1 Corintios 1:23 - Nuevo Testamento Tzeltal de Amatenango

²³ Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

Bible in Tzeltal Bachajón

²³ yan te ho'otic ya calbetic sc'oblal te cham ta cruz te Cristo: te ha c'ohchinojibal c'ohem yu'un te judíohetic, soc ha howil c'op cuybil yu'un te griegohetique;

Bible in Tzeltal de Oxchuc y Tenejapa

²³ Yan te jo'otique, ja' ya jcholtic ta bayuc te bit'il ac'ot ta milel ta cruz te Cristoe. Te judioetique, ja' nax ya xc'ojch'in sbaic yu'un a. In te jyanlumetique, jowil c'op nax ya xc'ot ta yo'tanic stuquel.

1 Corintios 1:23 ပူးပေါင်းရင်းမြစ်များ

San Mateo 11:6

Ben tsaꞌam slekil te machꞌa makꞌ xcheꞌbaj yoꞌtan kuꞌune —xyut bael te Jesuse.

San Mateo 13:57

Jich a ilin yoꞌtanik ta stojol. Pero te Jesuse jich a lijk yaltalanbe: —Spisil genteetik ya yakꞌik ta jkuenta te jꞌalwanej yuꞌun te Diose. Jaꞌ nax ma xꞌakꞌot ta jkuenta yuꞌun te slumale sok te machꞌatik ay yuꞌun ta snae —xchi te Jesuse.

San Lucas 2:34

Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 1:28

Te Diose jaꞌ a stꞌuj te gente te lom pꞌajbile sok te machꞌatik maꞌyukik tut aye te ma aꞌbiluk ta jkuenta liꞌ ba balmilale, yuꞌun jich me ya slajinmbe skꞌoplal te machꞌatik aꞌbil ta jkuentae.

1 Corintios 2:14

Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

1 Corintios 2:2

Te kꞌalal la joyinexe, la jnop ta koꞌtan te jaꞌ nax ya kalbeyex skꞌoplal te Jesucristoe, sok te tutꞌil a cham ta kruse.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

Gálatas 3:1

Jaꞌex Galataetik, te ma pꞌijukexixe, ¿Machꞌa a yaꞌbeyex chamel? Te tut la kalbetikexe, la kakꞌtik ta ilel ta asitik te Jesucristo te jojkꞌanot ta kruse.

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

Efesios 3:8

Te joꞌone chꞌin ayon ke te machꞌa mas chꞌin ta spisil te machꞌatik yuꞌun te Diose. Pero stukel a yaꞌbon te ya xjuꞌ kuꞌun yalel te ba ay te machꞌatik ma juriyouke te lek achꞌ kꞌop te ma pꞌisbiluk nax skꞌulejal te Cristoe.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

1 Pedro 2:8

Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.