1 Corintios 1:2 - Nuevo Testamento Tzeltal de Amatenango

² ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

Bible in Tzeltal Bachajón

² ya jpatbecotic yo'tanic te iglesia yu'un Dios te ay ta Corinto, te mach'atic ch'uhltesbilic ta scuenta Cristo Jesús, te ic'bilic yu'un pajal ya yich'ic ch'ultesel soc spisil yantic ta bayuc te ya yalbeyic wocol ta scuenta sbihil te Cajwaltic Jesucristo, te Ajwalil yu'unic soc cu'untic.

Bible in Tzeltal de Oxchuc y Tenejapa

² ya jpatbeyex awo'tanic ja'ex te jch'uunjelex ta lum Corinto, te ch'ultesbilex ta swenta te Cristo Jesuse. Dios la yiq'uex, swenta yu'un ya xch'ultesex soc spisil te mach'atic ayic ta bayuc te ya yalbeyic wocol te Cajwaltic Jesucristoe, te pajal cajwalinejtic soque.

1 Corintios 1:2 ပူးပေါင်းရင်းမြစ်များ

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 15:9

Te Diose ma yanuk a yilotik sok te machꞌatik ma juriyouke, yuꞌun jich ya spasbe perdon yuꞌun smulik euk ta skuenta nax te la xchꞌuun ta yoꞌtanike.

Hechos 18:1

Ta patil te jPabloe lokꞌ bael ta jtejklum Atenas y bajt ta jtejklum Corinto.

Hechos 22:16

Y te ora to, ¿tut xan a te ya amaliye? Jajchan, kꞌana ichꞌjaꞌ. Kopojan ta skuenta te Kajwaltike, yuꞌun jich me ya spokbeyat lokꞌel a te amule”, xyuton te jꞌAnaniase.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Hechos 9:13

Kꞌalal la yaꞌi te jicha albote, te jꞌAnaniase la yal: —Kajwal, bayal machꞌa yalojbon tutꞌil ay te winik abi, y spisil te tut ma tsaꞌamuk spasojbe te machꞌatik xchꞌuunejat te ba Jerusalene.

Hechos 9:14

Y te ora to jaꞌ talemix liꞌye yuꞌun tulan albil tal yuꞌun te stataletik yuꞌun saserdoteetike te ya yikꞌ bael ta prexo spisil te machꞌatik ya staik ta alel te stsaꞌamul te abiile —xchi.

Hechos 9:21

Spisil te machꞌatik la yaꞌiyike lom cham a yaꞌiyik y la yalik: —¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.

Romanos 1:7

Ya kalbeyex ta apisilik te ayex ta jtejklum Romae te kꞌux ya yaꞌiyex ta yoꞌtan te Diose, ichꞌbeyaik slekil yoꞌtan te jTatik Dios y sok te Kajwaltik Jesucristoe, y sok te bujtsꞌan kꞌinal ya yaꞌbeyexe.

Romanos 10:12

Ma yanuk kꞌoem te juriyoetike y sok te machꞌatik ma juriyouke; yuꞌun te Kajwaltike jaꞌ mismo ajwalil ta spisil. Y ma me pꞌisbiluk ya yaꞌbe bendision ta spisil te machꞌatik te ya xlokꞌ ta stiꞌ te sbiile.

Romanos 3:22

Dios ya yakꞌotik ta libre yuꞌun jmultik teme la jchꞌuuntik te Jesucristoe. Y jich pajal skꞌoplal ta spisilik te machꞌatik ya xchꞌuune,

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 10:32

Ma me awakꞌik ta ilel te tut ma tsaꞌamuk ta stojol te yane, ni jaꞌuk te juriyoetike, ni te machꞌatik ma juriyouke, ni te machꞌatik ayikix ta stojol te Diose.

1 Corintios 12:27

Te jaꞌexe stiꞌbalul Cristo kꞌoemex, y ta juju-tulex ja yok-skꞌab kꞌoemex.

1 Corintios 8:6

Yan te joꞌotike, jtul nax te Diose kuꞌuntike, jaꞌ te jTatike. Jaꞌ te spasoj spisil te tutik aye y jaꞌ stukel te ya yakꞌ xkuxuyinotike. Y ay jtul nax te Kajwaltike, jaꞌ te Jesucristoe. Stukel ta skuenta spisil te tutik kuxajtike, jich euk te joꞌotike jaꞌ kuxulotik ta skuenta.

