laꞌoꞌtantaybil yuꞌunik te Jesuse te jaꞌ sluwar te la yakꞌik entregale.

Hechos 7:9

“Te xnichꞌnab Jacobe, jaꞌ te antibo jmeꞌ-jtatike, la slaꞌoꞌtantayik te yijtsꞌinik Josee, y la xchonik bael. Jicha bajt ta slum Egipto, pero Dios joyinbil yuꞌun te Josee,

Romanos 1:29

Nojel ta yoꞌtanik spisil ta jkaj te tut ma tojuk ta pasele. Muliletik ta balmilal, y baem ta yoꞌtanik spasel spisil te tut ma tsaꞌamuke, y biktajem yoꞌtanik yuꞌun kꞌulejalil y sok laꞌoꞌtantawanejetik. Sok il-oꞌtantawanej, sok milaw, sok pletojel, sok lolawanej, sok ixlanwanej, sok tontol aꞌbiye.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

1 Corintios 3:3

yuꞌun skuentainejex to te atiꞌbalulile. Yuꞌun chikan te tutꞌ ayexe te ya to awilbey aba awoꞌtanik sok te ya ajapuy abaik ta kꞌope, sok te ya apitpit abaike. Yuꞌun sigue ya atamojik te tut skuenta atiꞌbalulike. Jich yipalex ta spasel te tut ya spas spisil te gente ta balmilale.

1 Corintios 4:18

Ay jtul-chebex te jaꞌexe te atoyoj abaike. Yuꞌun akuyojik te makꞌ xtal kilexe.

1 Corintios 4:6

Kermanotak, la kalbeyex awaꞌiyik te tutꞌil ayone y sok te Apolose, skuenta jich ya anaꞌik te tutik lek ya xkꞌoex yuꞌune. La kalbeyex yuꞌun jich ya anopik a te makꞌ xkꞌaxex ta mas a te tutik tsꞌibabil jilele, y yuꞌun jich ma ba ya mukꞌutesbeyik skꞌoplal a te jtule y sok te ya apꞌajik te yane.

1 Corintios 5:2

Y te jaꞌexe ya atoy abaik te lek ayex ta akꞌopike. Jaꞌ lek te lauk awakꞌ yajtal awoꞌtanike. Te winik to te jich spasoje ya me skꞌan ya atenik lokꞌel ta awolilik.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

2 Corintios 6:6

Jich me ya kakꞌtik ta ilel te lekix ayotik sok te jkuxlejaltike, sok te tutꞌ jnaꞌojbetik sluwaril te tut batsꞌi jiche, sok te ay perdon ta koꞌtantike, sok te ay slekil koꞌtantike, sok te ay ta koꞌtantik te Chꞌul Espiritue, sok te batsꞌi ay xkꞌuxul koꞌtantike,

Gálatas 5:26

Ma me lom toybaukotik. Ma me talel baeluk ya japuj jbajtik ta pleto y mak me kil-oꞌtantay jbajtik.

Efesios 4:2

Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

Filipenses 1:15

Batsꞌi jich te ay machꞌatik ya yalbe skꞌoplal Cristo sok il-oꞌtan y sok tsalaw. Pero ay yanetik sok slekil yoꞌtan ya yalbeyik skꞌoplal te Cristoe.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

Colosenses 2:18

Ma me awakꞌik te ay machꞌa ya yaꞌbeyex yajtal awoꞌtanike, te skꞌayinej te chꞌin yakꞌoj sbaik y te ya skejan sbaik ta skuenta te angeletike. Lom nax ya yalik te ay tut yiloje, y jowiyel nax ya stoy sbaik ta skaj nax spensarik ta stiꞌbalulik nax.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

1 Tesalonicenses 5:14

Sok ya kalbeyex, kermanotak, ya me atsitsik te machꞌatik ma skꞌan xꞌaꞌtejike. Aꞌbeyaik yip yoꞌtanik te machꞌatik maꞌyuk yip yoꞌtanike. Koltayaik me te machꞌatik lom xcheben yoꞌtanike. Sok ayuk apasensia ta stojol spisilik.

1 Timoteo 6:4

jaꞌ jun toybajel te maꞌyuk tut ya snaꞌe. Jaꞌ nax baem ta yoꞌtanik puru kꞌopetik skuenta tsalawe jich tutꞌil jun chamel, y tey ya xtal a te il-oꞌtantawaneje sok pleto y toybael y te ma junuk yoꞌtanike.

2 Timoteo 2:25

Sok ya skꞌan te chꞌunuluk yoꞌtan ya stojutes te machꞌatik ya xkontrainwanike. Ya smaliy teme Dios ya sujtesbe yoꞌtanik y teme ya snaꞌik te tut a te batsꞌi jiche.

2 Timoteo 3:10

Pero te jaꞌate, la achꞌuunix te tutiꞌ jnojpesate. Awilojix te tutꞌil kuxulone sok ya anaꞌ te tut mukꞌ skꞌoplal ta koꞌtane. Awilojix te xchꞌuunel koꞌtane sok te ya stsꞌijk kuꞌune, sok te skꞌuxul koꞌtane, sok te tutꞌil ya xkujch kuꞌune,

2 Timoteo 4:2

Jaꞌ ya kalbeyat te ya awal te skꞌop Diose ta bayuk sok ta tutikuk nax ora. Junuk awoꞌtan stsitsawanat, sok komaw, sok aꞌbeya spuersa yoꞌtanik.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Santiago 4:5

Jaꞌ sluwaril te ya yal te Sjun Diose: “Lek kꞌanbil yuꞌun Dios te Espíritu te yakꞌoj nainuk ta koꞌtantike”, xchi me.

1 Pedro 2:1

Jich yuꞌun, jilesaik spisil ta jkaj te tut ma lekuke: spisil loꞌlawanej, sok te ma tsaꞌamuk awoꞌtanike, sok te il-oꞌtane, sok spisil te jkaj te jontol kꞌop aꞌbiyeje.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

2 Pedro 1:7

sok te kꞌuxuk ya awaꞌiyik te hermanoetike, sok ayuk xkꞌuxul awoꞌtanike.

1 Juan 4:11

Kermanotak te kꞌuxex ta koꞌtane, teme jich a xkꞌuxutayotik te Diose, jich ya skꞌan te talel bael ya jkꞌuxutay jbajtik te joꞌotike.