1 Corintios 13:12 - Nuevo Testamento Tzeltal de Amatenango

¹² Te ora to jich to nax ya kil tutꞌil ta jun espejo te ma to chikanuk lek ta ilele. Pero ya xtal jun kꞌaal te ya kiltik spisil te tut a te jamale. Te tut jnaꞌoj te ora to, olil to nax. Pero ya xtal jun kꞌaal te ya me kil spisil jich tutꞌil te Dios ya snaꞌbon jbae.

Bible in Tzeltal Bachajón

¹² Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

Bible in Tzeltal de Oxchuc y Tenejapa

¹² Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

1 Corintios 13:12 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 5:8

“Ben me tsaꞌam slekilik te machꞌatik maꞌyuk mulil ta yoꞌtanike, jich me ya xkꞌo yilbeyik sit te Diose.

Romanos 8:18

Te ora to ayotik ta wokolajel, pero ma tulanuk ta koꞌtantik te wokolajel teme jaꞌ ya jnaꞌtik te lekilal te ya kiltik ta patile.

1 Corintios 13:11

Te kꞌalal chꞌinon to aye, jich ya xkꞌopojon tutꞌil jtul untik, sok jich la jnop y jich jrason tutꞌil jtul untik. Pero te kꞌalal winikubone, la jilesix ta jpat te tut a te yuꞌun jtul untike.

1 Corintios 8:3

Pero teme ay machꞌa kꞌux ya yaꞌiy ta yoꞌtan te Diose, Dios ya xnaꞌbot sba yuꞌun.

2 Corintios 3:18

Jaꞌ yuꞌun, jpisiltik joꞌotik maꞌyukix pakꞌ te ya smakbotik jsit-kelawtike. Jachikotik xanix tutꞌil jun espejo te xlemet yuꞌun stsaꞌamul te Kajwaltike. Y yipalotik ta yanejel jich mismo tutꞌ steklejal te kichꞌojbetik mas te slekilale. Yuꞌun jich yaꞌtel te Kajwaltike, te Espíritu stukele.

2 Corintios 5:7

Te ora to ma to ya kiltik, pero jun koꞌtantik jchꞌuunejtik.

Filipenses 3:12

Ma jkꞌan ya kal te juꞌemix kuꞌun ta spisile, ni te lom tojix ayone. Pero sigue ayon bael ta smaliyel te ya xkꞌo jtae, jaꞌ sluwar te la staon ta primero te Cristo Jesuse.

Santiago 1:23

Te machꞌa jaꞌ nax ya yaꞌiy te skꞌop Diose y ma jichuk ya spase, jachik kꞌoem tutꞌil jtul winik te ya yil sba ta espejoe.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

Apocalipsis 22:4

Ta sit ya yilbeyik sit te Diose, y yichꞌojbeyik sbiil ta stiꞌsbaik.