1 Corintios 1:20 - Nuevo Testamento Tzeltal de Amatenango

²⁰ ¿Baꞌay te machꞌa pꞌije? ¿Y baꞌay te maestro yuꞌun te mandariletike? ¿Y baꞌay te machꞌa ya snaꞌ yalel tutꞌil ay bael te balmilale? Dios a sujtesbeyix ta jowil nax te spꞌijil te tut ya snaꞌ liꞌ ba balmilal to.

Bible in Tzeltal Bachajón

²⁰ ¿Banti ay te mach'a p'ij? ¿Banti ay te escribano? ¿Banti ay te mach'a ya xtsalawan ta c'op ta bahlumilal? ¿Ma bal ha'uc te Dios la yac' ta howil c'op te sp'ijil mach'atic ayic ta bahlumilal?

Bible in Tzeltal de Oxchuc y Tenejapa

²⁰ ¿Banti ay te mach'a ay sp'ijile? ¿Soc banti ay te jts'ibojome? ¿Soc banti ay te mach'a ya sna' yalel te bitic ay li' ta balumilale? ¿Ma bal jowil c'opuc nax c'oem yu'un Dios spisil te p'ijil c'op te ay ta balumilale?

1 Corintios 1:20 ပူးပေါင်းရင်းမြစ်များ

San Mateo 13:22

Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

Hechos 17:18

Ay maestroetik yuꞌun te epikureoetike sok te estoikoetike lijk sjojokꞌobe sba sok te jPabloe. Ay la yalik: —¿Tut a te ya yal chawchꞌunetel to? —xchiik. Te yane la yalik: —Yuꞌun wan yipal ta yalbeyel skꞌoplal achꞌ diosetik —xchiik. Jich a yalik, yuꞌun te jPabloe yipal ta yaltalanbeyel te lekil achꞌ kꞌop yuꞌun te Jesuse sok te chaꞌkuxele.

Romanos 1:20

Te tut ma chikanuk ta ilel yuꞌun te Diose ya to me xkꞌo chiknajuk. Ay ta naꞌbeyel sluwar ta skuenta te tut spasoj te Diose. Ta slijkibal to tal te balmilale klaro chikan ta ilel te jaꞌ stukel Dios te maꞌyuk slajibal te spodere. Jaꞌ yuꞌun te machꞌatik ma tsaꞌamuk yaꞌtelike ma xwejt tut ya yalikix a.

Romanos 1:22

Ya yalik te yuꞌun lom pꞌijike. Pero ma pꞌijikuk.

1 Corintios 1:19

Jich tutꞌil ya yal te Sjun Diose: “Ya me jimbey spꞌijil te machꞌatik pꞌijike, sok ya me jpꞌajbey te tut ya snaꞌik te machꞌatik bayal tut ya snaꞌike”, xchi me.

1 Corintios 1:26

Kermanotak, ya skꞌan ya anaꞌik te tutꞌil yikꞌojex te Diose. Ma bayalukex te ay apꞌijilik ta sitik te gentee, y ma bayalukex te ay awaꞌtelik sok te aꞌbilex ta jkuenta yuꞌun te gentee.

1 Corintios 1:27

Yuꞌun jaꞌ tsabilik yuꞌun Dios te machꞌatik maꞌyuk spꞌijilike, yuꞌun jich me ya xꞌakꞌot ta kꞌexlal te machꞌatik ay spꞌijil skuyoj sbaik aye. Y jaꞌ atsaot te machꞌatik lom pekꞌik liꞌ ba balmilale, yuꞌun jich me ya xꞌakꞌot ta kꞌexlal te machꞌatik tulan skuyoj sbaik aye.

1 Corintios 1:28

Te Diose jaꞌ a stꞌuj te gente te lom pꞌajbile sok te machꞌatik maꞌyukik tut aye te ma aꞌbiluk ta jkuenta liꞌ ba balmilale, yuꞌun jich me ya slajinmbe skꞌoplal te machꞌatik aꞌbil ta jkuentae.

1 Corintios 11:32

Aunke te Kajwaltike ay ya yaꞌbotik kastigo yuꞌun ya xpꞌijubotik a y yuꞌun ma chaꞌyeluk ya xbootik sok a te machꞌatik ayik ta skuenta te balmilale.

1 Corintios 2:6

Pero, te ba ay te machꞌatik xchꞌuunejix lek te Diose, jich ya xtuun kuꞌuntik te pꞌijil kꞌope. Pero ma jaꞌuk ya kaltik te pꞌijil kꞌop skuenta te balmilal to, ni ma jaꞌuk te machꞌatik sjapuyejike te nopol ya xlaj chꞌayik baele.

1 Corintios 2:8

Jaꞌ to jaꞌ te ma snaꞌbeyik sluwar te machꞌatik sjapuyejik te balmilal to. Yuꞌun te kꞌoemuk ta yoꞌtanike maꞌ smilik ta krus te ajwalil yuꞌun te lekilale te jichuke.

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

1 Corintios 3:19

Yuꞌun te pꞌijilil skuenta balmilale, puru jowil nax kꞌoem yuꞌun te Diose. Jich tutꞌil tsꞌibabil jilel te jich ya yale: “Te machꞌatik pꞌijike, jaꞌ me strampa ya xkꞌot te spꞌijilike —xchi me.

1 Corintios 6:2

¿Me yuꞌun maꞌ anaꞌojikuk te jaꞌex yuꞌunex te Diose te ya to xchapawanex ta patil ta balmilale? Te jaꞌexe ya me smeltsaanwanex ta balmilal ta patil, ¿me yuꞌun ma xjuꞌ awuꞌunik xchapel te tut ma tulanuk skꞌoplal ta ora to?

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.