1 Corintios 1:6 - Nuevo Testamento Tzeltal de Amatenango

⁶ Komo kꞌoemix ta awoꞌtanik te tutꞌ la awaꞌibeyik skꞌoplal te Cristoe.

Bible in Tzeltal Bachajón

⁶ hich smuc'ul awich'ojic te bin ut'il ban c'alal yich'oj yip ta awo'tanic te testigo-c'op sc'oblal te Cristo,

Bible in Tzeltal de Oxchuc y Tenejapa

⁶ Jich la ataic lec yip awo'tanic yu'un la awaiyic stojol te sc'oplal Cristoe.

1 Corintios 1:6 ပူးပေါင်းရင်းမြစ်များ

San Marcos 16:20

Te jnopojeletike lokꞌik bael ta yalel te lek yachꞌil kꞌope ta bayuk nax. Jaꞌ koltalanot ta aꞌtel yuꞌun te Kajwaltike. Sok te tut la yalike ay bayal spuersa ta skuenta te señailetik te chiknaj ta skuentaike. Jichuk.

Hechos 11:17

Jaꞌ yuꞌun teme jich a akꞌtalanbotik yuꞌun Dios te Chꞌul Espiritue, jich tutꞌil te joꞌotik te jchꞌuunetikix te Kajwaltik Jesucristoe, ¿machꞌaon me a te joꞌone te ya jkom ta aꞌtel te Diose? —xchi te jPedroe.

Hechos 11:21

Te spoder te Kajwaltike joyinlanbil yuꞌun, y jich lom bayal a sjilesik te tut nameyix xchꞌuunejike y la xchꞌuunik te Kajwaltike.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Hechos 20:24

Pero makꞌ yakꞌ yajtal koꞌtan yuꞌun. Ma kocheluk te tutꞌ ay te jkuxlejale. Jaꞌ nax tulan skꞌoplal ta koꞌtan te ben jun koꞌtan ya jlokꞌes te jayeb kꞌaal ay ta jkuentae, jaꞌ to te ya xkꞌot koraile. Sok te ya juꞌutes kaꞌtel te yakꞌojbon te Kajwaltik Jesuse te jamal ya kal te tutꞌil ay te lekil achꞌ kꞌop yuꞌun te slekil yoꞌtan te Diose.

Hechos 22:18

Jaꞌ a kil te Kajwaltike, y la yalbon: “Sabajan lokꞌan bael ta ora liꞌ ba Jerusalene, porke ma xyaꞌbelat ta jkuenta te jkꞌoplal te yipalat ta yalele”, xyuton.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

2 Corintios 12:12

Ta skuenta spisil te señailetik sok te milagroetik sok seña spoder Dios te la jpasulan ta atojolike, teꞌ chikan a te batsꞌi jich te apostolone.

Gálatas 3:5

Te kꞌalal Dios la yaꞌbeyex te Espiritue y la yakꞌ ta ilel milagroetik te ba ayexe, ¿tuꞌun te jich la spase? Ma jaꞌuk yuꞌun te jaꞌex te la achꞌuunik te tut ya yal te mantaliletike. La spas yuꞌun te la achꞌuunik te skꞌop Dios la awaꞌiyike.

2 Tesalonicenses 1:10

Kꞌalal ya xtal te Kajwaltike, ya me xꞌakꞌot ta jkuenta yuꞌun spisil te machꞌatik yuꞌune, y toj jcham ya yaꞌiyik ta spisil te machꞌatik xchꞌuunejike. Jich tutꞌil te jaꞌex te la achꞌuunik te skꞌoplal la kalbeyexe.

1 Timoteo 2:6

Porke te Jesucristoe la yakꞌ sba entregal ta milel yuꞌun la stojbe stojol skolel ta spisil, jich tutꞌil te albil skꞌoplal te kꞌalal la sta skꞌaalele.

2 Timoteo 1:8

Ma me kꞌexawan yuꞌun ta yalel te skꞌoplal te Kajwaltike, ni ma me kꞌexawan kuꞌun te ayon ta prexo ta skaje. Tsꞌijkuk me awuꞌun te wokoletik te ya ata ta skuenta te lek achꞌ kꞌop yuꞌun kolele. Ya me skoltayat ta spoder te Diose.

Apocalipsis 1:2

Te Juane la yalix ta jamal ta spisil te tut la yile. Jaꞌ stukel testigo yuꞌun te skꞌop Dios y sok te tut ya yal te Jesucristoe.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 12:17

Jich mas a ilin te mukꞌul chan ta skontrainel te antse, y ba yaꞌbe sba sok ta skontrainel te jayeb xan stsꞌumbal jilem te antse. Jaꞌ te machꞌatik ya xchꞌuunbeyik te mantaliletik yuꞌun te Diose, y sigue ben jun yoꞌtanik sok te tut batsꞌi jich yaloj te Jesucristoe.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.

Apocalipsis 6:9

Te kꞌalal la xchꞌiꞌ te sjoꞌebal seyoe te Chꞌin Karnerae, la kil te ba yeꞌtal altare te machꞌatik yichꞌojik milel ta skaj te la yalik te skꞌop Diose.