1 Corintios 11:2 - Nuevo Testamento Tzeltal de Amatenango

² Kermanotak, ben jun koꞌtan awuꞌunik te ma xchꞌayon ta awoꞌtanike. Sok te tutꞌil ay ta awoꞌtanik te nojpesel a kaꞌbeyex jilele.

Bible in Tzeltal Bachajón

² Quermanotac, lec ac'oblalic cu'un te bin ut'il yac ana'onic soc awac'oj ta awo'tanic te p'ijubtesel la jcalbeyex hilele.

Bible in Tzeltal de Oxchuc y Tenejapa

² Quermanotac, bin nax co'tan te bit'il ya xjulon ta awo'tanique soc te bit'il ay to ta awo'tanic te p'ijubtesel la cac'beyex jilele.

1 Corintios 11:2 ပူးပေါင်းရင်းမြစ်များ

San Lucas 1:6

Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

1 Corintios 11:17

Te tut sigue, ya kalbeyex te ora to, ma lekuk ya kaꞌiy te tut ya apasike. Yuꞌun ya kaꞌiy te tut ora ya atsob abaike, jaꞌ nax awixlanelik en bes ke lek te tut ya apasike.

1 Corintios 11:22

¿Meꞌn maꞌyuk anaꞌik te jaꞌexe te ba ya xweꞌex-xꞌuchꞌaexe? ¿Tuꞌun te ya apꞌajik te machꞌatik xchꞌuunejikix Diose? ¿Y tuꞌun te ya awakꞌik ta kꞌexlal te machꞌatik maꞌyuk tut ay yuunike? ¿Tut a te ya kalbeyexe? ¿Me ya kal te ben tsaꞌam te tut ya apasike? Maꞌuk.

1 Corintios 15:2

Sok jaꞌ me ya xkolex yuꞌun teme makꞌ ya achꞌay ta awoꞌtanik te skꞌoplal te la kalbeyexe, sok teme ma jowiluk nax te la achꞌuunike.

1 Corintios 4:17

Jaꞌ sluwaril te la jtikonbeyex tal te jTimoteoe. Jich kꞌoem ta koꞌtan tutꞌi jnichꞌan te jun yoꞌtan ta skuenta te Kajwaltike. Jaꞌ me ya yaꞌbeyex xan anaꞌik te tutꞌil ya xꞌaꞌtejon sok te tutꞌ jchꞌuunej te Cristoe Jesuse. Yuꞌun yiloj spisil te tutꞌil la jnojpeslan te juju-tijkꞌ hermanotetik te ba kꞌaxone.

1 Corintios 7:17

Pero chikan tutꞌil ayotik ta juju-tul te tut majtanil yakꞌojbotik te Kajwaltike. Y jich ya skꞌan xꞌanotik te tutꞌil ayotik kꞌalal la yikꞌotik te Diose. Jaꞌ to jaꞌ mantal te jich a kalbey ta spisil te juju-tijkꞌ hermanoetike.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

1 Tesalonicenses 3:6

Pero te ora to te jTimoteoe sujtix tal kꞌalal Tesalónica, y yichꞌojbotik tal lek akꞌoplalik yuꞌun te xchꞌuunel awoꞌtanike y sok te slekil awoꞌtanike. La yalbotik te sil tiempo ya anaꞌotik sok slekil awoꞌtanik, y sok te awoꞌtanikuk ya akꞌan ya awilotik, jich tutꞌil te joꞌotik te ya jkꞌan kiltikexe.

2 Tesalonicenses 2:15

Jich yuꞌun, kermanotak, junuk me awoꞌtanik sil tiempo. Y ma me achꞌay ta awoꞌtanik te nojpesel te la kaꞌbetikex ta jteklejaltike o ta kartae.

2 Tesalonicenses 3:6

Kermanotak, ya kalbeytikex ta skuenta te Kajwaltik Jesucristoe: Ma me ajoyinik te machꞌauk hermanoil te ma skꞌan xꞌaꞌteje y te ma jichuk ya spas te tutꞌil la jnojpestikexe.