1 Corintios 13:1 - Nuevo Testamento Tzeltal de Amatenango

¹ Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

Bible in Tzeltal Bachajón

¹ Teme ya xc'opojon ta sc'op winiquetic soc sc'op ch'ul a'batetic, pero teme mayuc sc'uxul co'tan, hich c'ohemon te bin ut'il campana te xcancon sc'op, o te bin ut'il platillo te stsintson sc'ope.

Bible in Tzeltal de Oxchuc y Tenejapa

¹ Manchuc teme bayal ta jchajp c'opiletic te ya xc'opojon ta sc'op ants-winiquetic o sc'op ch'ul abatetic, ja'uc me to, teme ma'yuc xc'uxul te co'tane, ja' jich c'oemon te bit'il xcananet nax campana soc te bit'il stsintson nax sc'op te platilloe.

1 Corintios 13:1 ပူးပေါင်းရင်းမြစ်များ

San Mateo 25:45

“Te ajwalile ya me yalbe: “Jamal ya kalbeyex te tutꞌil ma jichuk la apasbeyik jtuluk te machꞌatik chꞌin yakꞌoj sbaike, joꞌonix ma jichuk la apasbikon abi”, ya me yut.

San Marcos 16:17

Sok ya me xchiknaj señailetik ta skuentaik te machꞌatik ya xchꞌuunike. Joꞌon ta jkuenta ay me ya slokꞌesik pukujetik, sok ay me ya xkꞌopoj ta yan kꞌopetik,

Romanos 14:15

Pero teme ta skaj te aweꞌel te ya yakꞌ yajtal yoꞌtan te awermanoe, yuꞌun maꞌyuk slekil awoꞌtan te tutꞌ ayate. Ma me ta skajuk te aweꞌele te chꞌayel ya xbajt te yane, te jaꞌ a cham Cristo yuꞌune.

1 Corintios 12:10

Sok ay yan yichꞌojik spoder ta spasel milagroetik, y ay xan yan yuꞌun ya yalik skꞌop Dios. Y ay yan te ya xꞌaꞌbot snaꞌ yuꞌun Dios teme ta skuenta lekil Espíritu o ta skuenta pukuj te ya xkꞌopojike. Y ay xan yan te ya snaꞌ xkꞌopojik ta yanetik kꞌope, y ay yan xan te ya xꞌaꞌbot te ya snaꞌik skꞌasesel te yan kꞌopetik te tutꞌ ya xꞌalote.

1 Corintios 12:16

Y te jichuk ya yal te chikinile: “Ma joꞌukon sitilon, jich maꞌyukon ta skuenta tiꞌbalulil”, te xchiuke, ma yuꞌunuk tey ya yijkitay sbaix a te ba tiꞌbalulile.

1 Corintios 12:8

Ta skuenta te Espiritue, ay chaꞌoxtul te jaꞌ aꞌbil te ay spꞌijil ya xkꞌopoje. Y jaꞌ nax ta skuenta te Espíritu te ay yanetik te akꞌtalanbil te ya snaꞌik yalel te bayal tut yiloje.

1 Corintios 13:8

Te xkuxul-oꞌtanile maꞌyuk tut ora ya xlaj stukel. Pero ya me xlaj skꞌoplal stukel te tutꞌil ya xkꞌopojik jꞌalwanejetik, sok te ya xkꞌopojik ta yanetik kꞌop a, sok te ya xkꞌopojik te machꞌatik ya snaꞌik tut ay ta balmilale.

1 Corintios 14:2

Te machꞌa ya xkꞌopoj ta yan kꞌope, jaꞌ ya yalbe te Diose, ma jaꞌuk ya yalbe te gentee, yuꞌun maꞌyuk machꞌa ya yaꞌiy tut xyal. Te tut ya yale, jaꞌ ta skuenta te Espiritue. Pero maꞌyuk machꞌa ya snaꞌ tut xyal.

1 Corintios 14:4

Te machꞌa ya xkꞌopoj ta yan kꞌope, stukel nax mismo yipal ta chꞌiel ta stojol Dios. Pero te machꞌa ya yal te skꞌop Diose, jaꞌ ya xmukꞌubik xan ta stojol Dios yuꞌun a spisil te hermanoetike.

1 Corintios 14:5

Te joꞌone koꞌtanuk te apisilikuk te ya xkꞌopojex ta yanetik kꞌope. Pero jaꞌ mas ya skꞌan koꞌtan te yauk awalik te skꞌop Dios. Jaꞌ to jaꞌ mas lek stukel. Yan te ya xkꞌopojex ta yan kꞌopetike, ja ma tulanuk skꞌoplal teme ma xꞌanaꞌik skꞌasesele. Yuꞌun jich ma xmukꞌubik ta stojol Dios te juju-tijkꞌ hermanoetike.

1 Corintios 8:1

Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

2 Corintios 12:4

Teꞌ ta utsilal la yaꞌiy kꞌopetik te mukul nax te ma spas ya yal ni jtuluk winik.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.

Apocalipsis 14:2

Te nax a la kaꞌiy te ay tut ya xkꞌopoj ta chꞌulchan. Jachik tutꞌil skꞌop jun nojel jaꞌ te ya xchꞌay koel ta xchꞌenale, jachik tutꞌil ya xtꞌom jun tulan ay tut xpumumete. Jachik tutꞌil jun skꞌop te bayal arpistaetik te yipalik ta stijel te yarpaike.