2 Corintios 1:1

Joꞌon jPabloon. Skꞌanojel yoꞌtan Dios te apostolon yuꞌun te Jesucristoe, sok te hermano jTimoteoe. Ya jtsꞌibay te karta to ta akuentaik te jayebex te achꞌuunejik Dios te ayex ta jtejklum Corintoe y sok te jtejklum yuꞌun Dios ta spisil te estado yuꞌun Acayae.

2 Corintios 4:5

Ma joꞌukotik mismo ya kaltik jkꞌoplaltik. Jaꞌ ya kaltik skꞌoplal te Jesucristo, te jaꞌ Kajwaltik stukele. Te joꞌotike jaꞌ nax jꞌaꞌtelotik awuꞌunik ta slekil nax yoꞌtan te Jesuse.

Gálatas 1:2

Joꞌon sok spisil te hermanoetik te joyinej jbaj soke, ya jtsꞌibay te karta to, te jaꞌ yuꞌun te jayebex te achꞌuunejik Dios te ayex ta estado Galaciae.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

1 Tesalonicenses 1:1

Joꞌon jPabloon, joy jba sok te Silvano y sok jTimoteo la jtsꞌibayex te karta to, jaꞌex te hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe. Te Jtatik Dios aꞌ yaꞌbeyex te slekil yoꞌtane y sok te bujtsꞌan kꞌinal ta akuentaike.

1 Tesalonicenses 4:7

Yuꞌun ma jaꞌuk a yikꞌotik Dios yuꞌun ya jpastik te tut ma tsaꞌamuke. Jaꞌ ya skꞌan te ben tsaꞌam ya xꞌanotik ta skuentae.

2 Tesalonicenses 1:1

Joꞌon jPabloon sok te Silvano y sok jTimoteo, la jtsꞌibayex te karta to, jaꞌex hermanoetik te ayex ta mukꞌul jtejklum Tesalónicae, te jun nax ayex ta skuenta te Jtatik Diose y sok te Kajwaltik Jesucristoe.

1 Timoteo 2:8

Jich yuꞌun, ya jkꞌan te ya skꞌoponik Dios ta spisil te winketik ta bayuk naxe, y te ya stoy skꞌabik ta stojol Dios te maꞌyuk tut ay ta yoꞌtanik y ma me ayuk iliꞌba ni pleto yuꞌunik.

1 Timoteo 3:15

yuꞌun teme maꞌ talon ta orae, jich me ya anaꞌ tutꞌ ya skꞌan xꞌaꞌtejat ta stojol te yuntikil te Diose, ja te hermanoetik yuꞌun te kuxul Diose, te jaꞌ ipajem a sok jaꞌ ya skoltay a te tut batsꞌi jiche.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

2 Timoteo 2:19

Pero jun nax te kiptajibtik te yakꞌoj Dios te makꞌ xnijk stukele. Jaꞌ tsꞌibabil teꞌa: “Te Kajwaltike yiloj te machꞌatik ay ta skuentae”, xchi me. Sok “A me sjilesik mulil spisil te machꞌatik yajwalinejik te Cristoe”, xchi me.

2 Timoteo 2:22

Xiꞌan me yuꞌun te tutik ma lekuk ya skꞌupin spasik te kermetike. Toj me ya skꞌan xkuxuyinat, sok xchꞌuunel awoꞌtan, sok skꞌuxul awoꞌtan, y bujtsꞌanuk me kꞌinal ya awaꞌi. Joyina spisilik te machꞌatik sakubenix yoꞌtanik te ya yalbeyik wokol ta stojol te Kajwaltike.

Hebreos 10:10

Dios la slekutesotikix porke te Jesucristoe la spasbe te skꞌanojel yoꞌtan te Diose te la yakꞌ ta majtanil te stiꞌbalule te la yichꞌ milel jun nax buelta yuꞌun sbajtel kꞌinal.

Hebreos 13:12

Jich euk te Jesuse kꞌax swokol ta milel ta ba stiꞌil jtejklume, yuꞌun ya xchꞌulutes a te machꞌatik yuꞌune ta skuenta te xchꞌichꞌele.

Hebreos 2:11

Porke te machꞌa ya xlekutesote, junik nax Statik ta spisilik. Jaꞌ sluwar te jich aye, te Xnichꞌan Diose ma xkꞌexaw yuꞌun te yijtsꞌinabe.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.