1 Corintios 13:2 - Nuevo Testamento Tzeltal de Amatenango

² Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

Bible in Tzeltal Bachajón

² Teme ya cal sc'op-jalwanej soc na'bil cu'un spisil bintic wocol ta na'el soc spisil bintic ay ta na'el, teme ay bayel sch'uhunel co'tan te ha ya sjelbe yawil witsiltic ta scuenta, pero teme mayuc sc'uxul co'tan, tojol ayon.

Bible in Tzeltal de Oxchuc y Tenejapa

² Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

1 Corintios 13:2 ပူးပေါင်းရင်းမြစ်များ

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Mateo 17:20

La yal te Jesuse: —Yuꞌun maꞌyuk lek xchꞌuunel awoꞌtanik. Jamal ya kalbeyex te ayuk xchꞌuunel awoꞌtanik chꞌinuk jich tutꞌil te sbakꞌ mostesiae te lom chꞌine, ya xjuꞌ ya awalbeyik te wits to: “Lokꞌan ba liye, baan ta yan luwar”, tem ya awute, jich ya xlokꞌ bael te witse. Maꞌyuk tut a te ma xjuꞌ awuꞌunik spasel te jichuke.

San Mateo 21:19

La yil pejt ikux te ay ta tiꞌbee, tijilaj bael teꞌa. Pero maꞌyuk sit a stabe. Puru yaꞌnimal nax ay. Te Jesuse la yalbe te ikuxe: —Ni jaymel ya awakꞌ asit —la yut. Y tsꞌin a takej te ikuxe.

San Mateo 21:21

Te Jesuse la sjakꞌtalanbe: —Jamal ya kalbeyex, teme ay xchꞌuunel awoꞌtanik te jich ya xkꞌot ta pasele sok teme makꞌ ya awal ta awoꞌtanik te ma jichuk ya xkꞌote, ya xkꞌot ta pasel awuꞌunik te tutꞌil la jpasbe te ikuxe. Sok jich ya xkꞌot ta pasel awuꞌunik euk teme ya awalbeyik te wits to: “Lokꞌan bael liye, chꞌoja aba ochel ta mar”, teme ya awute.

Hechos 13:1

Te hermanoetik te ayik ta jtejklum Antioquiae ay jꞌalwanejetik sok maestroetik yuꞌun te skꞌop Diose, jaꞌ te jBernabe, sok Simon te jNegro te jun xan sbiile, sok te jLucio te talem ta jtejklum Cirenee, sok jManaen te pajal a chꞌi sok te jHerodes te och ta gobierno ta Galileae, sok te Sauloe.

Romanos 11:25

Kermanotak, ya jkꞌan te ya anaꞌik te tutꞌil ay te kꞌop to te ma akꞌot ta naꞌel ta nail toe, jaꞌ te tut snopoj ta yoꞌtan te Diose, skuenta yuꞌun makꞌ me ya atoy abaik a te tutꞌil ay apꞌijil ta akꞌopike. Te israeletike ay tulanejem yoꞌtanik olil, jaꞌ to teme tsꞌakay ta spisil te jich yipal ya xchꞌuunik Dios te machꞌatik ma stsꞌumbaluk Israele.

Romanos 15:14

Jaꞌex kermanotak, jnaꞌoj ta lek te jaꞌexe beno slekil awoꞌtanik y spisil anaꞌojikix. Y anaꞌojikix te talel bael ya atsits abaike.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

1 Corintios 11:4

Teme ay jtul winik teme ya smuk sjol te kꞌalal ya skꞌopon Dios, o te kꞌalal ya yal skꞌop Diose, jaꞌ ya yakꞌ ta kꞌexlal a te jolol yuꞌune.

1 Corintios 12:28

Dios jicha skꞌan ta juju-tijkꞌ hermanoetik te jaꞌ nail ay te apostoletike; y ta xchebal, jꞌalwanejetik; y ta yoxebal, maestroetik. Teꞌ nax ay ekꞌa te machꞌatik ya xꞌaꞌbot spas milagroetik, y ay yan te ya slekutes jchameletik, o ya xkoltawanik, o ya stsobawanik, o ya xkꞌopojik ta yanetik kꞌop.

