1 Corintios 1:9 - Nuevo Testamento Tzeltal de Amatenango

⁹ Te tut yaloj te Diose puersa ya skꞌoes ta pasel. Y jaꞌ te machꞌa la yikꞌexe te jun nax ya xkuxuyinex sok te Xnichꞌane, jaꞌ te Jesucristo te Kajwaltike.

Bible in Tzeltal Bachajón

⁹ Stalel jun yo'tan stuquel te Diose, te ha la yiq'uex scuenta yu'un jun awo'tanic ya xc'ohex soc te Snich'an, ha te Cajwaltic Jesucristo.

Bible in Tzeltal de Oxchuc y Tenejapa

⁹ Puersa ya sc'otes ta pasel te bila yaloj te Diose, ja' te Mach'a la yiq'uex ta swenta te Snich'ane, ja' te Cajwaltic Jesucristoe.

1 Corintios 1:9 ပူးပေါင်းရင်းမြစ်များ

San Mateo 24:35

Te chꞌulchane sok te balmilale ya me xlaj stukel. Yan te jkꞌope ma xlaj skꞌoplal stukel.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

Romanos 11:17

Ay jich tutꞌil batsꞌi skꞌab-kꞌab olivo teꞌ chaꞌoxtul te juriyoetik, te bojtalanot lokꞌele. Te jachikat tutꞌil jun skꞌab olivo teꞌ te ma tsꞌunbiluke, teꞌ ba sluwar ta tsꞌumbal olivo teꞌ la awich tsꞌakel te jaꞌate. Jich jun xanix a kꞌoat sok te yisime y mismo yutsilal a kꞌoat sok te tsꞌunbil olivo teꞌe.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

Romanos 9:24

Jich te Diose la yikꞌotik, ma jaꞌuk nax te juriyoetike, jich euk te machꞌa ma juriyouke.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 10:13

Te jaꞌexe maꞌyuk kꞌaxem awuꞌunik te ilel-awoꞌtanik te ma ba yaꞌiyojik te yanetike. Y te jaꞌexe ya xjuꞌ te ay smukꞌul awoꞌtanik ta stojol Dios te ma xyakꞌ kꞌaxuk awokolik ta ilel awoꞌtanik te lom tulan te ma xkujch awuꞌunike. Pero ma jichuk, te kꞌalal ya xtal te ilel-awoꞌtanike, te Diose ya sle tutꞌ ya skoltayex lokꞌel a, yuꞌun jich ya xjuꞌ awuꞌunik a.

1 Corintios 10:16

Te kꞌalal ya kuchꞌtik te tut ay ta chꞌul baso te ya kalbetik kola yal a te Diose, jich ya kakꞌtik ta ilel te tutꞌil jun nax kꞌoemotik sok Cristo ta skuenta te xchꞌichꞌele. Te kꞌalal ya jweꞌtik te waj te ya xatꞌ jbajtik aye, jich ya kakꞌtik ta ilel te tutꞌil jun nax kꞌoemotik sok Cristo ta skuenta te stiꞌbalule.

2 Corintios 1:18

Pero Dios jaꞌ ya yaꞌiyotik te makꞌ ya kaltik ta akuentaik me “Jich” sok “Ma jichuk” te mismo tiempo ae.

Gálatas 1:15

Pero Dios a stꞌujon ta nail to te ma to xꞌayinon ae, y ta skuenta skꞌuxul yoꞌtan te la yikꞌone.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

Colosenses 1:24

Te ora to ben jun koꞌtan te ayon ta wokol ta akajike. Porke te tutꞌil jich aye jaꞌ ya jtsꞌakutes ta jtiꞌbalul te tutik xan ya skꞌan xkꞌax swokol te Cristoe, yuꞌun te machꞌatik xchꞌuunejikixe, te jich kꞌoemik tutꞌil te stiꞌbalule.

1 Tesalonicenses 2:12

La kalbetikex te jich me xꞌapasik te tutꞌil ya skꞌan ya spas te machꞌatik yuꞌun te Diose, te la yikꞌex skuenta yuꞌun ya xkꞌoex ta ba ay ta ajwalinel y sok te ba ay te slekilale.

2 Tesalonicenses 2:14

Jaꞌ yuꞌun to, Dios la yikꞌex ta skuenta te skꞌoplal kolel te joꞌotik a kaltike. Yuꞌun jich me ya xkꞌo awichꞌik te slekilal te Kajwaltik Jesucristoe.

2 Tesalonicenses 3:3

Pero te Kajwaltike jun yoꞌtan, y stukel ya yaꞌbeyex apuersaik y ya skoltayex te ba tut ma lekuke.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

2 Timoteo 2:13

Teme ma junuk koꞌtantike, sigue jun yoꞌtan stukel. Porke maꞌyuk ya xyanej yoꞌtan stukel.

Tito 1:2

te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 11:11

Sok ta skuenta xchꞌuunel yoꞌtan, aunke maꞌyuk yuntikil te Sarae, sok lom mamalix te jꞌAbrahame, aꞌbot to yichꞌ spuersa yuꞌun jun tatil ya xkꞌote. Porke la xchꞌuun ya yakꞌ kꞌouk ta pasel te Diose, sok te ma jowiluk te tut yaloje.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Hebreos 6:18

Jich ay xchaꞌkajal te tutik te ma xjuꞌ xyaneje, yuꞌun maꞌ xjuꞌ ya sle lot te Diose. Jich la kichꞌtikix yip koꞌtantik te joꞌotik te la jlejtik koltayel yuꞌun Diose, y smukꞌulinej koꞌtantik te ya jmalitik te tut ya yakꞌbotike.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 4:13

Jich ya jnaꞌtik a te ayotik ta stojol te Diose sok te ay ta jtojoltik stukele, yuꞌun jaꞌ yakꞌojbotik te Espíritu yuꞌune.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.