1 Corintios 1:30 - Nuevo Testamento Tzeltal de Amatenango

³⁰ Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

Bible in Tzeltal Bachajón

³⁰ Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

Bible in Tzeltal de Oxchuc y Tenejapa

³⁰ Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

1 Corintios 1:30 ပူးပေါင်းရင်းမြစ်များ

San Mateo 1:21

Te xMariae ya me xꞌayin xchꞌin kerem. Jesus me sbiil ya xkꞌot awuꞌun. Jich ya xkꞌot te sbiile yuꞌun ya me skoltay te jtejklum yuꞌun te smulike —xchi te chꞌul ángele.

San Lucas 11:49

“Jaꞌ yuꞌun te Dios, te ay spꞌijil yoꞌtan stukele, la yal: “Ya jtikombeyex jꞌalwanejetik sok jpuk-kꞌopetik. Ay ya amilik sok ay ya awilbajinik”, xchi me.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 17:26

La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 1:17

Yuꞌun ta skuenta te lek achꞌ kꞌope ya jnaꞌtik te tutꞌil toj ya yilelotik te Diose ta skuenta nax te xchꞌuunel koꞌtantike. Jich ya yal te tutꞌil tsꞌibabil jilele: “Jaꞌ me ya xkuxuyin te machꞌa ya xꞌilot yuꞌun Dios te tutꞌil toj aye ta skuenta te xchꞌuunel yoꞌtane”, xchi me.

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

Romanos 12:5

Jich euk te joꞌotike. Aunke ben bayalotik, jun nax ayotik ta skuenta te Cristoe, y jich jun nax ayotik ta jpisiltik ta juju-tul, jich mismo tutꞌil te jtiꞌbalultike.

Romanos 16:11

Albikon xkoltanuk euk ta Herodion te jun jlumal soke, y sok te machꞌatik ay yuꞌun te Narcisoe te la xchꞌuunik te Kajwaltike.

Romanos 16:7

Albikon xkoltanuk euk te Andronicoe y sok te Junias te jun jlumal soke, te jaꞌ a joyinlan ta prexoe. Ben aktalanbil ta jkuenta, jich tutꞌil te apostoletike. Jaꞌ nail xchꞌuunejik Cristo, patil a jchꞌuun te joꞌone.

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.

Romanos 4:6

Mismo jDavid te la yal te jaꞌ ben tsaꞌam te machꞌa ya xꞌilot yuꞌun Dios jich tutꞌil te toj aye, ni jaꞌuk ya xꞌichꞌbot jkuenta te tut spasoje.

Romanos 5:19

Jaꞌ xyal te ta xkꞌaxemul nax jtul winik, jmulawiletik a kꞌot spisil genteetik. Pero jich mismo, yuꞌun te la xchꞌuun mantal jtul xan winik, bayal genteetik a kolik ta libre yuꞌun te smulike.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.

Romanos 8:23

Y ma jaꞌuk nax ay swokol te tut spasoj te Diose; jich euk te joꞌotike ayotik ta wokol, aunke kikꞌojtikix te Espiritue te ja seña te jayeb to ya yaꞌbotik te Diose. Lom ayotik ta wokol ta smaliyel te tut ora yal-xnichꞌanotik Dios ya xkꞌootike. Jich me ya xkolotik sok a te jtiꞌbalultike.

Romanos 8:9

Pero te jaꞌexe ma me jichuk ya xkuxuyinex ta skuenta te tutꞌil ma tsaꞌamuk ya skꞌan te atiꞌbalulike. Jaꞌ ya xkuxuyinexix ta skuenta te Espiritue, teme batsꞌi jich te ay ta atojolik te Espíritu yuꞌun te Diose. Te machꞌa ma yikꞌojuk te Espíritu yuꞌun te Cristoe, ma jaꞌuk yuꞌun te Cristoe abi.

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

1 Corintios 1:24

Pero te machꞌatik ikꞌbilik yuꞌun te Diose, me juriyoetik o griegoetik, jaꞌ kꞌoem ta yoꞌtanik te jaꞌ spoder Dios sok jaꞌ spꞌijil Dios te Cristoe.

1 Corintios 12:18

Pero te Diose jich a yakꞌ ta skajal-skaj te tutꞌ ay te tiꞌbalulile te jich a skꞌan yoꞌtan stukele.