1 Corintios 13:1

Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

1 Corintios 13:3

Y manchuk teme ya jpukbey meꞌbaetik spisil te tut ay kuꞌune, sok teme jun koꞌtan ya kakꞌ entregal ta chikꞌel te jtiꞌbalule, pero teme maꞌyuk xkꞌuxul koꞌtane, ni ma xtuunon me abi.

1 Corintios 13:8

Te xkuxul-oꞌtanile maꞌyuk tut ora ya xlaj stukel. Pero ya me xlaj skꞌoplal stukel te tutꞌil ya xkꞌopojik jꞌalwanejetik, sok te ya xkꞌopojik ta yanetik kꞌop a, sok te ya xkꞌopojik te machꞌatik ya snaꞌik tut ay ta balmilale.

1 Corintios 14:29

Jich euk, teme jaꞌ ya awalik te skꞌop Diose, jaꞌ lek teme ay cheb-oxeb naxe. Y te yanetike a me yaꞌiyik ta lek te tut ya xꞌalote.

1 Corintios 14:39

Jich yuꞌun, kermanotak, junuk me awoꞌtanik te ya awalik te skꞌop Diose. Y ma me akomik te ya xkꞌopojik ta yan kꞌopiletike.

1 Corintios 14:4

Te machꞌa ya xkꞌopoj ta yan kꞌope, stukel nax mismo yipal ta chꞌiel ta stojol Dios. Pero te machꞌa ya yal te skꞌop Diose, jaꞌ ya xmukꞌubik xan ta stojol Dios yuꞌun a spisil te hermanoetike.

1 Corintios 15:51

Pero ya jkꞌan ya kalbeyex sluwaril te tut ma awaꞌiyejikuke: Ma jpisiltikuk ya xchamotik. Pero jpisiltik ya xyanejotik.

1 Corintios 16:22

Teme ay machꞌa ma kꞌuxuk ta yoꞌtan te Kajwaltik Jesucristoe, ay me ta skuenta chꞌayel abi. ¡Te Kajwaltike, ya me xtal!

1 Corintios 4:1

Te jaꞌexe ma me kuyotik ta mukꞌ yuꞌun jaꞌ ayotik ta tuuntesel yuꞌun te Cristoe. Jaꞌ ay ta jkuentatik yakꞌel ta naꞌel te tut mukul snopoj te Diose.

1 Corintios 7:19

Porke ma tulanuk skꞌoplal teme kichꞌojtik o ma kichꞌojtikuk sirkunsisione. Yan te tut ben tulan skꞌoplale jaꞌ te ya jchꞌuunbetik te mantaletik yuꞌun te Diose.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

Gálatas 5:16

Yuꞌun ya kalbeyex xan: Ja me xꞌaleik te tutꞌil ya skꞌan te Espiritue, y ma me jaꞌuk xꞌaleik te jun awoꞌtanik te tut ma tsaꞌamuk ya skꞌan atiꞌbalulike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Gálatas 6:3

Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Efesios 3:4

Teme la awilike, tey ya anaꞌik te tut mukul ta yoꞌtan te Cristoe te la jnaꞌixe,

Efesios 6:19

Y kꞌoponbonik me Diose euk, yuꞌun Dios me ya yaꞌbon te kꞌopetik ya skꞌan ya kale. Yuꞌun jich me ya xjuꞌ yuꞌun yalel sok yip koꞌtan te skꞌoplal kolel, y jich ya kakꞌ ta naꞌel te tut mukul ay ta nail toe.

Colosenses 1:26

jaꞌ te mukul nax ay te namey tal ta skajal skaj te genteetike. Pero te ora to la yakꞌix ta naꞌel ta stojol te machꞌatik yuꞌunixe.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

1 Juan 4:8

Te machꞌa ma xkꞌuxutaywane, ma snaꞌojbeyuk sba te Diose, porke te Diose ay xkꞌuxul yoꞌtan.