1 Corintios 1:18 - Nuevo Testamento Tzeltal de Amatenango

¹⁸ Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

Bible in Tzeltal Bachajón

¹⁸ Te mach'atic ch'ayel ya xbahtic, howil c'op cuybil yu'unic sc'oblal te cruz, yan te ho'otic te ya xcolotic, ha yu'el te Diose.

Bible in Tzeltal de Oxchuc y Tenejapa

¹⁸ Te c'alal ya calbeytic sc'oplal te laj ta cruz te Cristoe, jowil c'op aiyej nax c'oem ta yo'tanic te mach'atic ch'ayel ya xbajt'ique. Yan te jo'otic te ya xcolotique, jich c'oem ta co'tantic te ja' yu'el te Diose.

1 Corintios 1:18 ပူးပေါင်းရင်းမြစ်များ

Hechos 13:41

“Aꞌiya awaꞌiyik jaꞌex jpꞌajawanejetik, xiꞌanik me, baanik ta chꞌayel. Porke ay me tut ya kakꞌ kꞌotuk ta pasel ta atojolik te kuxulex ta balmilale, te ma xꞌachꞌuunik aunke me ay machꞌa ya yalbeyex”, xchi me —xchi ta yalel te jPabloe.

Hechos 17:18

Ay maestroetik yuꞌun te epikureoetike sok te estoikoetike lijk sjojokꞌobe sba sok te jPabloe. Ay la yalik: —¿Tut a te ya yal chawchꞌunetel to? —xchiik. Te yane la yalik: —Yuꞌun wan yipal ta yalbeyel skꞌoplal achꞌ diosetik —xchiik. Jich a yalik, yuꞌun te jPabloe yipal ta yaltalanbeyel te lekil achꞌ kꞌop yuꞌun te Jesuse sok te chaꞌkuxele.

Hechos 17:32

Te kꞌalal jich a yaꞌiyik te chaꞌkux tal te ba ay animaetike, ay lijk ta ikꞌtinwanej yuꞌun. Y te yane la yalik: —Yan to buelta ya kaꞌitik xan te tut la awale, xchiik.

Hechos 2:47

La skꞌayojinbeyik slekil te Diose, y ben lek skꞌoplalik yuꞌun spisil te jtejklume. Jujun kꞌaal te Kajwaltike la spꞌoles te hermanoetike, chikan te machꞌatik ya sta skolelike.

Romanos 1:16

Makꞌ xkꞌexawon yuꞌun te lek achꞌ kꞌope. Porke jaꞌ spoder Dios yuꞌun ya staik te kolele spisil te machꞌatik ya xchꞌuune. Jaꞌ nail te juriyoetike, y sok te machꞌatik ma juriyouke.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 15:2

Sok jaꞌ me ya xkolex yuꞌun teme makꞌ ya achꞌay ta awoꞌtanik te skꞌoplal te la kalbeyexe, sok teme ma jowiluk nax te la achꞌuunike.

1 Corintios 2:14

Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

1 Corintios 2:2

Te kꞌalal la joyinexe, la jnop ta koꞌtan te jaꞌ nax ya kalbeyex skꞌoplal te Jesucristoe, sok te tutꞌil a cham ta kruse.

1 Corintios 3:19

Yuꞌun te pꞌijilil skuenta balmilale, puru jowil nax kꞌoem yuꞌun te Diose. Jich tutꞌil tsꞌibabil jilel te jich ya yale: “Te machꞌatik pꞌijike, jaꞌ me strampa ya xkꞌot te spꞌijilike —xchi me.

1 Corintios 4:10

Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

2 Corintios 4:3

Y te skꞌoplal kolel te ya kaltike, jaꞌ nax ijkꞌal kꞌinal yuꞌun te machꞌatik ya xlaj bajt ta chꞌayele.

1 Tesalonicenses 1:5

Yuꞌun te kꞌalal la kalbetikex te skꞌoplal kolele, ma tojol kꞌopetikuk nax te kꞌo kaltike, sino ke sok ta spoder te Chꞌul Espiritue, yuꞌun la jnaꞌtik te batsꞌi jich te tut la kalbeyex awaꞌiyike. Anaꞌojik lek te tutꞌil a atꞌejotik ta akuentaik skuenta alekuteselik.

2 Tesalonicenses 2:10

Y ya me xtuun yuꞌun spisil ta jkaj te tut ma lekuke yuꞌun ya sloꞌlay te machꞌatik ya xbajtik ta chꞌayele, porke maꞌ skꞌan ya xchꞌuunik te tut batsꞌi jich te ya yakꞌ te kolele.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 4:12

Porke te skꞌop Diose, kuxul y ay spoder. Jaꞌ mas ay ye ke te puñal te chaꞌmejch yee. Najt ya xꞌoch kꞌalal ta oꞌtanil y sok ta chꞌulelal, jaꞌ to te ba kꞌalal kuxul te gentee, y ya xchiknates ta jamal te pensaretik y te tutik ya snop te oꞌtanile.