1 Corintios 11:16 - Nuevo Testamento Tzeltal de Amatenango

¹⁶ Pero teme ay machꞌa ma tsaꞌamuk ya yaꞌiy te tuti kale, a me snaꞌbe sluwaril te maꞌyuk yan tut ya jpastike te joꞌotik sok te yanetik te xchꞌuunejikix Diose.

Bible in Tzeltal Bachajón

¹⁶ Teme ay mach'a ya sc'an ya shach c'op, ac'a sna' te mayuc yan costumbre cu'untic o yu'un te iglesiahetic yu'un Dios.

Bible in Tzeltal de Oxchuc y Tenejapa

¹⁶ Ja'uc me to, teme ay mach'a ya x'ayan yo'tan yu'un te bila la cale, ac'a me sna' stojol te ma jichuc costumbre cu'untic soc ta bay te juju-jtsojp jch'uunjeletique.

1 Corintios 11:16 ပူးပေါင်းရင်းမြစ်များ

Hechos 21:21

Sok yaꞌiyojbeyik sluwar spisil te juriyoetik te aylan ta yanetik luware te ya anojpes te ma puersauk ya xchꞌuunik te tut yaloj te jMoisese, y ya awaltalanbe te makꞌ yaꞌbeyik sirkunsision te yuntikilike, sok te ma puersauk ya xchꞌuunik te kostumbre kuꞌuntike.

Hechos 21:24

Ikꞌa, joyina bael, baan lekutesa akꞌoplal sok y jaꞌat me xꞌalokꞌesbe stojol te ya awakꞌ ta joxel ajolike, yuꞌun jich me ya xjoxtalanbot ekꞌa. Jich me ya yilik ta spisilik te ay ta chꞌuunel awuꞌun te mantaliletike, sok te ma jichuk te tut ya yalik ta atojole.

1 Corintios 11:15

Yan te antstike teme ya stsꞌijtes stsotsil sjolike, jaꞌ lek stukel. Porke stukelike jich akꞌtalanbil te najtꞌ stsotsil sjolik te jich ya smuk sjolik ae.

1 Corintios 16:1

Te tutꞌil ya yichꞌ tsobel majtanil yuꞌun hermanoetik te xchꞌuunejik Diose, jich me xꞌapasik te tutꞌil la kaltalanbe te hermanoetik te ayik ta estado yuꞌun Galacia.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

1 Corintios 7:17

Pero chikan tutꞌil ayotik ta juju-tul te tut majtanil yakꞌojbotik te Kajwaltike. Y jich ya skꞌan xꞌanotik te tutꞌil ayotik kꞌalal la yikꞌotik te Diose. Jaꞌ to jaꞌ mantal te jich a kalbey ta spisil te juju-tijkꞌ hermanoetike.

1 Corintios 9:1

¿Me yuꞌun ma apostolukon? ¿Me yuꞌun ma libreuk ayon? ¿Me yuꞌun ma kilojuk te Kajwaltik Jesuse? Y te jaꞌexe, ¿meꞌn ma kaꞌtelukex ta skuenta te Kajwaltike?

1 Corintios 9:6

¿Me yuꞌun akuyojik te joꞌon nax sok te jBernabe te ma xjuꞌ te ya kichꞌtik makꞌlinel te ba ay ya xkꞌaxotik ta aꞌtele?

1 Tesalonicenses 2:14

Kermanotak, kꞌalal kꞌax awokolik yuꞌun tenel ta skꞌab te alumalike, jich mismo a kꞌot ta pasel ta stojol te hermanoetik yuꞌun Dios te aylan ta Judea te jaꞌ yuꞌunix te Cristo Jesuse. Yuꞌun jich a yichꞌik tenel euk yuꞌun te slumal juriyoetike.