1 Corintios 10:8 - Nuevo Testamento Tzeltal de Amatenango

⁸ Ma me wakꞌ jpastik antsiwejel, jich tutꞌil te la spasike, te jich chamik beintitres mil ta jtul ta jun nax kꞌaal.

Bible in Tzeltal Bachajón

⁸ Soc ma me xca'iytic antsiwej, hich te bin ut'il ay la spasic stuquelic, te ta junax c'ahc'al lajic cha'pic soc swaxaclajunbahc' (23,000) yu'un.

Bible in Tzeltal de Oxchuc y Tenejapa

⁸ Soc ma me xyalotic ta mulil, jich te bit'il ay yalic ta mulile, jich lajic oxeb xcha'winic ta jmil (23,000) ta jun nax c'aal.

1 Corintios 10:8 ပူးပေါင်းရင်းမြစ်များ

San Mateo 5:32

Jaꞌ tsꞌin to, joꞌon ya kalbeyex: Teme ay machꞌa ya xchꞌoj sba sok te yiname, teme ma ta skꞌajuk skreme, ya me yaꞌbe sle skrem kꞌoem abi. Teme ay machꞌa ya xnujpun sok te ants te chꞌojbil yuꞌun te smamlale, antsiwejel me kꞌoem abi.

1 Corintios 6:18

Jaꞌ yuꞌun, kꞌeja abaik me yuꞌun te antsiwejele. Tutikuk xan yan mulil te ya spas te jtul gentee makꞌ ya xkuch te stiꞌbalule. Pero te machꞌa ya spas te antsiwejele, ya xmulaw sok te stiꞌbalule.

1 Corintios 6:9

¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

Apocalipsis 2:14

“Pero ay tut amulinej kuꞌun. Te teꞌey awuꞌun jtul cheb te ma skꞌan sjilesik te tutiꞌ yakꞌ ta nopel te jBalaame, te la yaꞌbe snop te jBalac te tutꞌil a yakꞌ mulawuk te jꞌisraeletike, te la yaꞌbe sweꞌ te weꞌeliletik te milbil smajtanin lotil diosetike y sok te lijkik ta antsiwejele.