1 Corintios 10:16 - Nuevo Testamento Tzeltal de Amatenango

¹⁶ Te kꞌalal ya kuchꞌtik te tut ay ta chꞌul baso te ya kalbetik kola yal a te Diose, jich ya kakꞌtik ta ilel te tutꞌil jun nax kꞌoemotik sok Cristo ta skuenta te xchꞌichꞌele. Te kꞌalal ya jweꞌtik te waj te ya xatꞌ jbajtik aye, jich ya kakꞌtik ta ilel te tutꞌil jun nax kꞌoemotik sok Cristo ta skuenta te stiꞌbalule.

Bible in Tzeltal Bachajón

¹⁶ Te copa yu'un bendición te ya calbe wocol Dios yu'un, c'alal ya cuch'tic ¿ma bal ha'uc jun co'tan ya xc'ohotic soc a te sch'ich'el Cristo? Soc te pan ya jxet'tic, ¿ma bal ha'uc jun co'tan ya xc'ohotic soc a te sbaq'uetal Cristo?

Bible in Tzeltal de Oxchuc y Tenejapa

¹⁶ Te ch'ul vaso te ya calbeytic wocol Dios yu'une, ja' ya yac' ta na'el te bit'il jun nax c'oemotic ta swenta xch'ich'el te Cristoe. Soc te waj ya jxet'ique, ja' ya yac' ta na'el te bit'il jun nax c'oemotic ta swenta sbaq'uetal te Cristoe.

1 Corintios 10:16 ပူးပေါင်းရင်းမြစ်များ

San Lucas 22:17

Jicha stsak ta skꞌab te basoe y la yalbe kola yal Dios yuꞌun te yaꞌlel ubae. La yal: —Awil to, uchꞌaik, y puka abaik a.

Hechos 2:42

Spisilik aꞌ yoꞌtaninik snopel te tut ya snojpesot yuꞌun te apostoletike, y ben jun yoꞌtan a yaꞌi sbaik ta spisilik, y la stsob sbaik ta weꞌel sok ta skꞌoponel Dios.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

Hechos 20:11

Te nax a chaꞌsujt moel te jPabloe. La xetꞌ te waje la sweꞌ sok te hermanoetike. Y lijk xan ta kꞌop te jPabloe asta sakubel kꞌinal. Jicha bajt.

Hechos 20:7

Te primero kꞌaal yuꞌun te semanae la jtsob bajtik sok te hermanoetik ta sweꞌel waj ta skꞌuenta te Kajwaltike. Te jPabloe lijk spꞌijutes te hermanoetike. La snaꞌ te pajel xanix ya xlokꞌ baele, jaꞌ yuꞌun jalaj ta kꞌop asta la sta olil ajkꞌubal.

1 Corintios 1:9

Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

1 Corintios 10:15

Jich ya jkꞌoponlanex te tutꞌil mukꞌul gente te ya snaꞌikix kꞌinale. Y jaꞌex mismo ya xjuꞌ ya awichꞌik jkuenta te tutiꞌ kaltalanbeyexe.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.