1 Corintios 12:27

Te jaꞌexe stiꞌbalul Cristo kꞌoemex, y ta juju-tulex ja yok-skꞌab kꞌoemex.

1 Corintios 12:8

Ta skuenta te Espiritue, ay chaꞌoxtul te jaꞌ aꞌbil te ay spꞌijil ya xkꞌopoje. Y jaꞌ nax ta skuenta te Espíritu te ay yanetik te akꞌtalanbil te ya snaꞌik yalel te bayal tut yiloje.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

2 Corintios 12:2

Ya jnaꞌbe sba jtul winik te ay ta skuenta Cristoe te ayix katorse jaꞌbil te ikꞌot moel ta yoxkajal te chꞌulchane. Ma jnaꞌ me ikꞌot bael sok stiꞌbalul o xchꞌulel nax. Jaꞌ nax snaꞌoj te Diose.

2 Corintios 4:6

Porke stukel mismo te Diose te la yakꞌ tal sakubuk kꞌinal te ba ay te ijkꞌal kꞌinale, jaꞌ nax te la yakꞌ sakubuk kꞌinal ta koꞌtantike yuꞌun ta skuenta jich ya xjuꞌ ya jnaꞌbetik sba a te stsaꞌamul Dios te ya xchiknaj ta sit-yelaw te Jesucristoe.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 3:13

Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Efesios 1:10

Te tut xchapoje ya me xkꞌot ta pasel te ya sta stiempoil yuꞌune. Dios ya me yakꞌ ta skuenta Cristo spisil te tutik ay ta chꞌulchan sok ta balmilal.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 2:10

Yuꞌun jaꞌ te Dios te machꞌa la spasotike. Stukel a xchiknatesotik ta skuenta te Cristo Jesuse, yuꞌun ya jpastik te lekil aꞌtele, jich tutꞌil xchapoj te nail toe yuꞌun jich me ya kaꞌtelintik spasel.

Efesios 4:30

Ma me awakꞌik ta ajtal-oꞌtan te Chꞌul Espíritu yuꞌun te Diose. Yuꞌun ja amarkaik aꞌbilex te ya xchiknates te batsꞌi yuꞌunex te Diose, jaꞌ to te tut kꞌaalil te ya yaꞌbeyex te akolelike.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Filipenses 3:9

sok te jun nax ya xkꞌoon soke. Ma jaꞌuk ya jle tutꞌil ya xlekubon ta skuenta xchꞌuunel te mantaliletike, sino ke jaꞌ nax ta skuenta xchꞌuunel te Cristoe. Dios a yakꞌonix ta libre yuꞌun jmul ta skuenta te xchꞌuunel koꞌtane.

Colosenses 1:14

te jaꞌ a skoltayotik y la yaꞌbotik perdon yuꞌun te jmultike.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

1 Tesalonicenses 5:23

Jaꞌ mismo te Dios yuꞌun te bujtsꞌan kꞌinale, jaꞌ me ya stojutesex te lek ya xꞌoex yuꞌune, y ya me skanantayex ta steklejal sok achꞌulelik sok awoꞌtanik sok atiꞌbalulik, skuenta ma me ayuk amulik a kꞌalal ya xtal te Kajwaltik Jesucristoe.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 9:12

Te Cristo ochemix bael te ba ay te Batsꞌi Chꞌul Luware. Y ma jaꞌukix ya yakꞌ te xchꞌichꞌel chiboetike y sok te beseroetike, sino ke stukel te xchꞌichꞌele. Jun nax buelta a och bael ta sbajtel kꞌinal, jich a jtatikix ta skuenta te jkoleltik sbajtel kꞌinal.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

Apocalipsis 14:4

Jaꞌ to jaꞌlan te machꞌatik te maꞌ yixlan sbaik sok antstike yuꞌun maꞌyuk tutꞌi spasik sok. Jaꞌ te machꞌatik stsꞌakliyejik te Chꞌin Karnera te bayuk ya xbajte. Laj kolik lokꞌel ta yolil te genteetik jachik tutꞌil primero smajtan Dios y sok yuꞌun te Chꞌin Karnerae.

Apocalipsis 5:9

Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.